完整藏文原文 · 德格版页 当前仅加载第 2 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཅིའི་ཕྱིར་ས་ལ་རེག་པར་མཛད་སྙམ་ན། མཆོད་སྡོང་གཟིགས་པར་བཞེད་པར་མཐོང་ངོ་། །དེ་ནས་དེ་དག་གིས་བསྒྲེང་བ་དང་། དགེ་སློང་རྣམས་ཀྱིས་མཆོད་སྡོང་བལྟ་བར་བརྩམས་སོ། །ཚེ་དང་ལྡན་པ་ལེགས་ལྡན་ནི་འདོད་པ་ཆུང་བ་ཡིན་
D1.002.0029b01.01པས་མཐའ་གཅིག་ཏུ་སོང་ནས་ཕྱག་དར་ཁྲོད་པ་དག་འཚེམ་མོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མཆོད་སྡོང་ནུབ་པར་འགྱུར་གྱིས་རྟགས་ཟུང་ཤིག་ཅེས་པ་ལས་དེ་ནུབ་པར་གྱུར་ཏོ། །སངས་རྒྱས་བཅོམ་ལྡན་
D1.002.0029b02.01འདས་ལ་དགེ་སློང་རྣམས་ཀྱིས་ཞུས་པ། བཙུན་པ་དགེ་སློང་རྣམས་མཆོད་སྡོང་ལ་ལྟ་བར་བགྱིད་ན། ཚེ་དང་ལྡན་པ་ལེགས་ལྡན་ནི་འདོད་པ་ཆུང་བས་མཐའ་གཅིག་ཏུ་མཆིས་ནས་ཕྱག་དར་ཁྲོད་པ་འཚེམ་པ་ལ་གཟིགས། ཅི་ལགས་རེ་ཞིག་འདོད་ཆགས་དང་བྲལ་
D1.002.0029b03.01བའི་སླད་དུའམ། འོན་ཏེ་སྔོན་བསྟེན་པའི་སླད་དུ་ལགས། གལ་ཏེ་རེ་ཞིག་འདོད་ཆགས་དང་བྲལ་བའི་སླད་དུ་ལགས་ན་ནི་གཞན་ཡང་འདོད་ཆགས་དང་བྲལ་བ་ཞིག་མཆིས་ལགས་སོ། །འོན་ཏེ་སྔོན་བསྟེན་པའི་སླད་དུ་ལགས་ན་ནི། འདིས་གང་དུ་བསྟེན་ལགས།
D1.002.0029b04.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདོད་ཆགས་དང་བྲལ་བའི་ཕྱིར་ཡང་ཡིན་ལ་སྔོན་ཡང་བསྟེན་པའི་ཕྱིར་ཡང་ཡིན་ནོ། །འདིས་སྔོན་གང་དུ་བསྟེན་ལགས། དགེ་སློང་དག་སྔོན་བྱུང་བ་རྒྱལ་པོ་རབ་སྒྲོགས་ཞེས་བྱ་བ་ཞིག་བྱུང་སྟེ། དེ་ལྷའི་དབང་པོ་བརྒྱ་
D1.002.0029b05.01བྱིན་དང་གྲོགས་པོར་གྱུར་ཏོ། །དེ་བུ་འདོད་ཀྱང་བུ་མེད་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་སྟེ་ནོར་རྫས་མང་པོ་ཞིག་བསགས་ན་བདག་ལ་བུ་མེད་པས་བདག་ཤིན་རྒྱལ་པོའི་གདུང་རྒྱུད་ཆད་པར་འགྱུར་རོ་སྙམ་མོ། །དེ་ནས་བརྒྱ་བྱིན་གྱིས་མཐོང་
D1.002.0029b06.01ནས་དྲིས་པ། གྲོགས་པོ་ཁྱོད་ཅིའི་ཕྱིར་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག །དེས་སྨྲས་པ། ཀཽ་ཤི་ཀ་ནོར་རྫས་འདི་སྙེད་ཅིག་བསགས་ན་བདག་ལ་བུ་མེད་པས་བདག་ཤི་ནས་རྒྱལ་པོ་གདུང་རྒྱུད་ཆད་པར་འགྱུར་བས་སོ། །བརྒྱ་བྱིན་གྱིས་སྨྲས་པ།
D1.002.0029b07.01