完整藏文原文 · 德格版页 当前仅加载第 2 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
བག་མེད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་སུ་སྡིག་པ་དང་། བསྔགས་པ་མ་ཡིན་པ་དང་། གྲགས་པ་མ་ཡིན་པའི་སྒྲ་དང་ཚིགས་སུ་བཅད་པ་གྲགས་པར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་གཉིས་པ་
D1.002.0023a01.01ཡིན་ནོ། །བྲམ་ཟེ་དང་ཁྱིམ་བདག་དག་གཞན་ཡང་བག་མེད་པ་བག་མེད་པ་ལ་གནས་པའི་རྒྱུས་རྒྱལ་རིགས་ཀྱི་འཁོར་དུའང་རུང་། བྲམ་ཟེའི་འཁོར་དུའང་རུང་། ཁྱིམ་བདག་གི་འཁོར་དུའང་རུང་། དགེ་སྦྱོང་གི་འཁོར་དུའང་རུང་། འཁོར་གང་དང་གང་དུ་འགྲོ་བའི་
D1.002.0023a02.01འཁོར་དེ་དང་དེར་ཞུམ་ཞུམ་པོར་གྱུར་ནས་དགའ་བ་མེད་པ་དང་། བག་ཚ་བས་འགྲོ་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་མེད་པ་བག་མེད་པ་ལ་གནས་པའི་རྒྱུས་གང་དང་གང་དུ་ཞེས་བྱ་བ་ནས་བག་ཚ་བས་ཞེས་བྱ་བའི་བར་གོང་མ་བཞིན་དུའོ། །འདི་ནི་བག་
D1.002.0023a03.01མེད་པའི་ཉེས་དམིགས་གསུམ་པ་ཡིན་ནོ། །བྲམ་ཟེ་དང་ཁྱིམ་བདག་དག་གཞན་ཡང་བག་མེད་པ་བག་མེད་པ་ལ་གནས་པའི་རྒྱུས་གང་དང་གང་དུ་ཞེས་བྱ་བ་ནས་བག་མེད་པའི་རྒྱུས་ཡིད་ལ་གཅགས་བཞིན་འཆི་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་མེད་
D1.002.0023a04.01པ་བག་མེད་པ་ལ་གནས་པའི་རྒྱུས་ཡིད་ལ་གཅགས་བཞིན་འཆི་བར་འགྱུར་བ་གང་ཡིན་པ་འདི་ནི་བག་མེད་པའི་ཉེས་དམིགས་བཞི་པ་ཡིན་ནོ། །བྲམ་ཟེ་དང་ཁྱིམ་བདག་དག་གཞན་ཡང་བག་མེད་པ་བག་མེད་པ་ལ་གནས་པའི་རྒྱུས་ལུས་ཞིག་ནས་ཤི་བའི་འོག་ཏུ་ངན་སོང་
D1.002.0023a05.01ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། བྲམ་ཟེ་དང་ཁྱིམ་བདག་དག་བག་མེད་པ་བག་མེད་པ་ལ་གནས་པའི་རྒྱུས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་གང་
D1.002.0023a06.01ཡིན་པ་འདི་ནི་བག་མེད་པའི་ཉེས་དམིགས་ལྔ་པ་ཡིན་ནོ། །བྲམ་ཟེ་དང་ཁྱིམ་བདག་དག་ལྔ་པོ་འདི་དག་ནི་བག་ཡོད་པའི་ཕན་ཡོན་ཡིན་ཏེ། ལྔ་གང་ཞེ་ན། བྲམ་ཟེ་དང་ཁྱིམ་བདག་དག་བག་ཡོད་པ་བག་ཡོད་པ་ལ་གནས་པའི་རྒྱུས་ལོངས་སྤྱོད་ཆེན་པོ་ལས་ཉམས་པར་མི་
D1.002.0023a07.01