完整藏文原文 · 德格版页 当前仅加载第 2 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་ཐོག་ཐག་གཤེགས་ནས་བྱང་ཕྱོགས་སུ་རྒྱུ་སྟེ། ཆུ་བོ་གང་གཱ་གང་ན་བར་གཤེགས་སོ། །དེ་ནས་ལུས་འཕགས་མའི་བུ་མ་ག་དྷཱའི་རྒྱལ་པོ་མ་སྐྱེས་དགྲ་འདི་སྙམ་དུ་སེམས་ཏེ། མ་ལ་བདག་ཉིད་ཁོ་ནས་བཅོམ་ལྡན་འདས་མཆོད་
D1.002.0026a01.01པ་བྱ་བ་ལ་ལྷག་པར་སྤྲོ་བར་བྱའོ་སྙམ་དུ་བསམས་ནས། རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་བ་དང་། ཡངས་པ་ཅན་གྱི་ལིཙྪ་བཱི་རྣམས་ཀྱིས་བསམས་པ། ལུས་འཕགས་མའི་བུ་མ་ག་དྷཱའི་རྒྱལ་པོ་མ་
D1.002.0026a02.01སྐྱེས་དགྲ་འདི་བཅོམ་ལྡན་འདས་མཆོད་པ་ལ་རང་ཉིད་ལྷག་པར་སྤྲོ་བར་གྱུར་ན། ཅིའི་ཕྱིར་ན་བདག་ཅག་གིས་སྤྲོ་བར་མི་བྱ་སྙམ་ནས་དེ་རྣམས་ཀྱིས་ཀྱང་རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ་། །ཀླུ་རྣམས་
D1.002.0026a03.01ཀྱིས་བསམས་པ། རེ་ཞིག་མི་འདི་རྣམས་བཅོམ་ལྡན་འདས་མཆོད་པ་བྱ་བ་ལ་ལྷག་པར་སྤྲོ་བར་གྱུར་ན། བདག་ཅག་ཀླུ་རྣམས་ནི་རྣམ་པར་ལྷུང་བའི་ལུས་ཅན་ཡིན་ན་ཅིའི་ཕྱིར་བདག་ཅག་སྤྲོ་བར་མི་བྱ་སྙམ་ནས། དེ་དག་གིས་ཀྱང་རྩིབས་བརྒྱ་དང་ལྡན་པའི་
D1.002.0026a04.01གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ་། །རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་བསམས་པ། རེ་ཞིག་མི་བསོད་ནམས་མངོན་སུམ་དུ་མ་མཐོང་བ་འདི་དག་ཀྱང་བཅོམ་ལྡན་འདས་མཆོད་པ་བྱ་བ་ལ་ལྷག་པར་སྤྲོ་བར་གྱུར་ན། མངོན་
D1.002.0026a05.01སུམ་དུ་མཐོང་བ་བདག་ཅག་གིས་ལྟ་ཅིའི་ཕྱིར་སྤྲོ་བར་མི་བྱ་སྙམ་ནས། དེ་རྣམས་ཀྱིས་ཀྱང་རྩིབས་བརྒྱ་དང་ལྡན་པའི་ལྷའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ་། །སུམ་བཅུ་རྩ་གསུམ་པའི་ལྷ་རྣམས་ཀྱིས་བསམས་པ། ལྷ་དང་མི་
D1.002.0026a06.01འདི་རྣམས་བཅོམ་ལྡན་འདས་མཆོད་པ་བྱ་བ་ལ་སྤྲོ་བར་གྱུར་ན། བདག་ཅག་གིས་ཅིའི་ཕྱིར་སྤྲོ་བར་མི་བྱ་སྙམ་ནས། དེ་དག་གིས་ཀྱང་རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ་། །བཅོམ་ལྡན་འདས་ཀྱིས་དགོངས་
D1.002.0026a07.01