完整藏文原文 · 德格版页 当前仅加载第 2 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་། །བརྟན་པའི་ངང་ཚུལ་རབ་ཏུ་སྦྱིན་ལ་དགའ་བ་འདི་ནི་སྤྱུགས། །དེ་ནི་བུ་དང་ཆུང་མར་བཅས་ཏེ་ནགས་མཐར་ཆས་པ་ལ། །ཕོ་བྲང་འཁོར་བ་རྣམས་འདུས་ཤིན་ཏུ་སྙིང་རྗེས་ཆོ་ངེས་འདེབས། །དེ་ནས་བྱང་ཆུབ་སེམས་དཔས་གྲོང་ཁྱེར་དམ་པ་དེ་ནས་བྱུང་བའི་ཕོ་བྲང་
D1.002.0221b01.01འཁོར་གྱི་མི་རྣམས་ལ་ཅི་རིགས་པར་མངོན་དུ་སོང་ནས་སྨྲས་པ། ཤེས་ལྡན་དག་སླར་དེང་ཤིག་སླར་དེང་ཤིག །འདི་ལྟར་ཤིན་ཏུ་ཡུན་རིང་པོ་ནས་སྡུག་པ་དང་འགྲོགས་པ་ཡང་མཇུག་ཏུ་གདོན་མི་ཟ་བར་འབྲལ་བའི་མཐའ་ཅན་དུ་འགྱུར་ཏེ། གཉེན་པའི་སྐྱེ་བོ་དང་འགྲོགས་པ་
D1.002.0221b02.01ནི་ལམ་ཀའི་ངལ་བསོ་བའི་བསྟི་གནས་ཀྱི་ཤིང་དང་འདྲ་བས་གདོན་མི་ཟ་བར་སྡུག་པ་དང་འབྲལ་བར་འགྱུར་རོ། །དེ་ཅིའི་ཕྱིར་ཞེ་ན། འཇིག་རྟེན་ཀུན་ན་སྐྱེ་བོ་དབང་མེད་དེ། །མཛའ་བ་རྣམས་དང་འབྲལ་བར་འགྱུར་བསམས་ནས། །ཁྱོད་ཀྱིས་ས་སྟེངས་འབད་པ་ཐམས་
D1.002.0221b03.01ཅད་ཀྱིས། །ཞི་ཕྱིར་བློ་གྲོས་མི་གཡོ་བརྟན་པར་གྱིས། །དེ་ནས་དཔག་ཚད་སུམ་བརྒྱ་འདས་པ་དང་། བྱང་ཆུབ་སེམས་དཔའ་མཐོང་ནས་བྲམ་ཟེ་ཞིག་མངོན་དུ་འོངས་ཏེ་སྨྲས་པ། ཀྱེ་རྒྱལ་རིགས་གཞོན་ནུ་བདག་ནི་ཁྱོད་ཀྱི་ཡོན་ཏན་ཐོས་ནས་འདི་ནས་དཔག་ཚད་སུམ་
D1.002.0221b04.01བརྒྱ་ཙམ་གྱི་ཡུལ་ནས་འདིར་མཆིས་ལགས་ཀྱིས། ཁྱོད་ཀྱིས་ཤིང་རྟ་མཆོག་འདི་བདག་ངལ་བ་འབྲས་བུ་མཆིས་པར་བགྱི་བའི་རིགས་སོ། །དེ་ནས་རྒྱགས་སྦྱིན་མ་མི་བཟོད་པ་སྐྱེས་ནས་ཚིག་བརླངས་པོས་བྲམ་ཟེ་དེ་ལ་སྨྲས་པ། ཨེ་མའོ་ནགས་ནའང་མི་དབང་སྲས་
D1.002.0221b05.01ལ་སློང་བ་གང་། །བྲམ་ཟེ་འདི་ནི་ཤིན་ཏུ་བརྩེ་བ་མེད་པའི་བློ། །མི་དབང་སྲས་པོ་མི་དབང་དཔལ་ལས་ཉམས་གྱུར་པ། །འདི་ལ་འདིར་ནི་སྙིང་རྗེ་ཅིག་མི་སྐྱེ་འམ། །བྱང་ཆུབ་སེམས་དཔས་སྨྲས་པ། ཁྱོད་ཀྱིས་བྲམ་ཟེ་མ་སྤྱོ་ཤིག །དེ་ཅིའི་ཕྱིར་ཞེ་ན། རྒྱགས་སྦྱིན་
D1.002.0221b06.01གལ་ཏེ་ནོར་འདོད་ལེན་པ་འདི་དག་མེད་གྱུར་ན། །ཀུན་སྦྱིན་མེད་པར་མི་གང་ཞིག་གིས་ས་སྟེངས་བྱང་ཆུབ་འཐོབ། །སྦྱིན་སོགས་ཕ་རོལ་ཕྱིན་དྲུག་ཚུལ་གྱིས་ཡོན་ཏན་མཆོག་ཅན་གྱི། །བྱང་ཆུབ་སེམས་དཔའ་རྣམས་ཀྱིས་ཀུན་མཁྱེན་ཉིད་མཆོག་རྟག་ཏུ་འཐོབ། །
D1.002.0221b07.01