完整藏文原文 · 德格版页 当前仅加载第 2 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་གསུངས། །ཁྱོད་སྔོན་བྱང་ཆུབ་སྤྱོད་པ་ན། །སངས་རྒྱས་ཇི་སྙེད་དུས་གང་དུ། །ཇི་ལྟ་བུར་ནི་བསྙེན་བཀུར་མཛད། །མི་མཆོག་དེ་ནི་བདག་ལ་གསུངས། །ཀུན་དགའ་བོ་ཡི་ཚིག་གསན་ནས། །རྐང་གཉིས་དམ་པ་རྫོགས་སངས་རྒྱས། །འགྲོ་ལ་ཐུགས་
D1.002.0276a01.01རྗེ་མཛད་ནས་སུ། །ཐུབ་པས་བྱང་ཆུབ་སྤྱོད་པ་གསུངས། །སངས་རྒྱས་འདོད་ཆགས་བྲལ་ཐོས་ཤིང་། །གླང་པོ་དྲེགས་པའི་ཤས་ཆེན་དང་། །འཇིག་རྟེན་སྡུག་བསྔལ་གྱུར་མཐོང་ནས། །ངས་ནི་བྱང་ཆུབ་སེམས་བསྐྱེད་དོ། །མི་དབང་འོད་ལྡན་གྱུར་པ་ན། །ངས་ནི་བྱང་ཆུབ་
D1.002.0276a02.01འདོད་པའི་ཕྱིར། །ངས་ནི་བརྟན་པོར་དམ་བཅས་ཏེ། །སྐྱོན་མེད་པ་ཡི་སྦྱིན་པ་བཏང་། །ང་ནི་རྫ་མཁན་གྱུར་པ་ན། །སངས་རྒྱས་ཤཱཀྱ་ཐུབ་མཐོང་ནས། །བྱང་ཆུབ་ཕྱིར་ནི་ཐོག་མར་ངས། །མར་དང་ཏིལ་མར་གྱིས་མཆོད་དོ། །སྔོན་གྱི་སྐྱེ་བ་གཞན་དག་ཏུ། །ཚོང་དཔོན་བུ་མོར་
D1.002.0276a03.01གྱུར་པ་ན། །སངས་རྒྱས་ཀཽཎྜི་ནྱ་མཐོང་ནས། །ངས་ནི་མར་མེའི་སྦྱིན་པ་བྱས། །སངས་རྒྱས་གཞན་གྱིས་མི་ཐུལ་བའི། །ང་སྔོན་སྡེ་སྣོད་གསུམ་པ་ལས། །དགེ་སློང་དགེ་འདུན་རྩོད་པ་ལ། །དགེ་འདུན་ལ་ནི་བུད་མེད་སྨྲས། །ཚིག་གི་ཉེས་བྱས་བྱུང་བས་ན། །མོད་ལ་བུད་
D1.002.0276a04.01མེད་ཉིད་དུ་གྱུར། །སླར་ཡང་སེམས་དད་བྱས་པས་ནི། །སྐྱེས་པ་ཉིད་ནི་ཐོབ་པར་གྱུར། །སྔོན་གྱི་སྐྱེ་བ་གཞན་དག་ཏུ། །ང་ནི་རྒྱལ་པོའི་སྲས་གྱུར་ཚེ། །གཅེན་པོ་རིན་ཆེན་གཙུག་ཏོར་ལ། །མར་མེའི་སྦྱིན་པས་མཆོད་བྱས་ཤིང་། །ངས་ནི་ཟླ་གསུམ་དྲུག་བཅུ་རུ། །བདེ་
D1.002.0276a05.01མཛད་ཀྱི་ནི་ཞབས་འབྲིང་བྱས། །ངས་ནི་མྱ་ངན་འདས་པ་དེའི། །མཆོད་རྟེན་ལ་ནི་ནོར་ཀུན་ཕུལ། །ང་ནི་ཚོང་དཔོན་གྱུར་པ་ན། །སྒྲ་སྙན་དབྱངས་ལ་ཟླ་གསུམ་མཆོད། །དེ་ཡི་མཆོད་རྟེན་མཐོན་པོ་ནི། །དགུ་བཅུ་རྩ་གཅིག་རྩིག་ཏུ་བཅུག །ང་ནི་བྲམ་ཟེར་གྱུར་པ་ན། །སངས་
D1.002.0276a06.01རྒྱས་དཔལ་འབྱུང་མཐོང་ནས་དགའ། །ལེགས་པར་ཐལ་སྦྱར་དེ་ནས་ཡང་། །མི་མཆོག་ལ་ནི་མཆོད་པ་བྱས། །ང་སྔོན་བྲམ་ཟེར་གྱུར་པ་ན། །བསྟན་བཅོས་དུ་མ་འཇིགས་མེད་ཚེ། །སངས་རྒྱས་ཕན་པར་བཞེད་མཛད་པ། །ང་ཡི་སྟན་ལ་སྤྱན་དྲངས་སོ། །སྔོན་ནི་དཀའ་ཐུབ་
D1.002.0276a07.01