完整藏文原文 · 德格版页 当前仅加载第 2 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
པོས་སྨྲས་པ། ལྷ་རྟག་ཏུ་མྱོས་འདི་དག་ཉིད་བདག་གི་མདུན་ནས་འགྲོ་བར་གྱུར་ཅིག །དེ་ནས་དེ་རྣམས་མདུན་ནས་བརྒྱུགས་སོ། །དེ་རྣམས་ཀྱིས་བརྒྱུགས་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་དྲུང་དུ་ཕྱིན་པ་དང་། དེ་རྣམས་ཀྱིས་དེ་དག་ལ་དྲིས་པ། ཤེས་ལྡན་དག་ཅི་སྟེ་
D1.002.0176b01.01རྒྱུག །མིའི་རྒྱལ་པོ་འདིར་འོང་ངོ་། །རྒྱལ་ཆེན་བཞིའི་རྣམས་ཀྱིས་བསམས་པ། སེམས་ཅན་འདི་ནི་བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་ཏེ་དེ་དགག་པར་མི་ནུས་སོ་སྙམ་ནས། དེ་ནས་རྒྱལ་ཆེན་བཞིའི་རིས་ཀྱི་ལྷ་དེ་རྣམས་ཀྱིས་སུམ་བཅུ་རྩ་གསུམ་པའི་ལྷ་རྣམས་ལ་
D1.002.0176b02.01འདིར་མིའི་རྒྱལ་པོ་ང་ལས་ནུ་འོང་ངོ་ཞེས་སྦྲན་ཏོ། །སུམ་བཅུ་རྩ་གསུམ་པའི་ལྷ་རྣམས་ཀྱིས་བསམས་པ། སེམས་ཅན་འདི་ནི་བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་པས་དེ་བཟློག་པར་མི་བྱའི་མཆོད་ཡོན་གྱིས་བསུ་བར་བྱའོ་སྙམ་ནས། དེ་ནས་སུམ་བཅུ་རྩ་གསུམ་
D1.002.0176b03.01པའི་ལྷ་དེ་རྣམས་ཀྱིས་མཆོད་ཡོན་གྱིས་བསུའོ། །རྒྱལ་པོ་ང་ལས་ནུ་རི་རབ་ཀྱི་རྩེ་ལ་འཛེག་པ་ན་ཚལ་སྔོ་ཞིང་སྔོ་བའི་ཕྲེང་བ་སྤྲིན་སྤུངས་པ་ལྟ་བུ་མཐོན་པོ་དག་མཐོང་ངོ་། །མཐོང་ནས་ཀྱང་གནོད་སྦྱིན་ལྷ་གནས་ལ་སྨྲས་པ། ལྷ་གནས་ཚལ་སྔོ་ཞིང་སྔོ་བའི་ཕྲེང་བ་སྤྲིན་སྤུངས་པ་
D1.002.0176b04.01ལྟ་བུ་མཐོན་པོ་ཕ་བི་དག་ཅི་ཞིག་ཡིན། ལྷ་དེ་ནི་སུམ་བཅུ་རྩ་གསུམ་པའི་ལྷ་རྣམས་ཀྱི་ཤིང་ཡོངས་འདུས་བརྟོལ་ཞེས་བགྱི་བ་ལགས་ཏེ། སུམ་བཅུ་རྩ་གསུམ་པའི་ལྷ་རྣམས་དབྱར་ཟླ་བ་བཞི་ལྷའི་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་དེ་ན་རྩེ་བར་བགྱིད། དགའ་བར་བགྱིད།
D1.002.0176b05.01དགའ་མགུར་སྤྱོད་པར་བགྱིད་དོ། །ལྷ་ཡང་དེར་བྱོན་ནས་ལྷའི་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་རོལ་བར་མཛད། དགྱེས་པར་མཛད། དགྱེས་མགུར་སྤྱད་པར་མཛོད་ཅིག་རྒྱལ་པོ་ང་ལས་ནུས་ཐོས་ནས་ཀྱང་བློན་པོ་རྣམས་ལ་སྨྲས་པ། སྣ་བོ་དག་ཁྱེད་ཅག་
D1.002.0176b06.01གིས་ཚལ་སྔོ་ཞིང་སྔོ་བའི་ཕྲེང་བ་སྤྲིན་སྤུངས་པ་ལྟ་བུ་མཐོན་པོ་དག་མཐོང་ངམ། ལྷ་མཐོང་ལགས་སོ། །སྣ་བོ་དག་དེ་ནི་སུམ་བཅུ་རྩ་གསུམ་པའི་ལྷ་རྣམས་ཀྱི་ཤིང་ཡོངས་འདུ་ས་བརྟོལ་ཅེས་བྱ་བ་ཡིན་ཏེ། སུམ་བཅུ་རྩ་གསུམ་པའི་ལྷ་རྣམས་དབྱར་ཟླ་བ་བཞི་ལྷའི་འདོད་པའི་ཡོན་
D1.002.0176b07.01