完整藏文原文 · 德格版页 当前仅加载第 2 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །དེ་ནས་འཁོར་ལོས་སྒྱུར་བའི་རྒྱལ་པོས་ནོར་བུ་རིན་པོ་ཆེ་བརྟག་པར་འདོད་ནས་མུན་གནག་སྨག་ཏུ་གྱུར་ལ། ལྷས་མཚན་མོ་ཆར་གྱི་རྒྱུན་དལ་བུ་དལ་བུས་འབེབས་ཤིང་། གློག་འགྱུ་བའི་དུས་སུ་ནོར་བུ་རིན་པོ་ཆེ་དེ་རྒྱལ་མཚན་གྱི་རྩེ་མོ་ལ་བཞག་ནས་སྐྱེད་མོས་ཚལ་གྱི་ནང་དུ་
D1.002.0139b01.01དཔུང་གི་ཚོགས་ཡན་ལག་བཞི་དང་ལྷན་ཅིག་དོང་བ་ན། འཁོར་ལོས་སྒྱུར་བའི་རྒྱལ་པོའི་དཔུང་གི་ཚོགས་ཡན་ལག་བཞི་པོ་ཇི་སྙེད་པ་ཐམས་ཅད་དང་། རྒྱང་གྲགས་ཕྱེད་ཁོ་ར་ཁོར་ཡུག་ཏུ་ནོར་བུའི་འོད་ཀྱིས་གསལ་བར་འགྱུར་ཏེ། སྲིང་མོ་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་བྱུང་
D1.002.0139b02.01ན་ནོར་བུ་རིན་པོ་ཆེ་དེ་ལྟ་བུ་འཇིག་རྟེན་དུ་འབྱུང་བར་འགྱུར་རོ། །སྲིང་མོ་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་བྱུང་ན་བཙུན་མོ་རིན་པོ་ཆེ་ཇི་ལྟ་བུ་ཞིག་འཇིག་རྟེན་དུ་འབྱུང་བར་འགྱུར་ཞེ་ན། སྲིང་མོ་འདི་ལ་འཁོར་ལོས་སྒྱུར་བའི་རྒྱལ་པོའི་བཙུན་མོ་ནི་གཟུགས་བཟང་བ། མཛེས་པ།
D1.002.0139b03.01བལྟ་ན་སྡུག་པ། ཧ་ཅང་མི་དཀར་བ། ཧ་ཅང་མི་སྔོ་བ། ཉ་ཁར་བ་ལྟར་པགས་པ་འཇམ་པ། ཧ་ཅང་མི་རིང་བ། ཧ་ཅང་མི་ཐུང་བ། བོང་རན་པ། ཧ་ཅང་མི་སྦོམ་པ། ཧ་ཅང་མི་སྐེམ་པ། ཧ་ཅང་མི་ཚོ་བ། ཤ་བྲེ་རན་པ་གང་ཡིན་པ་སྟེ། སྲིང་མོ་དེ་ནི་གྲང་བའི་ཚེ་
D1.002.0139b04.01ལུས་ལ་རེག་ན་དྲོ་བ། ཚ་བའི་ཚེ་ལུས་ལ་རེག་ན་བསིལ་བ། ཡུལ་ཀ་ལིང་ཀའི་གོས་ལྟར་རེག་ན་འཇམ་པའོ། །སྲིང་མོ་དེའི་བ་སྤུའི་བུ་ག་ཐམས་ཅད་ནས་ནི་ཙན་དན་གྱི་དྲི་འབྱུང་ངོ་། །ཁ་ནས་ནི་ཨུཏྤ་ལ་སྔོན་པོའི་དྲི་འབྱུང་ངོ་། །ཇི་སྲིད་ཀྱིས་ཚེ་དང་ལྡན་པ་ཀུན་དགའ་བོས་བཙུན་
D1.002.0139b05.01མོ་རིན་པོ་ཆེའི་བར་དུ་བཤད་པ་དེ་སྲིད་ཀྱིས་བུ་མོ་དེས་ཀྱང་ནས་ཀྱི་བྱ་བ་ཟིན་ནས། དེས་རྐང་པ་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། འཕགས་པ་དགེ་བའི་རྩ་བ་འདིས་བདག་འཁོར་ལོས་སྒྱུར་བའི་བཙུན་མོ་རིན་པོ་ཆེར་གྱུར་ཅིག །དེ་ནས་ཚེ་དང་ལྡན་པ་ཀུན་
D1.002.0139b06.01དགའ་བོས་ནས་བྱི་དོར་བྱས་པ་ཁྱེར་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ཕུལ་ལོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་
D1.002.0139b07.01