完整藏文原文 · 德格版页 当前仅加载第 2 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག །དེ་གལ་གྱིས་འཆུ་ཞིང་འདི་སྐད་ཅེས་སྨྲས་སོ། །ཡབ་ངེས་པར་དེང་ཉིད་བདག་མཆི་ལགས་སོ། །རྒྱལ་པོ་ཅང་མི་སྨྲ་བར་འདུག་གོ། །དེ་ནས་གཞོན་ནུ་རང་གི་ཁྱིམ་དུ་སོང་ན་བཙུན་མོའི་ཕོ་བྲང་གི་སྒོ་དཔལ་གྱིས་སྟོང་པར་མཐོང་ནས་དེ་སེམས་ཁོང་དུ་
D1.002.0214a01.01ཆུད་བཞིན་དུ་ཞུགས་ན། ཡིད་འཕྲོག་མ་མ་མཐོང་ནས་སྙིང་སྟོར་ཏེ་ཕན་ཚུན་དུ་རྒྱུ་ཞིང་ཡིད་འཕྲོག་མ་ཡིད་འཕྲོག་མ་ཞེས་སྒྲ་ཕྱུང་ངོ་། །ཇི་ཙམ་ན་བཙུན་མོ་རྣམས་ཚོགས་ནས་བཙུན་མོ་དེ་རྣམས་ཀྱིས་གཏམ་རླུང་ལ་བསྐུར་བ་དང་། དེའི་སྙིང་ལ་ཟུག་རྔུས་ཟུག་པས་ཡང་ནས་ཡང་དུ་
D1.002.0214a02.01དྲིས་པ་ལས། དེ་རྣམས་ཀྱིས་ཇི་ལྟར་གྱུར་པ་སྨྲས་སོ། །དེ་མྱ་ངན་གྱིས་ཡིད་བློང་བར་གྱུར་ཏོ། །བུད་མེད་དེ་རྣམས་ཀྱིས་སྨྲས་པ། ལྷ་བཙུན་མོའི་འཁོར་འདི་ན་དེ་བས་བུད་མེད་ཤིན་ཏུ་ཁྱད་པར་དུ་འཕགས་པ་དག་མཆིས་ན་ཅིའི་སླད་དུ་ཐུགས་ངན་མཛད། དེས་ཕ་སྙིང་རྗེ་མེད་ཅིང་
D1.002.0214a03.01བྱས་པ་ཆུད་གསོན་པ་ཐོས་ནས་མའི་དྲུང་དུ་སོང་སྟེ་རྐང་པ་ལ་གཏུགས་ནས་སྨྲས་པ། ཡུམ། ཡིད་བཞིན་ཡོན་ཏན་ལྡན་གྱུར་ཅིང་། །གཟུགས་མཛེས་ཕུན་སུམ་ཚོགས་པ་ཡི། །ཡིད་འཕྲོག་མ་ནི་མི་གདའ་ན། །བདག་གི་ཡིད་འཕྲོག་གང་དུ་མཆིས། །ཡིད་ཀྱིས་རབ་ཏུ་བརྒྱུག་
D1.002.0214a04.01སྙམ་ནའང་། །བདག་གི་ཡིད་ནི་ཀུན་ཏུ་རྨོངས། །དེ་དང་བྲལ་བར་གྱུར་པ་ཡིས། །སྙིང་ནི་ཤིན་ཏུ་གདུངས་པ་ཉིད། །བདག་གི་ཡིད་དུ་མཆི་ཞིང་ཡིད་འཕྲོག་ལ། །ཡིད་དུ་འཐད་ཅིང་ཡིད་ལ་དགའ་བ་ཡི། །ཡིད་འཕྲོག་དང་བྲལ་བདག་ལུས་གདུངས་པ་ཡི། །བདག་གི་སྡུག་
D1.002.0214a05.01བསྔལ་འདི་ནི་གང་ནས་མཆིས། །དེས་སྨྲས་པ། བུ་ཡིད་འཕྲོག་མ་སྡུག་བསྔལ་མི་བཟད་པ་ཉམ་ང་བར་གྱུར་ནས་ཁོ་མོས་བཏང་ངོ་། །ཡུམ་ཇི་ལྟར་གྱུར། དེས་ཇི་ལྟར་གྱུར་པ་ཐམས་ཅད་རྒྱས་པར་སྨྲས་པ་དང་། དེས་ཕ་སྙིང་རྗེ་མེད་ཅིང་བྱས་པ་མི་གཟོ་བ་ཡིན་ནོ་ཞེས་སྨྲས་ནས་ཡང་
D1.002.0214a06.01སྨྲས་པ། ཡུམ་གང་དུ་མཆིས། ཤུལ་ནི་གང་ནས། དེས་སྨྲས་པ། གང་དུ་ཡིད་འཕྲོག་སོང་བ་ཡི། །ལམ་དེ་རི་དང་དྲང་སྲོང་དང་། །སེང་གེ་དག་གིས་རྟག་བསྟེན་ཅིང་། །ཆོས་ཀྱི་རྒྱལ་པོ་གནས་པ་ཡིན། །དེ་ཡིད་འཕྲོག་མ་དང་བྲལ་བའི་སྡུག་བསྔལ་གྱིས་མི་བཟད་པར་
D1.002.0214a07.01