完整藏文原文 · 德格版页 当前仅加载第 2 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས་ཞེས་བྱ་བ་ནས་ཐོག་མ་མེད་
D1.002.0114a01.01པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་བདེན་པ་མཐོང་ནས་སྨྲས་པ། བཅོམ་ལྡན་འདས་བདག་ནི་འཕགས་སོ། །མངོན་པར་འཕགས་སོ། །བདག་
D1.002.0114a02.01བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བདག་དགེ་བསྙེན་དུ་གཟུང་དུ་གསོལ། དེང་སླན་ཅད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བྲམ་ཟེ་དབང་པོ་སྟན་ལས་
D1.002.0114a03.01ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་ཙན་དན་ས་མཆོག་གི་མཆོད་སྡོང་གི་དུས་མཆོད་བཤམས་ལགས་སོ། །
D1.002.0114a04.01བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་གནང་གིས་སོང་ལ་ཤོམས་ཤིག །དེ་ནས་དེས་ས་ཕྱོགས་དབེན་པ་སྐབས་ཡོད་པ་ཞིག་ཏུ་རིམ་གྲོ་ཆེན་པོས་མཆོད་སྡོང་དེ་བསྒྲེངས་ནས་དུས་མཆོད་ཆེན་པོ་བཤམས་སོ། །བྲམ་ཟེ་དང་ཁྱིམ་བདག་གཞན་དག་གིས་ཀྱང་རྟེན་དགེ་བར་གྱུར་
D1.002.0114a05.01ཅིག་ཅེས་བྱ་བར་རིག་ནས། རྩྭ་ཀུ་ཤ་བཏགས་ཏེ་བྲམ་ཟེ་དབང་པོས་མཆོད་སྡོང་གི་དུས་མཆོད་བཤམས་པས་ན་དབང་པོའི་དུས་མཆོད་ཅེས་བྱ་བར་གྲགས་སོ། །གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་ཆོ་འཕྲུལ་ཆེན་པོ་བསྟན་པས་མུ་སྟེགས་ཅན་རྣམས་ནི་སྤ་བཀོང་། ལྷ་དང་མི་
D1.002.0114a06.01རྣམས་ནི་དགའ་བར་མཛད། སྐྱེ་བོ་དམ་པ་རྣམས་ནི་ཡི་རངས་པར་མཛད་པ་དེའི་ཚེ་མུ་སྟེགས་ཅན་རྣམས་བྲོས་ནས་མཐའ་འཁོབ་ཏུ་གནས་ཤིང་ཁ་ཅིག་ནི་བྲམ་ཟེའི་གྲོང་ཞེས་བྱ་བར་དོང་ནས་གནས་སོ། །དེའི་ཚེ་བཅོམ་ལྡན་འདས་ཀོ་ས་ལའི་ལྗོངས་རྒྱུ་ཞིང་གཤེགས་པ་ན་བྲམ་ཟེའི་གྲོང་དུ་གཤེགས་
D1.002.0114a07.01