完整藏文原文 · 德格版页 当前仅加载第 2 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ངའི་ཚིག་འདི་དག་གིས་དགེ་སྦྱོང་གཽ་ཏ་མའི་ཞབས་གཉིས་ལ་མགོ་བོས་ཕྱག་བྱོས་ལ་གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལ་འདི་སྐད་དུ་ཀྱེ་ཤེས་ལྡན་གཽ་ཏ་མ་ཀོ་ས་
D1.002.0086b01.01ལའི་རྒྱལ་པོ་གསལ་རྒྱལ་སང་བཅོམ་ལྡན་འདས་ལ་བལྟ་བར་མཆི་འཚལ་ན། ཤེས་ལྡན་གཽ་ཏ་མས་འདི་ལྟར་སྔ་ནས་ཐུགས་སུ་ཆུད་པར་མཛད་དུ་གསོལ་ཞེས་ཀྱང་གསོལ་ཅིག །ལྷ་བཀའ་བཞིན་འཚལ་ཞེས་མི་དེས་ཀོ་སའི་རྒྱལ་པོ་གསལ་རྒྱལ་གྱི་ལྟར་མཉན་
D1.002.0086b02.01ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་
D1.002.0086b03.01གཽ་ཏ་མའི་ཞབས་གཉིས་ལ་ཀོ་ས་ལའི་རྒྱལ་པོ་གསལ་རྒྱལ་མགོ་བོས་ཕྱག་འཚལ་ནས་གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལགས་སོ། །ཀྱེ་སྐྱེས་བུ་ཁྱོད་དང་
D1.002.0086b04.01ཀོ་སའི་རྒྱལ་པོ་གསལ་རྒྱལ་བདེ་བར་གྱུར་ཅིག །ཀྱེ་ཤེས་ལྡན་གཽ་ཏ་མ་ཀོ་ས་ལའི་རྒྱལ་པོ་གསལ་རྒྱལ་སང་བཅོམ་ལྡན་འདས་ལ་བལྟ་བའི་ཕྱིར་མཆི་བར་འཚལ་ན། ཤེས་ལྡན་གཽ་ཏ་མས་འདི་ལྟར་སྔ་ནས་ཐུགས་སུ་ཆུད་པར་མཛད་དུ་གསོལ། ཀྱེ་ནང་རྗེ་ང་ཉིད་ཀོ་
D1.002.0086b05.01ས་ལའི་རྒྱལ་པོ་གསལ་རྒྱལ་གྱིས་དུས་ལ་བབ་པར་ཤེས་པར་གྱིས་ཤིག །དེ་ནས་མི་དེ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས། ཡི་རངས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་བཅོམ་ལྡན་འདས་ཀྱིས་མི་དེ་སོང་ནས་རིང་
D1.002.0086b06.01པོ་མ་ལོན་པར་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་སོང་ལ་གཙུག་ལག་ཁང་ཡངས་པ་ཞིག་ཏུ་སྟན་མང་དུ་ཤོམས་ཤིག །ང་འདུག་ལ་དེང་ཉིད་ནས་ཀོ་ས་ལའི་རྒྱལ་པོ་གསལ་རྒྱལ་དང་འདུ་བར་བྱའོ། །བཙུན་པ་བཀའ་
D1.002.0086b07.01