完整藏文原文 · 德格版页 当前仅加载第 2 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་རྙེད་པ་ལེགས་པར་རྙེད་དོ། །གྲོགས་པོ་ལུས་འཕགས་ཀྱི་མི་རྣམས་ཀྱིས་རྙེད་པ་ཞེས་བྱ་བ་ནས་ཚུལ་ཁྲིམས་ཡང་དག་པར་བླངས་ཏེ་འདུག་པར་བྱེད་དོ་ཞེས་བྱ་བའི་བར་གོང་མ་བཞིན་དུའོ། །མུ་ཁྱུད་ཁྱོད་སུམ་བཅུ་རྩ་གསུམ་པའི་ལྷ་རྣམས་བལྟ་བའི་
D1.002.0055a01.01ཕྱིར་འགྲོ་འདོད་དམ། ཀཽ་ཤི་ཀ་བདག་སུམ་བཅུ་རྩ་གསུམ་པའི་ལྷ་རྣམས་བལྟ་བའི་ཕྱིར་མཆི་བར་འཚལ་ལོ། །མུ་ཁྱུད་དེའི་ཕྱིར་སྡོད་ཅིག་དང་རེ་ཞིག་ཁོ་བོས་ཁྱོད་ལ་རྟ་ཅང་ཤེས་སྟོང་དང་ལྡན་པའི་ཤིང་རྟ་བསྐུར་གྱིས་དེའི་ནང་དུ་ཁྱོད་ཞུགས་ལ་མ་གཡོ་བར་ཤོག་ཤིག །དེ་བཞིན་དུ་
D1.002.0055a02.01བགྱིའོ་ཞེས་རྒྱལ་པོ་མུ་ཁྱུད་ཀྱིས་ལྷའི་དབང་པོ་བརྒྱ་བྱིན་གྱི་ལྟར་མཉན་ཏོ། །དེ་ནས་ལྷའི་དབང་པོ་བརྒྱ་བྱིན་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས་ཁ་ལོ་སྒྱུར་བ་མ་ལ་གདུ་ལ་སྨྲས་པ། མ་ལ་གདུ་ཁྱོད་སོང་ལ་མྱུར་བ་ཁོ་ནར་རྟ་ཅང་ཤེས་སྟོང་དང་ལྡན་པའི་ཤིང་རྟ་ཤོམས་ཏེ་
D1.002.0055a03.01རྒྱལ་པོ་མུ་ཁྱུད་གང་ན་བ་དེར་སོང་ལ་ཕྱིན་ནས་འདི་སྐད་ཅེས། མུ་ཁྱུད་ཁྱོད་ལ་ལྷའི་དབང་པོ་བརྒྱ་བྱིན་གྱིས་རྟ་ཅང་ཤེས་སྟོང་དང་ལྡན་པའི་ཤིང་རྟ་བསྐུར་བ་འདི་ཡིན་གྱིས། འདིར་ཁྱོད་ཞུགས་ལ་མ་གཡོ་བར་ཤོག་ཤིག་ཅེས་སྨྲོས་ཤིག །ཀཽ་ཤི་ཀ་ཁྱོད་ཀྱིས་གསུངས་པ་ཤིན་
D1.002.0055a04.01ཏུ་བཟང་ངོ་ཞེས་ཁ་ལོ་སྒྱུར་བ་མ་ལ་གདུས་ལྷའི་དབང་པོ་བརྒྱ་བྱིན་གྱི་ལྟར་མཉན་ནས་མྱུར་བ་ཁོ་ནར་རྟ་ཅང་ཤེས་སྟོང་དང་ལྡན་པའི་ཤིང་རྟ་བཤམས་ནས་རྒྱལ་པོ་མུ་ཁྱུད་གང་ན་བ་དེར་སོང་སྟེ་ཕྱིན་པ་དང་འདི་སྐད་ཅེས་སྨྲས་སོ། །མུ་ཁྱུད་ཁྱོད་ལ་ལྷའི་དབང་པོ་བརྒྱ་བྱིན་གྱིས་རྟ་ཅང་
D1.002.0055a05.01ཤེས་སྟོང་དང་ལྡན་པའི་ཤིང་རྟ་བསྐུར་བ་འདི་ཡིན་གྱིས། འདིར་ཁྱོད་ཞུགས་ལ་མ་གཡོ་བར་ཤོག་ཤིག་ཅེས་ཟེར་རོ། །ཀུན་དགའ་བོ་རྒྱལ་པོ་མུ་ཁྱུད་རྟ་ཅང་ཤེས་སྟོང་དང་ལྡན་པའི་ཤིང་རྟའི་ནང་དུ་མི་གཡོ་བར་ཞུགས་པ་དང་། དེ་ནས་ཁ་ལོ་སྒྱུར་བ་མ་ལ་གདུས་རྒྱལ་པོ་
D1.002.0055a06.01མུ་ཁྱུད་ལ་འདི་སྐད་ཅེས་སྨྲས་སོ། །མུ་ཁྱུད་ཁྱོད་ཀྱི་ཤིང་རྟ་གང་ལོགས་སུ་དྲང་། གང་ན་སེམས་ཅན་སྡིག་པའི་ལས་ཅན་རྣམས་སྡིག་པ་མི་དགེ་བའི་ལས་ཀྱི་རྣམ་པར་སྨིན་པ་སོ་སོར་ཉམས་སུ་མྱོང་བ་ལོགས་སུའམ། གང་ན་སེམས་ཅན་དགེ་བའི་ལས་ཅན་རྣམས་ལས་དགེ་བའི་
D1.002.0055a07.01