完整藏文原文 · 德格版页 当前仅加载第 2 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། །ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེའི་ཚེ་བྲམ་ཟེའི་ཁྱེའུ་སེར་སྐྱའི་བུ་འཁོར་འདུས་པ་དེ་ཉིད་དུ་འདུག་པར་གྱུར་ཏོ། །དེ་ནས་བྲམ་ཟེའི་ཁྱེའུ་སེར་
D1.002.0042b01.01སྐྱའི་བུ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་སྤོབས་ལགས་སོ། །བདེ་བར་གཤེགས་པ་བདག་ནི་
D1.002.0042b02.01སྤོབས་ལགས་སོ། །བཅོམ་ལྡན་འདས་ཀྱིས་སེར་སྐྱའི་བུ་ཁྱོད་སྤོབས་པར་གྱིས་ཤིག་ཅེས་བཀའ་སྩལ་པ་དང་། དེ་ནས་བྲམ་ཟེའི་ཁྱེའུ་སེར་སྐྱའི་བུས་དེའི་ཚེ་ཚིགས་སུ་བཅད་དེ་གསོལ་པ། ཨང་གའི་རྒྱལ་པོ་ནོར་བུའི་གོ་འཆང་བ། །མ་གའི་དབང་པོས་རྙེད་པ་རབ་
D1.002.0042b03.01རྙེད་དེ། །དེ་ཡི་ཡུལ་དུ་བྱུང་བའི་སངས་རྒྱས་ནི། །གྲགས་པའི་སྒྲ་དག་གངས་ཀྱི་རི་བོ་བཞིན། །ཇི་ལྟར་པད་མ་བཟང་པོ་ལེགས་འཁྲུངས་པ། །དགོངས་ཀ་ཁ་འབྱེ་དྲི་ཞིམ་ལྡན་པ་བཞིན། །བར་སྣང་ལ་ནི་ཉི་མ་ལྷག་གེ་བར། །སྣང་བ་ལྟ་བུར་ཉི་མའི་རྒྱུད་ལ་ལྟོས། །
D1.002.0042b04.01དེ་བཞིན་གཤེགས་པ་རྣམས་ཀྱི་ཤེས་རབ་སྟོབས། །ཇི་ལྟར་མཚན་མོ་མེ་འབར་ལྟ་བུ་ལྟོས། །དེ་ནི་མིག་བྱེད་སྣང་བ་བྱེད་པ་སྟེ། །ལྷགས་པ་རྣམས་ཀྱི་ཐེ་ཚོམ་རྣམ་པར་འདུལ། །ལིཙྪ་བཱི་ལྔ་བརྒྱས་བྲམ་ཟེའི་ཁྱེའུ་སེར་སྐྱའི་བུ་ལེགས་པར་སྨྲས་སོ། །བྲམ་ཟེའི་
D1.002.0042b05.01ཁྱེའུ་སེར་སྐྱའི་བུ་ལེགས་པར་སྨྲས་སོ། །ཞེས་བླ་གོས་ལྔ་བརྒྱ་ལེགས་པར་སྨྲས་པའི་ཕྱིར་བྱིན་ནོ། །དེ་ནས་ཡངས་པ་ཅན་གྱི་ལིཙྪ་བཱི་རྣམས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་
D1.002.0042b06.01ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། །གནས་འཇོག་དག་ང་སྔར་ཨ་མྲ་སྐྱོང་མས་སྤྱན་དྲངས་སོ། །བཙུན་པ་ཨ་མྲ་
D1.002.0042b07.01