完整藏文原文 · 德格版页 当前仅加载第 2 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བྱ་སྙམ་དུ་བསམས་པ་དང་། དེ་འདི་སྙམ་དུ་སེམས་ཏེ། འགའ་ཞིག་གི་དངགས་ལས་བསྙེན་པར་མི་བྱ་སྟེ། འོན་ཀྱང་བསྙེན་པ་བྱེད་པ་ལ་བསྙེན་པར་བྱའོ་ཞེས་འབྱུང་བས། མདོར་ན་བློན་པོ་རྣམས་ལ་བསྙེན་པར་བྱའོ་སྙམ་ནས། དེས་བློན་པོ་རྣམས་ལ་བསྙེན་པར་བྱ་
D1.002.0018b01.01བར་བརྩམས་སོ། །དེ་ནས་བློན་པོ་རྣམས་ཀྱིས་སྨྲས་པ། མདུན་ན་འདོན་དགོས་པ་ཅི་ཞིག་ལ་འོངས། དེས་སྨྲས་པ། ཤེས་ལྡན་དག་ཁོ་བོ་ནི་བཅོམ་ལྡན་འདས་ཀྱི་ཕྱིར་ལྷ་ལ་གསོལ་བ་འདེབས་སུ་མཆིས་ཀྱིས་ཁྱེད་ཅག་གིས་གྲོགས་མཛོད་ཅིག །དེ་རྣམས་ཀྱིས་སྨྲས་པ།
D1.002.0018b02.01དེ་བཞིན་དུ་བྱས་ཁོ་བོ་ཅག་གིས་ཇི་ཙམ་ན་བོས་པ་དེའི་ཚེ་ཁྱོད་ཤོག་ཅིག །དེ་ནས་དེ་དག་གིས་སྐབས་ཤེས་ནས་བོས་པ་དང་དེ་ནས་མདུན་ན་འདོན་མདའ་བོ་ཆེ་ལུས་འཕགས་མའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲ་གང་ན་བ་དེར་སོང་སྟེ་སོང་ནས་ལུས་འཕགས་མའི་བུ་ཡུལ་མ་
D1.002.0018b03.01ག་དྷཱའི་རྒྱལ་པོ་མ་སྐྱེས་དགྲ་ལ་རྒྱལ་བ་དང་ཚེ་སྤེལ་བ་དག་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་མདུན་ན་འདོན་མདའ་བོ་ཆེས་ལུས་འཕགས་མའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ་ཡངས་པ་ཅན་གྱི་ཚོགས་ཀྱི་མཆིད་ནས་
D1.002.0018b04.01ལྷ་ལ་གནོད་པ་ཆུང་ངམ། རེག་པར་གནས་སམ་ཞེས་བྱ་བ་རྒྱས་པར་སྙུན་གསོལ་ལོ། །མདའ་བོ་ཆེ་ཁྱོད་དང་། ཡངས་པ་ཅན་གྱི་ཚོགས་བདེ་བར་གྱུར་ཅིག །ལྷ་ཡངས་པ་ཅན་གྱི་ཚོགས་ཀྱི་མཆིད་ནས་འདི་སྐད་ཅེས། ལྷ་བཅོམ་ལྡན་འདས་ཡངས་པ་ཅན་དུ་
D1.002.0018b05.01གཤེགས་པར་བཅོམ་ལྡན་འདས་ལ་རྗེས་སུ་གནང་བར་མཛད་དུ་གསོལ། ལྷས་གལ་ཏེ་བཅོམ་ལྡན་འདས་ལ་རྗེས་སུ་མ་གནང་ན་རིང་པོ་མི་ཐོགས་པ་ཁོ་ནར་ཡངས་པ་ཅན་སྟོངས་ཤིང་མིང་ལུས་པར་འགྱུར་རོ་ཞེས་མཆིའོ། །རྒྱལ་པོས་སྨྲས་པ། མདའ་བོ་ཆེ་ཁོ་བོས་
D1.002.0018b06.01ཡུན་རིང་མོ་ཞིག་ནས་ཀྱེ་མ་ཡངས་པ་ཅན་གྱི་གནས་སྟོངས་ཀྱང་ཅི་མ་རུང་སྙམ་དུ་བསམས་པ་དེ་གལ་ཏེ་ཡངས་པ་ཅན་གྱི་གནས་སྟོངས་པར་གྱུར་ན་ཁོ་བོ་ཡིད་ལ་བསམ་པ་ཚེགས་ཆུང་ངུས་རྫོགས་པར་མ་གྱུར་ཏམ། དེ་སྐད་ཅེས་སྨྲས་པ་དང་། མདའ་བོ་ཆེ་སོང་ངོ་། །བློན་
D1.002.0018b07.01