完整藏文原文 · 德格版页 当前仅加载第 2 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དག་ལས་བགོ་བཤའ་བྱས། ཤེས་ལྡན་ཡུལ་འཁོར་སྐྱོང་ཚུར་ཁྱོད་འདུག་ལ་འདོད་པ་དག་ལ་ཡང་ཡོངས་སུ་སྤྱོད་ཅིག །སྦྱིན་པ་དག་ཐོང་ཤིག །བསོད་ནམས་དག་གྱིས་ཤིག །རྒྱལ་པོ་ཆེན་པོ་ཆ་མ་ལགས་པའི་མགྲོན་དུ་འབོད་པས་བདག་
D1.002.0107a01.01མགྲོན་དུ་འབོད་ཀྱི་འཚམ་པས་ནི་མ་ལགས་སོ། །ཁྱོད་ལྟ་བུས་བདག་འདྲ་བའི་སྐྱེས་བུ་མཁས་པ་འདི་ལྟ་བུའི་མགྲོན་དུ་འབོད་པས་མགྲོན་དུ་ཡང་མ་འབོད་ཅིག །བདག་གིས་ཤེས་ལྡན་ཡུལ་འཁོར་སྐྱོང་དང་འཚམ་པའི་མགྲོན་དུ་འབོད་པས་མགྲོན་དུ་འབོད་པ་ཇི་ལྟ་བུ་ཞིག་ལགས།
D1.002.0107a02.01རྒྱལ་པོ་ཆེན་པོ་ཚུར་སྤྱོན། ཁྱོད་ཀྱིས་འདི་སྐད་ཅེས་ཀྱེ་ཡུལ་འཁོར་སྐྱོང་ཁོ་བོའི་ཡུལ་འབྱོར་ཅིང་གནོད་པ་མེད་པ། སྡོ་བ་མེད་ཅིང་འཚེ་བ་མེད་ལ་སློང་བ་པོའི་བསོད་སྙོམས་རྙེད་སླ་བ་ཡིན་གྱིས། ཤེས་ལྡན་ཡུལ་འཁོར་སྐྱོང་བང་མཛོད་སྟུག་པོ་ཅན་འདིར་གནོས་ཤིག་དང་།
D1.002.0107a03.01བདག་གིས་ཤེས་ལྡན་ཡུལ་འཁོར་སྐྱོང་ཆོས་བཞིན་གྱིས་བསྲུང་བ་དང་། བསྐྱབ་པ་དང་། སྦ་བ་བྱའོ་ཞེས་བགྱི་བ་ལགས་ན། རྒྱལ་པོ་ཆེན་པོ་སེམས་མངོན་པར་དད་པ་གང་ལ་གང་ལགས་པ་དེ་ཙམ་གྱིས་བགྱིས་ལགས་ཏེ་འཚལ་ལོ། །གཞན་ཡང་གལ་ཏེ་ཞུས་པ་ལུང་བསྟན་
D1.002.0107a04.01པའི་ཕྱིར་སྐབས་ཕྱེ་ན་ཤེས་ལྡན་ཡུལ་འཁོར་སྐྱོང་ལ་བདག་ཞུ་ལགས་སོ། །རྒྱལ་པོ་ཆེན་པོ་གསུངས་ཤིག །ཐོས་ནས་ཁྱོད་ལ་རིག་པར་བགྱིའོ། །ཀྱེ་ཡུལ་འཁོར་སྐྱོང་བཞི་པོ་འདི་དག་ནི་ཡོངས་སུ་ཉམས་པ་ལགས་ཏེ། དེ་དག་གིས་ཡོངས་སུ་ཉམས་པའི་རིགས་ཀྱི་བུ་དག་སྐྲ་དང་ཁ་སྤུ་
D1.002.0107a05.01བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་རོ། །བཞི་གང་ཞེ་ན། འདི་ལྟ་སྟེ། རྒ་བས་ཡོངས་སུ་ཉམས་པ་དང་། ནད་ཀྱིས་ཡོངས་སུ་ཉམས་པ་དང་། ཉེ་དུས་ཡོངས་སུ་ཉམས་པ་དང་། ལོངས་སྤྱོད་ཀྱིས་
D1.002.0107a06.01ཡོངས་སུ་ཉམས་པའོ། །ཀྱེ་ཡུལ་འཁོར་སྐྱོང་རྒ་བས་ཡོངས་སུ་ཉམས་པ་གང་ཞེ་ན། འདི་ལ་རིགས་ཀྱི་བུ་རྒས་འཁོགས་གཏུགས་པར་གྱུར་ནས་དེ་འདི་སྙམ་དུ་སེམས་ཏེ། ད་ནི་བདག་རྒས་འཁོགས་གཏུགས་པས་བདག་གིས་རེ་ཞིག་འདོད་པ་དག་བདོག་ཀྱང་ལོངས་སྤྱད་པར་
D1.002.0107a07.01