完整藏文原文 · 德格版页 当前仅加载第 2 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །ཐམས་ཅད་གཟིགས་པས་སེང་གེ་ཡི། །སྒྲ་སྒྲོགས་པ་ཡི་མཆོག་ཏུ་བསྟན། །བདག་གིས་ཉོན་མོངས་ཐམས་ཅད་སྤངས། །ཉོན་མོངས་བྲལ་བས་ཟག་པ་མེད། །ད་དུང་དུ་ཡང་བཙུན་པ་དག །དེ་ལྟར་རྫུ་འཕྲུལ་ཐོབ་
D1.002.0290a01.01གྱུར་ཀྱང་། །ཕུག་ན་བདག་གི་ཟས་མཆིས་པ། །རྡོ་བ་ཉིད་དུ་གྱུར་ལགས་སོ། །བཙུན་པ་བདག་གིས་སྡིག་པ་ནི། །གང་བགྱིས་དྲན་པ་འདི་ལགས་ཏེ། །ལས་རྣམས་ཆུད་མི་ཟ་བས་ན། །དེ་ཡི་འབྲས་བུ་ཉམས་སུ་མྱོང་། །བྷ་ར་དྭ་ཛ་བསོད་སྙོམས་ལེན། །དགེ་སློང་དགེ་འདུན་མདུན་འདུག་ནས། །དེ་ལྟར་མ་དྲོས་
D1.002.0290a02.01མཚོ་ཆེན་དུ། །རང་གི་ལས་ནི་ལུང་བསྟན་ཏོ། །བྷ་ར་དྭ་ཛ་བསོད་སྙོམས་ལེན་གྱི་ལེའུ་སྟེ་བརྒྱད་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས་ཚེ་དང་ལྡན་པ་ལེགས་འོངས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ལེགས་འོངས་ཚེ་དང་ལྡན་པ་བྷ་ར་དྭ་ཛ་བསོད་སྙོམས་
D1.002.0290a03.01ལེན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་ལེགས་འོངས་ཀྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག །དེ་ནས་ཚེ་དང་ལྡན་པ་ལེགས་འོངས་ཀྱིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྒྱལ་པོའི་ཕོ་བྲང་བཤེས་ལྡན་དུ། །ཚོང་དཔོན་བུ་ཕོར་གྱུར་ནས་ནི། །བདག་ནི་ནོར་དང་
D1.002.0290a04.01འབྲུ་མང་ཞིང་། །སྐྱེ་བོའི་ཚོགས་ཀྱིས་བཀུར་བ་དང་། །རྒྱལ་པོ་དང་ནི་གྲོང་མི་དང་། །གསང་ཚིག་བརྗོད་པ་རྣམས་ཀྱིས་བཀུར། །བལྟ་ན་སྡུག་ཅིང་མཛེས་པ་དང་། །དར་ལ་བབ་པ་གཟུགས་ཀྱིས་རྒྱགས། །དེ་ནས་བདག་ནི་ཤིང་རྟར་ཞུགས། །སྐྱེ་བོའི་ཚོགས་ཀྱིས་མདུན་བྱས་ནས། །འདོད་པ་ཀུན་དང་
D1.002.0290a05.01ལྡན་གྱུར་ཅིང་། །སྐྱེད་མོས་ཚལ་གྱི་གནས་སུ་བྱུང་། །སྐྱེད་མོས་ཚལ་དེར་དགེ་སྦྱོང་ནི། །དབང་པོ་ལེགས་པར་བསྡམས་པ་དང་། །དབང་པོ་ཞི་བས་རྒྱུ་བྱེད་པ། །ཆོས་གོས་རྙིང་པ་ཅན་ཞིག་མཐོང་། །དགེ་སྦྱོང་དེ་མཐོང་བདག་གིས་ནི། །ཡིད་མི་བདེ་བ་སྐྱེས་གྱུར་ཏེ། །དེ་སྐྱོན་མེད་ཀྱང་མི་སྡུག་ནས། །སྨད་
D1.002.0290a06.01ཅིང་སྤྱོ་བ་བྱས་པ་ནི། །ཁ་དོག་ངན་ཅིང་འཇིགས་པར་སྣང་། །མཛེ་ཅན་ལུས་ནི་ལུས་རྨ་ཅན། །ཤ་བྲི་ངན་ཅིང་རྩ་འཐོན་པ། །རབ་ཏུ་བྱུང་འདི་སུ་ཡི་ཡིན། །ངག་གི་ཉེས་པ་སྤྱད་པ་དང་། །ལས་ཀྱི་རྣམ་པར་སྨིན་པ་དེས། །དེ་ནས་འཆི་འཕོའི་དུས་བྱས་ནས། །དམྱལ་བ་རྣམས་སུ་སྐྱེས་པར་གྱུར། །
D1.002.0290a07.01