完整藏文原文 · 德格版页 当前仅加载第 2 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར། །ཟག་པ་ཟད་པ་ཐོབ་པས་ན། །བདག་གིས་རྫུ་འཕྲུལ་མངོན་དུ་བྱས། །དེ་ལྟར་གནས་བརྟན་རྒྱུ་ཅན་གྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གནས་བརྟན་རྒྱུ་ཅན་གྱི་ལེའུ་སྟེ་སུམ་བཅུ་རྩ་གཉིས་པའོ།། །།
D1.002.0309b01.01དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས་ཚེ་དང་ལྡན་པ་ཀཽཎྜི་ནྱ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀཽཎྜི་ནྱ་ཚེ་དང་ལྡན་པ་རྒྱུ་ཅན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་ཀཽཎྜི་ནྱས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག །དེ་ནས་ཚེ་དང་ལྡན་
D1.002.0309b02.01པ་ཀཽཎྜི་ནྱས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སྔོན་ནི་ཐུབ་ཆེན་འོད་སྲུང་གི །དམ་པའི་ཆོས་ནི་ནུབ་པ་ན། །ཉན་ཐོས་ཐམས་ཅད་འདུས་ནས་སུ། །ཕན་ཚུན་དག་ཏུ་སྨྲས་པ་ནི། །སྟོན་པ་ཐུགས་རྗེ་འོད་སྲུང་ནི། །མྱ་ངན་འདས་པས་ངེས་པར་ཡང་། །རབ་ཏུ་བྱུང་བ་སྲབ་
D1.002.0309b03.01གྱུར་ཅིང་། །དམ་ཆོས་ཀྱང་ནི་སྟོན་མི་འགྱུར། །བདག་ཅག་ཇི་སྐད་ཐོས་པའི་ཆོས། །ཕན་ཚུན་ཡང་དག་གསལ་བྱས་ནས། །སངས་རྒྱས་བསྟན་ལས་སྤྲོ་བ་དང་། །བརྩོན་འགྲུས་བརྩམ་པས་གནས་པར་བྱ། །དེ་དག་རི་ལ་འཛེགས་ནས་ནི། །ཟག་པ་ཟད་པ་མ་ཐོབ་པར། །རེ་
D1.002.0309b04.01ཞིག་འདི་ནས་མི་ལྡང་ཞེས། །རྩྭ་ཡི་གདིང་བ་དག་ལ་འཁོད། །སྲོག་ལ་ཡང་ནི་མི་ལྟ་བར། །བརྩོན་འགྲུས་བརྩམས་ཏེ་གནས་པ་ན། །བདུན་གྱིས་མངོན་པར་ཤེས་ལ་རེག །དགེ་སློང་དག་ནི་མྱ་ངན་འདས། །དེ་ཡི་བདུན་པ་བདག་ཡིན་ཏེ། །དབང་པོ་བརྟུལ་ཞིང་བསོད་ནམས་ཆུང་། །
D1.002.0309b05.01སྙོམས་མེད་སྦྱོར་ལ་བརྩོན་པ་ཡི། །སོ་སོའི་སྐྱེ་བོ་འཆི་དུས་བྱས། །བདག་གིས་བརྩོན་འགྲུས་མ་བཏང་ཞིང་། །དེ་བཞིན་རབ་ཏུ་བརྩོན་གནས་པས། །དགའ་ལྡན་རྣམས་དང་སྐལ་མཉམ་པའི། །ལྷ་ཡི་འཇིག་རྟེན་རྣམས་སུ་སྐྱེས། །དེ་ན་ཤཱཀྱ་སེང་གེ་ཡི། །ཐུབ་ཆེན་བྱང་ཆུབ་སེམས་
D1.002.0309b06.01དཔའ་མཐོང་། །ཐུབ་པ་ལྷ་ཡི་ཚོགས་ལ་ནི། །སྐྱོ་བར་འགྱུར་བའི་ཆོས་སྟོན་མཛད། །བདག་གིས་དེ་ཡི་ཆོས་བཤད་པ། །ཐོས་ནས་རྩེ་གཅིག་ཡིད་གྱུར་ཏེ། །དམ་ཆོས་ཡིད་ལ་བྱེད་པ་ནི། །ལན་འགའང་རྣམ་པར་མ་སྤངས་སོ། །ལྷ་ཡི་འཇིག་རྟེན་བདག་སོན་ནས། །གྲོང་ཁྱེར་སེར་སྐྱ་
D1.002.0309b07.01