完整藏文原文 · 德格版页 当前仅加载第 2 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་གྲོང་ཁྱེར་སྡིག་ཅན་དུ་མ་བཞུད་པར་ཀུ་ཤའི་གྲོང་ཁྱེར་གང་ན་བར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་ཀུ་ཤའི་གྲོང་ཁྱེར་དུ་བྱོན་ནས། དེ་ནས་
D1.002.0061b01.01བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུ་ཤའི་གྲོང་ཁྱེར་འདིར་ཤིང་སཱ་ལ་ཟུང་གི་བར་དུ་རིང་པོ་མི་ཐོགས་པ་ཁོ་ནར་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་འགྱུར་རོ།། །།སྡོམ་ལ། སྟེའུ་དང་
D1.002.0061b02.01ལྷས་བལྟས་ལུམ་བི་ནི། །སེར་སྐྱ་དང་ནི་ཤིང་འདའ་དང་། །གསེར་ཐུབ་ཞིང་པ་ཆོས་གོས་དང་། །ཁྲུས་དང་བྱ་ཅན་བཅུ་ཚོགས་ཡིན། །བཅོམ་ལྡན་འདས་སྒྲ་ངན་ན་སྒྲ་ངན་རྣམས་ཀྱི་གྲོང་རྡལ་ཁྲ་བོ་འདུལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་
D1.002.0061b03.01སློང་རྣམས་ལ་བཀའ་སྩལ་པ། དགེ་སློང་དག་ངས་ཟག་པ་ཟད་པ་ཤེས་ཤིང་མཐོང་ནས་གསུངས་ཏེ། རྒྱས་པར་ཡང་དག་པར་ལྡན་པའི་ལུང་ལས་ཕུང་པོའི་ལེའུ་ལས་སྟེའུ་ལྟ་བུའི་མདོ་འབྱུང་བ་ཡིན་ནོ། །ལྷས་བལྟས་སུ་བྱོན་ནས་དེར་ཚེ་དང་ལྡན་པ་ཀུན་དགའ་
D1.002.0061b04.01བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ལྷས་བལྟས་འདིར་ཤཱཀྱ་ཤིན་ཏུ་བློ་གསལ་བཙས་ཏེ་འདི་ཉིད་དུ་ཆེན་པོར་གྱུར་ཏོ། །ལུམ་བི་ནིར་གཤེགས་ནས་དེ་ན་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ལུམ་བི་ནིའི་ཚལ་འདི་རང་བཙས་ནས་
D1.002.0061b05.01རིང་པོ་མ་ལོན་ཞིང་སུས་ཀྱང་མ་བླངས་པར་གོམ་པ་བདུན་བོར་ནས་ངས་ཕྱོགས་བཞིར་བལྟས་ཏེ་ངའི་སྲིད་པའི་སྐྱེ་བའི་མཐའ་ནི་འདི་ཡིན་ནོ་ཞེས་ཚིག་ཏུ་སྨྲས་སོ། །སེར་སྐྱེའི་གནས་སུ་བྱོན་ནས་དེར་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སེར་སྐྱའི་
D1.002.0061b06.01གནས་འདིར་རྒྱལ་པོ་ཟས་གཙང་བཙས་ཏེ་འདི་ཉིད་དུ་ཆེན་པོར་གྱུར་ཏོ། །ཤིང་བལ་གྱི་འདའ་བ་ཅན་དུ་བྱོན་ནས། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཆོས་བཞིན་མ་ཡིན་པ་དང་། ཆོས་ཀྱི་འཁོར་བཤད་ཀྱིས་དེ་ལེགས་
D1.002.0061b07.01