完整藏文原文 · 德格版页 当前仅加载第 2 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།
D1.002.0037a01.01ཀུན་དགའ་བོ་སྒྲ་ཅན་གང་ན་བར་འདོང་ངོ་། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་དང་སྤོང་བྱེད་ནས་ལྗོངས་རྒྱུ་ཞིང་གཤེགས་པ་དང་། སྒྲ་ཅན་དུ་བྱོན་ནས་སྒྲ་ཅན་གྱི་དྲང་སྲོང་
D1.002.0037a02.01སྒྲ་སྒྲོགས་ཀྱི་གནས་ན་བཞུགས་སོ། །དེའི་ཚེ་སྒྲ་ཅན་གྱི་སྐྱེ་བོའི་ཚོགས་ལ་མི་ངས་བྱུང་ནས་དེའི་ཚེ་དགེ་བསྙེན་བརྟན་པ་ཡང་ཤི་ཉེ་བ་དང་ལྷག་པར་བརྩོན་དང་། བརྩོན་པའི་ཁྱུ་མཆོག་དང་མཛེས་པ་དང་། ཉེ་མཛེས་དང་ཡིད་འོང་དང་ཉེ་བར་ཡིད་འོང་དང་བཟང་པོ་དང་
D1.002.0037a03.01ཤིན་ཏུ་བཟང་དང་གྲགས་པ་དང་གྲགས་བྱིན་དང་དགེ་བསྙེན་གྲགས་མཆོག་ཀྱང་ཤིའོ། །དེ་ནས་དགེ་སློང་རབ་ཏུ་མང་པོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་སྒྲ་ཅན་དུ་བསོད་སྙོམས་ཀྱི་ཕྱིར་ཞུགས་སོ། །དགེ་སློང་རབ་ཏུ་མང་པོ་སྒྲ་ཅན་དུ་བསོད་
D1.002.0037a04.01སྙོམས་ཀྱི་ཕྱིར་རྒྱུ་བས་སྒྲ་ཅན་གྱི་སྐྱེ་བོའི་ཚོགས་ལ་མི་ངས་བྱུང་སྟེ། དེའི་ཚེ་དགེ་བསྙེན་བརྟན་པ་ཡང་ཤི་ཉེ་བ་དང་ལྷག་པར་བརྩོན་དང་། བརྩོན་པའི་ཁྱུ་མཆོག་དང་མཛེས་པ་དང་ཉེ་མཛེས་དང་། ཡིད་འོང་དང་ཉེ་བར་ཡིད་འོང་དང་བཟང་པོ་དང་ཤིན་ཏུ་བཟང་དང་གྲགས་པ་
D1.002.0037a05.01དང་གྲགས་བྱིན་དང་དགེ་བསྙེན་གྲགས་མཆོག་ཀྱང་ཤིའོ་ཞེས་ཐོས་སོ། །ཐོས་ནས་ཀྱང་སྒྲ་ཅན་དུ་བསོད་སྙོམས་ལ་རྒྱུས་ཏེ་ཟས་ཀྱི་བྱ་བ་བྱས་ནས་ཟས་ཕྱི་མའི་བསོད་སྙོམས་སྤངས་ཤིང་། ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་པ་གཉིས་བཀྲུས་ཏེ་བཅོམ་ལྡན་
D1.002.0037a06.01འདས་གང་ན་བ་དེར་དོང་ནས་ལྷགས་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་དགེ་སློང་རབ་ཏུ་མང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་
D1.002.0037a07.01