完整藏文原文 · 德格版页 当前仅加载第 56 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་བློ་གྲོས་དེས་རྒྱལ་པོ་ཁྱད་པར་དུ་འགྲོ་བ་དེའི་བསམ་པ་ཐུགས་སུ་ཆུད་ནས་ཏིང་ངེ་འཛིན་འདི་བསྟན་ཏོ། །ཡང་དག་པར་བཤད་དོ། །བཟང་སྐྱོང་དེ་ནས་རྒྱལ་པོ་ཁྱད་པར་དུ་འགྲོ་བ་དེས་ཏིང་ངེ་འཛིན་འདི་ཐོས་ནས་རྗེས་སུ་ཡི་རང་ངོ་། །
D133.056.0061b01.01རྗེས་སུ་ཡི་རང་ནས་ཀྱང་། བཅོམ་ལྡན་འདས་དེ་ལ་རིན་པོ་ཆེ་སྤར་གང་གིས་གཏོར་ཏོ། །དེ་དེ་ནས་ཤི་འཕོས་པ་དང་། དགེ་བའི་རྩ་བ་དེས་དེ་བཞིན་གཤེགས་པ་དེ་མྱ་ངན་ལས་འདས་པའི་འོག་ཏུ་ཡང་། འཛམ་བུའི་གླིང་འདིར་རྒྱལ་པོའི་ཁྱིམ་དེ་ཉིད་དུ་སྐྱེས་སོ། །བཟང་སྐྱོང་དེའི་ཚེ་དེ་བཞིན་
D133.056.0061b02.01གཤེགས་པ་དེའི་གསུང་རབ་ལ་དགེ་སློང་ཆོས་སྨྲ་བ་རིན་ཆེན་མཆོག་ཅེས་བྱ་བ་ཞིག་བྱུང་སྟེ། དེས་འཁོར་བཞི་ལ་ཏིང་ངེ་འཛིན་འདི་རྒྱ་ཆེར་སྟོན་ཏོ། །ཡང་དག་པར་སྒྲོགས་སོ། །བཟང་སྐྱོང་དེའི་ཚེ་རྒྱལ་པོ་ཁྱད་པར་དུ་འགྲོ་བ་ཞེས་བྱ་བ་དེ་རྒྱལ་པོའི་བུ་ཚངས་པས་བྱིན་ཞེས་བྱ་བར་གྱུར་ཏེ། དེས་དགེ་སློང་དེ་ཏིང་
D133.056.0061b03.01ངེ་འཛིན་འདི་འཆད་པ་ཐོས་སོ། །ཐོས་ནས་ཀྱང་ཐོས་མ་ཐག་ཏུ་དང་བ་རྙེད་པར་གྱུར་ཏེ། དང་བའི་སེམས་ཀྱིས་གསེར་སྟོང་ཕྲག་བརྒྱ་དང་། རས་བཅོས་བུ་ཟུང་གཅིག་གིས་དགེ་སློང་དེ་ལ་གཡོགས་སོ། །བཟང་སྐྱོང་དེ་ནས་རྒྱལ་པོའི་བུ་ཚངས་པས་བྱིན་དེས་དགེ་སློང་དེ་ལས་ཏིང་ངེ་འཛིན་འདི་ཐོས་ནས།
D133.056.0061b04.01དགེ་སློང་དེས་ལེགས་པར་བཤད་པའི་ཕྱིར་དགབ་པ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། ཏིང་ངེ་འཛིན་འདི་འདོད་པའི་ཕྱིར་ཆོས་སྨྲ་བའི་དགེ་སློང་དེ་ལས་སྲོག་ཆགས་སྟོང་དུ་ཚང་
D133.056.0061b05.01བ་དང་ལྷན་ཅིག་ཆོས་འདོད་པས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་། །དེ་རབ་ཏུ་བྱུང་ནས་ལོ་བརྒྱད་སྟོང་དུ་རང་གི་འཁོར་སྲོག་ཆགས་སྟོང་པོ་དེ་དག་དང་ལྷན་ཅིག་ཏུ་དགེ་སློང་དེ་ལ་བསྙེན་བཀུར་བྱེད་ཅིང་རྗེས་སུ་འབྲངས་ཀྱང་མཉན་པ་ཙམ་ཞིག་
D133.056.0061b06.01ཐོབ་པ་མ་གཏོགས་པར་དགེ་སློང་དེ་ལས་ཏིང་ངེ་འཛིན་འདི་མ་ཐོབ་པོ། །དེ་ཡང་ལན་གཉིས་མ་ཡིན་གྱི། ལན་ཅིག་ཁོ་ན་ཞིག་ཐོས་ནས་རྗེས་སུ་ཡི་རང་བ་བཞི་པོ་དེ་དག་གིས་རྗེས་སུ་ཡི་རང་ངོ་། །དེས་སྲོག་ཆགས་སྟོང་དུ་ཚང་བ་དེ་དག་དང་ལྷན་ཅིག་ཏུ་དགེ་བའི་རྩ་བ་དེས་སངས་རྒྱས་སྟོང་ཕྲག་
D133.056.0061b07.01