完整藏文原文 · 德格版页 当前仅加载第 2 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷག་མ་ཡང་རྟོལ་བར་བྱའོ་ཞེས་དེ་རྣམས་ཀྱིས་(རྩ་,རྩྭ་)དང་ཆུ་རྙིང་པ་བོར་ཏེ་དགོན་པའི་ལམ་དུ་ཞུགས་པ་ལས་དེ་རྣམས་དོང་ནས་ཞག་གཅིག་ལོན་ཡང་རྩྭ་དང་ཆུ་སར་པ་མ་རྙེད་དོ། །ཞག་གཉིས་དང་གསུམ་དང་བདུན་གྱི་བར་དུ་སོང་ཡང་རྩྭ་དང་ཆུ་སར་པ་མ་རྙེད་དོ། །དེ་ནས་འགྲོན་པས་ཞག་བདུན་ལོན་པ་དང་
D1.002.0244b01.01གནོད་སྦྱིན་མི་ཟན་གྱིས་ཚུལ་མ་ཡིན་པས་ཁ་བཏག་གོ། །དེ་ནས་དེད་དཔོན་ཅིག་ཤོས་འདི་སྙམ་དུ་སེམས་ཏེ། ཚོང་པ་དག་དོང་ནས་དེང་དུ་ཞག་བདུན་ལོན་ནོ་སྙམ་དུ་བསམས་ནས་དགོན་པའི་ལམ་དེར་ཞུགས་པ་ལས། དེད་དཔོན་གྱི་མི་ཚོང་པའི་མདུན་ནས་འགྲོ་བས་སྐྱེས་བུ་ནག་པོ་མིག་ཆེ་ལ་དམར་
D1.002.0244b02.01བ། བོང་བུའི་ཤིང་རྟར་ཞུགས་པ་འཁོར་ལོ་རྫབ་ཀྱིས་ཡོག་པ་གོས་རློན་པ་སྐྲ་གཤེར་བ། མེ་ཏོག་ཀུ་མུ་དའི་ཕྲེང་བས་མགོ་བོ་བཅིངས་པ། མགོ་འདྲེན་དང་དཀྱུས་མ་དག་དབྱངས་སུ་ལེན་པ་མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །ཀྱེ་ནང་རྗེ་ཅི་དགོན་པའི་ལམ་དུ་ལྷས་ཆར་ཕབ་ནས་རྩྭ་
D1.002.0244b03.01དང་ཆུ་སར་པ་མང་དུ་སྐྱེས་སམ། ཀྱེ་ནང་རྗེ་བདེན་ཏེ་དགོན་པའི་ལམ་དུ་ལྷས་ཆར་ཕབ་ནས་རྩྭ་དང་ཆུ་སར་པ་མང་དུ་བསྐྱེད་ཀྱིས། ཤེས་ལྡན་དག་རྩྭ་དང་ཆུ་རྙིང་པས་ཁལ་རྣམས་དུབ་པར་མ་བྱ་བར་འོར་ཅིག །ཁྱེད་ཅག་རྩྭ་དང་ཆུ་སར་པ་ལ་ལོངས་སྤྱོད་དང་བདེ་བ་དང་ལེགས་པར་དགོན་པའི་ལམ་མ་རྟོལ་
D1.002.0244b04.01བ་ལྷག་མ་ཡང་རྟོལ་བར་འགྱུར་རོ། །དེ་ནས་དེད་དཔོན་གྱི་མི་དེ་འགྲོན་པ་གང་ན་བ་དེར་སོང་སྟེ་ཕྱིན་པ་དང་། འགྲོན་པ་ལ་འདི་སྐད་ཅེས་སྨྲས་སོ། །ཤེས་ལྡན་དག་ཤེས་པར་གྱིས་ཤིག །ཁོ་བོ་ཚོང་པའི་མདུན་ནས་འགྲོ་བ་ན་འདིར་སྐྱེས་བུ་ནག་པོ་ཞེས་བྱ་བ་ནས། མགོ་འདྲེན་དང་དཀྱུས་མ་དག་
D1.002.0244b05.01དབྱངས་སུ་ལེན་པ་མཐོང་ངོ་། །མཐོང་ནས་ཀྱང་ཞེས་བྱ་བའི་བར་གོང་མ་བཞིན་དུ་སྟེ། འདི་སྐད་ཅེས་ཀྱེ་ནང་རྗེ་ཅི་དགོན་པའི་ལམ་དུ་ལྷས་ཆར་ཕབ་ནས་རྩྭ་དང་ཆུ་སར་པ་མང་དུ་སྐྱེས་སམ་ཞེས་བྱས་པ་དང་། དེ་འདི་སྐད་ཅེས་ཀྱེ་ནང་རྗེ་བདེན་ཏེ། དགོན་པའི་ལམ་དུ་ལྷས་ཆར་ཕབ་ནས་ཞེས་བྱ་བ་ནས་
D1.002.0244b06.01རྟོལ་བར་འགྱུར་རོ་ཞེས་ཟེར་ཞེས་བྱ་བའི་བར་སྔ་མ་བཞིན་དུའོ། །ཤེས་ལྡན་དག་རེ་ཞིག་བདག་ཅག་གིས་ཇི་སྲིད་རྩྭ་དང་ཆུ་སར་པ་མ་རྙེད་ཀྱི་བར་དུ་རྩྭ་དང་ཆུ་རྙིང་པ་མི་དོར་རོ། །དེ་རྣམས་དོང་ནས་ཞག་གཅིག་ལོན་ན་ཡང་རྩྭ་དང་ཆུ་སར་པ་མ་རྙེད་དོ། །ཞག་གཉིས་དང་གསུམ་དང་བདུན་གྱི་བར་དུ་སོང་ཡང་རྩྭ་
D1.002.0244b07.01