完整藏文原文 · 德格版页 当前仅加载第 2 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །ཆོས་མ་ཡིན་པའི་འཁོར་གང་ཞེ་ན། འཁོར་གང་ཞིག་འདུན་པས་འགྲོ་བ་དང་། ཞེ་སྡང་དང་། གཏི་མུག་དང་། འཇིགས་པས་འགྲོ་བ་སྟེ། འདི་ནི་ཆོས་མ་ཡིན་པའི་འཁོར་ཞེས་བྱའོ། །
D1.002.0062a01.01ཆོས་ཀྱི་འཁོར་གང་ཞེ་ན། འཁོར་གང་ཞིག་འདུན་པས་འགྲོ་བ་མ་ཡིན། ཞེ་སྡང་གིས་མ་ཡིན། གཏི་མུག་གིས་མ་ཡིན། འཇིགས་པས་འགྲོ་བ་མ་ཡིན་པ་སྟེ། འདི་ནི་ཆོས་ཀྱི་འཁོར་ཅེས་བྱའོ། །དགེ་སློང་དག་ངས་ཁྱེད་ལ་ཆོས་མ་ཡིན་པ་དང་། ཆོས་ཀྱི་
D1.002.0062a02.01འཁོར་ངས་བཤད་དོ་ཞེས་གང་གསུངས་པ་བཤད་པ་ནི་དེ་ཡིན་ནོ། །མཚམས་ཅན་གྱི་གྲོང་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་མཚམས་ཅན་གྱི་གྲོང་འདིར་ཡང་དག་པར་རྫོགས་པའི་སངས་རྒྱས་
D1.002.0062a03.01གསེར་ཐུབ་བལྟམས་ཏེ། འདི་ཉིད་དུ་ཡོངས་སུ་མྱ་ངན་ལས་འདས་སོ། །ཞིང་པའི་གྲོང་ཁྱེར་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་བྱང་ཆུབ་སེམས་དཔར་གྱུར་པ་ན་ཞིང་པའི་གྲོང་འདིར་ཡབ་ཟས་
D1.002.0062a04.01གཙང་གི་ལས་ཀྱི་མཐའ་རྣམས་ལ་བལྟས་ནས་ཤིང་འཛམ་བུའི་གྲིབ་མ་ལ་ཟག་པ་མེད་པ་དང་འདྲ་བ་བསམ་གཏན་དང་པོ་ལ་སྙོམས་པར་ཞུགས་སོ། །ཕྱོགས་གཞན་ཞིག་ན་ཡང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཕྱོགས་འདིར་ཡང་དག་པར་རྫོགས་
D1.002.0062a05.01པའི་སངས་རྒྱས་གསེར་ཐུབ་ཀྱི་ན་བཟའ་ཆོས་གོས་བརྐྱང་བ་ཡིན་ནོ། །ཁྲུས་ཀྱི་གྲོང་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྲུས་ཀྱི་གྲོང་འདིར་ཡང་དག་པར་རྫོགས་པའི་སངས་རྒྱས་གསེར་ཐུབ་ཀྱིས་
D1.002.0062a06.01ཁྲུས་མཛད་པས་དེ་བས་ན་འདིའི་མིང་ཁྲུས་ཀྱི་གྲོང་ཁྲུས་ཀྱི་གྲོང་ཞེས་བྱ་བར་གྲགས་སོ། །བྱེ་མ་ཅན་དུ་བྱོན་ནས་བྱེ་མ་ཅན་དུ་ཤིང་འཛེག་གི་ཤིང་ལྟ་བུའི་མདོའི་ལམ་གྱི་ཚོགས་རྒྱས་པར་བསྡུས་སོ།། །།སྡོམ་ལ། འདོད་པ་མཐུན་དང་ཤས་ཆེ་དང་། །ལོ་མ་བདུན་དང་
D1.002.0062a07.01