完整藏文原文 · 德格版页 当前仅加载第 2 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་པ། བལྟ་ན་སྡུག་པ། བཀྲ་བ་ཤིན་ཏུ་བཀྲ་བ། ཚོན་བརྒྱ་རྩ་གཅིག་གིས་བཀྲ་བར་བྱས་པ་དཔེར་ན་རས་བལ་གྱི་འདའ་བའམ་ཤིང་བལ་གྱི་འདའ་བ་ལྟ་བུར་འཇམ་པ། ཤིན་དུ་འཇམ་པ། རྐང་པས་མནན་ནེམས་ཞེས་བྱེད་ལ། རྐང་པ་བཏེག་ན་བར་ཞེས་བྱེད་པ།
D1.002.0177b01.01ལྷའི་མེ་ཏོག་མན་དཱ་རའི་ཕུང་པོ་པུས་མོ་ནུབ་ཙམ་བཀྲམ་པ་སྟེ། རླུང་ལངས་པས་མེ་ཏོག་རྙིང་པ་རྣམས་ཁྱེར་ལ་མེ་ཏོག་སར་པ་རྣམས་འབབ་པར་བྱེད་དོ། །བལྟ་ན་སྡུག་གི་གྲོང་ཁྱེར་ལ་སྒོ་དགུ་བརྒྱ་དགུ་བཅུ་རྩ་དགུ་ཡོད་དེ། སྒོ་རེ་རེ་ན་གནོད་སྦྱིན་གོས་སྔོན་པོ་ཅན་གོ་ཆ་བགོས་པ།
D1.002.0177b02.01མདའ་གཞུ་སྐྱེས་སྐོར་ཐོགས་པ་ལྔ་བརྒྱ་འདི་ལྟར་སུམ་བཅུ་རྩ་གསུམ་པའི་ལྷ་རྣམས་བསྲུང་བ་དང་། བསྐྱབ་པ་དང་། མཛེས་པར་བྱ་བའི་ཕྱིར་གནས་སོ། །གྲོང་ཁྱེར་བལྟ་ན་སྡུག་གི་སྲང་གི་སྲིད་དུ་ནི་དཔག་ཚད་ཉིས་སྟོང་ལྔ་བརྒྱ་ཡོད་ལ་རྒྱར་ནི་དཔག་ཚད་བཅུ་གཉིས་ཡོད་དེ་
D1.002.0177b03.01བཟང་པོ་མཛེས་པ། བལྟ་ན་སྡུག་པ། གསེར་གྱི་བྱེ་མས་བདལ་བ། ཙན་དན་གྱི་ཆུས་ཆག་ཆག་བཏབ་པ། གསེར་གྱི་དྲ་བས་བྲེས་པ། དེའི་ཕྱོགས་ཀུན་ན་རྫིང་བུ་རྣམ་པ་སྣ་ཚོགས་ཡོད་དེ། རྫིང་བུ་དེ་རྣམས་ཕ་གུ་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་
D1.002.0177b04.01པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པས་བསྐོར་ཏོ། །རྫིང་བུ་དེ་རྣམས་ཀྱི་ཐེམ་སྐས་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པ་ཡིན་ནོ། །རྫིང་བུ་དེ་རྣམས་ལན་ཀན་རྣམ་པ་
D1.002.0177b05.01བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པས་བསྐོར་ཅིང་། གསེར་ལས་བྱས་པའི་ལན་ཀན་གྱི་གཟུངས་གཟེར་དང་། གདང་བུ་དང་། ལན་ཀན་གྱི་རྟེན་མ་དངུལ་ལས་བྱས་པ་དང་། དངུལ་ལས་བྱས་པའི་ལན་
D1.002.0177b06.01ཀན་གྱི་གཟུངས་གཟེར་དང་། གདང་བུ་དང་། ལན་ཀན་གྱི་རྟེན་མ་གསེར་ལས་བྱས་པ་དང་། བཻ་ཌཱུརྱ་ལས་བྱས་པའི་ལན་ཀན་གྱི་གཟུངས་གཟེར་དང་། གདང་བུ་དང་། ལན་ཀན་གྱི་རྟེན་མ་ཤེལ་ལས་བྱས་པ་དང་། ཤེལ་ལས་བྱས་པའི་ལན་ཀན་གྱི་གཟུངས་གཟེར་དང་། གདང་བུ་དང་། ལན་
D1.002.0177b07.01