完整藏文原文 · 德格版页 当前仅加载第 2 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟའི་བར་དུ་ཡང་{ཡི་དགས་,ཡི་དྭགས་}རྣམས་སུ་སྐྱེས་པ་ཡིན་ནོ། །གང་ཡང་ང་ལ་སེམས་མངོན་པར་དད་པར་བྱས་པ་དེས་ན་ལྷ་རྣམས་སུ་སྐྱེས་སོ། །གང་ཡང་དག་པར་རྫོགས་པའི་སངས་རྒྱས་འོད་སྲུང་ལ་སྐྱབས་སུ་འགྲོ་བ་དང་བསླབ་པའི་གཞི་བླངས་པ་དེས་ན་བདེན་
D1.002.0154a01.01པ་མཐོང་བར་བྱས་སོ། །དགེ་སློང་དག་དེ་ལྟ་བས་ན་གཅིག་ཏུ་གནག་པ་རྣམས་ཀྱི་ལས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས་བརྩལ་བར་བྱ་སྟེ། དགེ་སློང་དག་ཁྱེད་ཅག་གིས་དེ་ལྟ་བུ་ལ་བསླབ་པར་བྱའོ། །ཞེས་དེ་སྐད་ཅེས་བཀའ་སྩལ་ཏོ་ཞེས་བྱ་བའི་
D1.002.0154a02.01བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཆུ་བོ་གང་གཱ་ལས་རྒལ་བ་ན་གླང་པོ་ཆེའི་ལྟ་སྟངས་ཀྱིས་གཡས་ཕྱོགས་ནས་ཆུ་བོ་གང་གཱ་ལ་གཟིགས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཅིའི་སླད་དུ་གཡས་ཕྱོགས་ནས་
D1.002.0154a03.01ཆུ་བོ་གང་གཱ་ལ་གཟིགས་པར་མཛད། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཅག་ཆུ་བོ་གང་གཱའི་གླེང་གཞི་ཉན་པར་འདོད་དམ། བཅོམ་ལྡན་འདས་ད་དེའི་དུས་ལ་བབ་ལགས་སོ། །བདེ་བར་གཤེགས་པ་ད་དེའི་དུས་ལ་བབ་ལགས་ཏེ། བཅོམ་
D1.002.0154a04.01ལྡན་འདས་ཀྱིས་ཆུ་བོ་གང་གཱའི་གླེང་གཞི་གང་ལགས་པ་བཤད་ན་དགེ་སློང་རྣམས་ཉན་པར་འགྱུར་ལགས་སོ།། །།འདུལ་བ་གཞི། བམ་པོ་སུམ་བཅུ་རྩ་དགུ་པ། དགེ་སློང་དག་སྔོན་བྱུང་བ་རྒྱལ་པོ་སྨྱུག་སྦམས་ཞེས་བྱ་བ་ཆོས་ཀྱི་རྒྱལ་པོ་ཆོས་དང་ལྡན་པ་ཞིག་བྱུང་སྟེ།
D1.002.0154a05.01དེའི་ཡུལ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་མི་མང་པོས་གང་བ། ཤིང་མེ་ཏོག་དང་འབྲས་བུ་རྟག་པ། ལྷ་རྣམས་དུས་དུས་སུ་ཆར་འབེབས་པས་ས་གཞི་ལོ་ཐོག་དང་ལྡན་ཞིང་འཐབ་པ་དང་། ཐབ་མོ་དང་། རྩོད་པ་དང་། འཁྲུག་ལོང་དང་།
D1.002.0154a06.01ཆོམ་རྐུན་དང་། མུ་གེ་དང་། ནད་རྣམས་རབ་ཏུ་ཞི་བར་གྱུར་ལ། མི་རྣམས་རྟག་ཏུ་ཆོས་ལ་གཞོལ་བ་ན་ཆོས་ཀྱིས་རྒྱལ་སྲིད་བྱེད་དུ་འཇུག་གོ། །ཇི་ཙམ་ན་རྒྱལ་པོ་དེ་སོ་གའི་དུས་ལ་བབ་ནས་ཤིང་རྣམས་ཀྱི་མེ་ཏོག་ཁ་འབུས་ཤིང་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་།
D1.002.0154a07.01