完整藏文原文 · 德格版页 当前仅加载第 2 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་རླུང་བྱང་ཕྱོགས་ནས་ལངས་ཏེ། དེས་ལྷོ་ཕྱོགས་ཀྱི་འགྲམ་དུ་ཁྱེར་བ་དང་། དེ་ན་བུད་མེད་གཟུགས་བཟང་མོ། མཛེས་མ་བལྟ་ན་སྡུག་པ་དག་ཡོད་དེ། དེ་དག་གིས་འདི་སྐད་ཅེས་སྨྲས་སོ། །ཇོ་བོ་དག་ཚུར་
D1.002.0235a01.01སྤྱོན་བཞིན་{བཟངས་,བཟང་}དག་ཚུར་སྤྱོན། བདག་ཅག་ཇོ་བོ་མ་མཆིས་པ་རྣམས་ཀྱི་ཇོ་བོ་དང་། ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་དང་། གནས་མ་མཆིས་པ་རྣམས་ཀྱི་གནས་དང་། གླིང་མ་མཆིས་པ་རྣམས་ཀྱི་གླིང་དང་། མགོན་མ་མཆིས་པ་རྣམས་ཀྱི་མགོན་དང་། སྐྱབས་
D1.002.0235a02.01མ་མཆིས་པ་རྣམས་ཀྱི་སྐྱབས་དང་། རྟེན་མ་མཆིས་པ་རྣམས་ཀྱི་རྟེན་མཛོད་ཅིག །འདི་དག་ནི་ཁྱོད་ཀྱི་ཟས་ཀྱི་ཁང་པ་དང་། སྐོམ་གྱི་ཁང་པ་དང་། གོས་ཀྱི་ཁང་པ་དང་། གནས་མལ་གྱི་ཁང་པ་དང་། དགའ་བར་འགྱུར་བའི་ཀུན་དགའ་ར་བ་དང་། དགའ་བར་འགྱུར་བའི་
D1.002.0235a03.01ཚལ་དང་། དགའ་བར་འགྱུར་བའི་རྫིང་དང་། འཛམ་བུའི་གླིང་གི་རིན་པོ་ཆེ་རབ་ཏུ་མང་པོ་འདི་ལྟ་སྟེ། ནོར་བུ་དང་། མུ་ཏིག་དང་། བཻ་ཌཱུརྱ་དང་། དུང་དང་། མན་ཤེལ་དང་། བྱི་རུ་དང་། དངུལ་དང་། གསེར་དང་། རྡོའི་སྙིང་པོ་དང་། སྤུག་དང་། པད་མ་རཱ་ག་དང་། དུང་དང་།
D1.002.0235a04.01གཡས་སུ་འཁྱིལ་པ་དག་ལགས་ཀྱིས་ཁྱེད་ཚུར་སྤྱོན། བདག་ཅག་དང་ལྷན་ཅིག་རྩེད་མོ་བགྱི། དགའ་བར་བགྱི། དགའ་མགུར་སྤྱད་པར་བགྱིའོ། །ཁྱེད་ཅག་ལས་སུ་ཡང་སྨྱོས་ཀྱང་ལྷོ་ཕྱོགས་ཀྱི་ལམ་དུ་མ་བཞུད་ཅིག །དེ་དག་བུད་མེད་དེ་རྣམས་དང་ལྷན་ཅིག་རྩེ་བར་བྱེད། དགའ་
D1.002.0235a05.01བར་བྱེད། དགའ་མགུར་སྤྱོད་པར་བྱེད་དེ། དེ་དག་དེ་རྣམས་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་ཕོ་དང་། བུ་མོ་དག་བཙས་སོ། །དེ་ནས་ཚོང་པ་མཁས་པའི་རང་བཞིན་ཅན་ཞིག་འདི་སྙམ་དུ་སེམས་ཏེ། ཅིའི་ཕྱིར་བུད་
D1.002.0235a06.01མེད་དེ་དག་གིས་ལྷོ་ཕྱོགས་ཀྱི་ལམ་ལྷག་པར་བསྲུང་བར་སེམས། མ་ལ་བདག་གིས་བུད་མེད་གང་དང་ལྷན་ཅིག་ཉལ་བ་དེ་མལ་དུ་གཉིད་ལོག་པར་རིག་ནས་བགས་ཀྱིས་དལ་བུས་དལ་བུས་མལ་ནས་བབས་ལ་ལྷོ་ཕྱོགས་ཀྱི་ལམ་དུ་འགྲོའོ་སྙམ་ནས། དེ་དེ་ལྟར་ངེས་པར་བྱས་ནས་
D1.002.0235a07.01