完整藏文原文 · 德格版页 当前仅加载第 56 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་འགྱུར་བ་དང་། རིགས་མཐོ་བ་དང་རིགས་ཆེ་བ་རྣམས་སུ་འགྱུར་བ་དང་། གཡོག་འཁོར་མང་ཞིང་གཡོག་འཁོར་མི་ཕྱེད་པ་རྣམས་སུ་འགྱུར་བ་དང་། རྟོགས་པ་དང་ལྡན་པ་རྣམས་སུ་འགྱུར་བ་དང་། དྲན་པ་དང་ལྡན་པ་རྣམས་སུ་འགྱུར་བ་དང་། བློ་གྲོས་དང་
D133.056.0005a01.01ལྡན་པ་རྣམས་སུ་འགྱུར་བ་དང་། དཔལ་དང་ལྡན་པ་རྣམས་སུ་འགྱུར་བ་དང་། བརྟན་པ་དང་ལྡན་པ་རྣམས་སུ་འགྱུར་བ་དང་། རྫུ་འཕྲུལ་དང་ལྡན་པ་རྣམས་སུ་འགྱུར་བ་དང་། ཤེས་རབ་དང་ལྡན་པ་རྣམས་སུ་འགྱུར་བ་དང་། བསོད་ནམས་དང་ལྡན་པ་རྣམས་སུ་འགྱུར་བ་དང་།
D133.056.0005a02.01ངོ་ཚ་ཤེས་ཤིང་ཁྲེལ་ཡོད་པ་དང་ལྡན་པ་རྣམས་སུ་འགྱུར་བ་དང་། ང་རྒྱལ་བཅག་པ་རྣམས་སུ་འགྱུར་བ་དང་། བྱམས་པ་ལ་གནས་པ་རྣམས་སུ་འགྱུར་བ་དང་། ཡེ་ཤེས་དང་ལྡན་པ་རྣམས་སུ་འགྱུར་བ་དང་། བློ་དང་ལྡན་པ་རྣམས་སུ་འགྱུར་བ་དང་། བརྩོན་འགྲུས་དང་ལྡན་པ་རྣམས་
D133.056.0005a03.01སུ་འགྱུར་བ་དང་། མ་ཞུམ་པ་རྣམས་སུ་འགྱུར་བ་དང་། དོན་གྱི་རྗེས་སུ་འགྲོ་བ་རྣམས་སུ་འགྱུར་བ་དང་། ཆོས་ཀྱི་རྗེས་སུ་འགྲོ་བ་རྣམས་སུ་འགྱུར་བ་དང་། ཞི་གནས་ཀྱི་རྗེས་སུ་འགྲོ་བ་རྣམས་སུ་འགྱུར་བ་དང་། ལྷག་མཐོང་གི་རྗེས་སུ་འགྲོ་བ་རྣམས་སུ་འགྱུར་བ་དང་། བསམ་
D133.056.0005a04.01གཏན་གྱི་རྗེས་སུ་འགྲོ་བ་རྣམས་སུ་འགྱུར་བ་དང་། ཏིང་ངེ་འཛིན་གྱི་རྗེས་སུ་འགྲོ་བ་རྣམས་སུ་འགྱུར་བ་དང་། ཤེས་རབ་ཀྱི་རྗེས་སུ་འགྲོ་བ་རྣམས་སུ་འགྱུར་བ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་རྣམས་ཀྱིས་མི་སྐྲག་མི་དངང་དངང་བར་མི་
D133.056.0005a05.01འགྱུར་བ་རྣམས་སུ་འགྱུར་བ་དང་། གཡང་ས་ཆེན་པོར་མི་ལྟུང་བའི་སྟེང་དུ་ཆོས་རབ་ཏུ་འཛིན་པ་དང་། ཆོས་སྨྲ་བ་ཆེན་པོ་རྣམས་སུ་འགྱུར་བ་དང་། སངས་རྒྱས་ཀྱི་ཞིང་གང་དང་གང་དུ་སྐྱེ་བར་སེམས་ཀྱིས་སྨོན་པ་དེ་དང་དེར་སྐྱེ་བ་དང་། མུ་སྟེགས་ཅན་གྱི་གནས་ཐམས་ཅད་ཀྱིས་
D133.056.0005a06.01ཡོངས་སུ་མི་ཟིན་པ་རྣམས་སུ་འགྱུར་བ་དང་། རྒྱུའི་སྟོབས་ཅན་རྣམས་སུ་འགྱུར་གྱི་རྐྱེན་གྱི་སྟོབས་ཅན་རྣམས་སུ་མི་འགྱུར་བ་དང་། བསམ་པའི་སྟོབས་ཅན་རྣམས་སུ་འགྱུར་བ་དང་། སྦྱོར་བའི་སྟོབས་ཅན་རྣམས་སུ་འགྱུར་བ་དང་། དབང་པོའི་སྟོབས་ཅན་རྣམས་སུ་འགྱུར་བ་དང་།
D133.056.0005a07.01