完整藏文原文 · 德格版页 当前仅加载第 2 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་ནི་རྙེད་པར་འགྱུར་ལགས་སོ། །སྲིན་མོ་ལྕགས་ཀྱི་མཆུ་ཅན་ཞིག །ཁ་འཛུམས་གདངས་པར་བགྱིད་གཟིགས་ན། །དེ་ཚེ་དེ་ཡི་འཕྲལ་བ་ལ། །ཕུར་པ་དག་གིས་གདབ་པར་མཛོད། །དེ་བཞིན་ཁྲོན་པ་ཀློང་དྲག་འཁྱིལ། །དྲུག་བཅུའི་ཁྲུ་ཅན་ལ་ཁྱོད་མཆོངས། །
D1.002.0216b01.01སྐྲ་མིག་སེང་གེའི་ལྟར་སེར་ཞིང་། །མི་བཟད་བསྙེན་པར་དཀའ་བ་ཡི། །གནོད་སྦྱིན་དང་ནི་སྲིན་པོ་དག །གཞུ་བཀང་སྟེ་ནི་གསང་མཛོད་ལ། །ཆུ་སྲིན་འཛིན་ཁྲིས་གང་བ་ཡི། །ཆུ་བོ་མང་པོ་རྒལ་མཛོད་ཅིག །ནང་ག་ཕྱེ་མ་ལབ་གདུངས་དང་། །སྣ་ཚོགས་ངུད་མོ་དགོད་པ་དང་། །
D1.002.0216b02.01སྦྲུལ་ཅན་འོད་མ་ཅན་གྱི་ཀླུང་། །ནང་ག་ན་ནི་སྲིན་མོ་ཁྲོ། །ཕྱེ་མ་ལབ་ན་མི་མ་ཡིན། །གདུངས་པ་ན་ནི་འཛིན་ཁྲི་མང་། །སྣ་ཚོགས་ཅན་ན་འདོད་སྒྱུར་གཟུགས། །ངུད་མོར་མི་འམ་ཅི་ཡི་བྲན། །དགོད་པ་ན་ནི་མིའམ་ཅིའི། །མནའ་མ་སྦྲུལ་ཅན་སྦྲུལ་མང་ན། །འོད་མ་ཅན་
D1.002.0216b03.01ཀླུང་ཤལ་མ་ལི། །ནང་ག་ན་ནི་བརྟན་པར་བྱ། །ཕྱེ་མ་ལེབ་ལ་རྟུལ་ཕོད་བྱ། །གདུངས་པར་འཛིན་ཁྲི་ཁ་བཅིང་ངོ་། །སྣ་ཚོགས་ཅན་དུ་ཀླུ་སྣ་ཚོགས། །ངུད་མོ་ཅན་དུ་ཡིད་བདེ་བས། །དགོད་བྱེད་དུ་ནི་མི་སྨྲ་བའི། །སྦྱོར་བས་ཀུན་དུ་རྒལ་བར་མཛོད། །སྦྲུལ་ཅན་དུ་ནི་
D1.002.0216b04.01སྦྲུལ་དུག་གི། །སྔགས་ཀྱི་སྦྱོར་དང་འོད་མ་ཅན། །ཀླུང་དུ་མཚོན་རྣོན་གདབ་པ་ཡི། །སྦྱོར་བས་ཀུན་ཏུ་རྒལ་བར་མཛོད། །ཆུ་བོ་རྣམས་རྒལ་ནས་གཅན་པའི་གནས་ན་གནོད་སྦྱིན་ལྔ་བརྒྱ་ཡོད་པ་དེ་རྣམས་ལ་སྲན་ཚུགས་ཏེ་གཞོམ་པར་མཛོད་ཅིག །དེ་ནས་ནི་མིའམ་
D1.002.0216b05.01ཅིའི་རྒྱལ་པོའི་ཕོ་བྲང་མཆིས་སོ་ཞེས་གསུངས་ཤིག །དེ་ནས་གཞོན་ནུ་ནོར་{བཟངས་ཀྱིས་,བཟང་གིས་}ཇི་སྐད་བསྟན་པའི་སྨན་དང་། གསང་སྔགས་དང་། སྨན་དུག་སེལ་གྱི་སྦྱོར་བ་རྣམས་བཙལ་བའི་ཕྱིར་དྲང་སྲོང་དེའི་རྐང་པ་ལ་མགོ་བོས་ཕྱག་བྱས་ནས་སོང་ངོ་། །དེ་ནས་
D1.002.0216b06.01དེས་སྤྲེའུ་མ་གཏོགས་པར་ཇི་སྐད་བསྟན་པ་ཐམས་ཅད་སྟ་གོན་བྱས་ནས། དེ་ནས་དེ་རྣམས་ཁྱེར་ཏེ་ཡང་དྲང་སྲོང་དེའི་དྲུང་དུ་སོང་བ་དང་། དེས་དེ་ལ་སྤྲེའུ་བྱིན་ནས་སྨྲས་པ། གཞོན་ནུ་འབད་པ་འདིས་ཅི་བྱ། ཡིད་འཕྲོག་མ་འདིས་ཅི་ཞིག་དགོས། ཁྱོད་གཅིག་
D1.002.0216b07.01