完整藏文原文 · 德格版页 当前仅加载第 2 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་གསོལ་བ་འདེབས་ཤིང་སྤྱན་སྔར་འདུག་གོ། །འདི་སྐད་ཅེས་ཀྱང་གསོལ་ཏེ། ཀྱེ་གཽ་ཏ་མ་སྦྱིན་པ་འདི་ལས་བསོད་ནམས་ཀྱི་རྒྱུ་མཐུན་པ་དང་། དགེ་བའི་རྒྱུ་མཐུན་པ་དང་། བདེ་བའི་གཞི་ཅི་མཆིས་པ་དེ་དམར་བུ་ཅན་ན་གནས་པའི་ལྷ་རྣམས་ཀྱི་ཡུན་རིང་
D1.002.0025b01.01པོའི་དོན་དང་། ཕན་པ་དང་བདེ་བའི་སླད་དུ་ཡོན་བསྔོ་བ་མཛད་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། སྐྱེས་བུ་གང་ཟག་དད་པ་ཅན། །གང་ཞིག་ལྷ་རྣམས་མཆོད་བྱེད་པ། །སྟོན་པའི་བཀའ་བཞིན་བྱེད་པ་སྟེ། །དེ་
D1.002.0025b02.01ནི་སངས་རྒྱས་རྣམས་ཀྱིས་བསྔགས། །མཁས་ཤིང་ཡིད་ནི་གཞུངས་པ་ཡིས། །གང་གི་ཕྱོགས་སུ་གནས་འཆའ་བ། །ཚུལ་ཁྲིམས་ལྡན་པ་བཤོས་གསོལ་ནས། །དེ་ཡི་འོག་ཏུ་ཡོན་བསྔོ་བྱ། །དེ་རྣམས་རྗེད་པས་རྗེད་འགྱུར་ཞིང་། །མཆོད་པས་ཀྱང་ནི་
D1.002.0025b03.01མཆོད་པར་འགྱུར། །དེ་ནས་ལྟོ་ནས་བྱུང་བ་ཡི། །བུ་ལ་མ་བཞིན་འདི་ལ་བརྩེ། །ལྷ་རྣམས་བརྩེ་བའི་སྐྱེས་བུས་ནི། །བདེ་བ་བཟང་པོ་མཐོང་བར་འགྱུར། །དེ་ནས་བཅོམ་ལྡན་འདས་ཀྱིས་མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་ཆོས་དང་ལྡན་པའི་གཏམ་
D1.002.0025b04.01ཡང་དག་པར་བསྟན་ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་དེར་རྒྱུ་ལྷག་གང་ཡིན་པ་དེ་ཐམས་ཅད་
D1.002.0025b05.01སྦྱིན་པར་བཏང་ནས་བཅོམ་ལྡན་འདས་ཀྱི་རྗེས་བཞིན་རྗེས་བཞིན་དུ་འབྲང་ཞིང་། འདི་སྙམ་དུ་སེམས་ཀྱིས་སེམས་ལ་མངོན་པར་འདུ་བྱེད་དེ། བཅོམ་ལྡན་འདས་གཽ་ཏ་མ་དམར་བུ་ཅན་གྱི་གྲོང་གི་སྒོ་གང་ནས་ཕྱིར་གཤེགས་པ་དེ་ནི་བདག་གིས་གཽ་ཏ་མའི་སྒོ་ཞེས་གདགས་
D1.002.0025b06.01སོ། །ཆུ་བོ་གང་གཱའི་འཇུག་ངོགས་གང་ནས་རྒལ་བ་དེ་ཡང་གཽ་ཏ་མའི་འཇུག་ངོགས་ཞེས་གདགས་སོ་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱི་བསམ་པ་མཁྱེན་ནས། དམར་བུ་ཅན་གྱི་གྲོང་གི་
D1.002.0025b07.01