完整藏文原文 · 德格版页 当前仅加载第 2 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
བྱམས་པ་རབ་ཏུ་འབྱུང་བའི་རྗེས་སུ་རབ་ཏུ་འབྱུང་བར་འགྱུར་རོ། །དེའི་ཆུང་མ་རིན་པོ་ཆེ་ས་ག་ཞེས་བྱ་བ་ཡང་བུད་མེད་བརྒྱད་ཁྲིའི་འཁོར་དང་བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་རབ་ཏུ་འབྱུང་བའི་རྗེས་སུ་རབ་ཏུ་འབྱུང་བར་འགྱུར་རོ། །བྲམ་
D1.002.0032b01.01ཟེ་ཚངས་པའི་ཚེ་ཡང་བྲམ་ཟེའི་ཁྱེའུ་བརྒྱད་ཁྲིའི་འཁོར་དང་བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་རབ་ཏུ་འབྱུང་བའི་རྗེས་སུ་རབ་ཏུ་འབྱུང་བར་འགྱུར་རོ། །དེ་ནས་ཡང་དག་པར་རྫོགས་པའི་སངས་རྒྱས་བྱམས་པ་འཁོར་དགེ་སློང་འབུམ་
D1.002.0032b02.01ཕྲག་དགུ་བཅུ་རྩ་དྲུག་དང་རི་བྱ་གག་རྐང་གང་ན་བ་དེར་གཤེགས་པར་འགྱུར་རོ། །དེ་ན་དགེ་སློང་འོད་སྲུང་གི་རུས་པའི་ཚོགས་མ་ཞིག་པ་འདུག་པས་རི་བྱ་གག་རྐང་བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་ལ་ཁ་དབྱེ་བར་འགྱུར་རོ། །དེ་ནས་
D1.002.0032b03.01བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པས་དགེ་སློང་འོད་སྲུང་གི་རུས་པའི་ཚོགས་མ་ཞིག་པ་ཕྱག་གཡས་པས་བླངས་ནས་ཕྱག་གཡོན་པར་བཞག་སྟེ་ཉན་ཐོས་རྣམས་ལ་འདི་སྐད་ཅེས། དགེ་སློང་དག་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་
D1.002.0032b04.01པ་ན་སྟོན་པ་ཤཱཀྱ་ཐུབ་པ་ཞེས་བྱ་བ་འཇིག་རྟེན་དུ་བྱུང་བ་དེའི་ཉན་ཐོས་རྣམས་ལས་ཆོག་ཤེས་པ་དང་འདོད་པ་ཆུང་བ་དང་། སྦྱངས་པའི་ཡོན་ཏན་དང་ལྡན་པ་རྣམས་ཀྱི་མཆོག་ནི་འོད་སྲུང་ཡིན་ནོ་ཞེས་བསྟན་པ་གང་ཡིན་པ་དེ་ནི་འདི་ཡིན་ཏེ། ཤཱཀྱ་ཐུབ་པ་ཡོངས་སུ་
D1.002.0032b05.01མྱ་ངན་ལས་འདས་ནས་དེའི་བསྟན་པ་ཡང་འདིས་ཡང་དག་པར་བསྡུས་སོ་ཞེས་ཆོས་སྟོན་པར་འགྱུར་རོ། །དེ་རྣམས་ཀྱིས་མཐོང་ནས་སྐྱོ་བ་སྐྱེས་ཏེ། འདི་འདྲ་བའི་ལུས་ཀྱིས་ཇི་ལྟར་འདི་ལྟ་བུའི་ཡོན་ཏན་གྱི་ཚོགས་ཐོབ་པར་གྱུར་སྙམ་ནས་དེ་རྣམས་སྐྱོ་བ་དེ་ཉིད་ཀྱིས་དགྲ་
D1.002.0032b06.01བཅོམ་པ་མངོན་སུམ་དུ་བྱེད་པར་འགྱུར་ཏེ། འབུམ་ཕྲག་དགུ་བཅུ་རྩ་དྲུག་དགྲ་བཅོམ་པ་ཉིད་དང་། སྦྱངས་པའི་ཡོན་ཏན་མངོན་དུ་བྱ་བ་ལ་བརྩོན་པར་འགྱུར་རོ། །མཆོད་སྡོང་དེ་ནི་དེར་ཞིག་པར་འགྱུར་རོ། །བཙུན་པ་རྒྱུ་གང་དང་རྐྱེན་གང་གིས་དཀོན་མཆོག་
D1.002.0032b07.01