完整藏文原文 · 德格版页 当前仅加载第 56 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
པས་གོ་ཅ་ཆེན་པོ་བགོས་པ་རྣམས་སུ་འགྱུར་བ་དང་། དེ་བཞིན་གཤེགས་པའི་སྟོབས་བཅུའི་ས་ལ་ཐམས་ཅད་མཁྱེན་པ་ཉིད་དུ་དབང་བསྐུར་བས་དབང་བསྐུར་བ་རྣམས་སུ་འགྱུར་བ་དང་། བགྲང་བའི་ཚུལ་གྱིས་ཆོག་ཤེས་པས་འདུ་ཤེས་ཀྱི་རྣམ་པ་ཐམས་ཅད་རབ་ཏུ་
D133.056.0008a01.01རྟོགས་པ་རྣམས་སུ་འགྱུར་བ་དང་། གྲངས་ཀྱི་རྣམ་པ་ཐམས་ཅད་ཉེ་བར་རྟོགས་པས་འཇིག་པ་དང་འཆགས་པ་ཐམས་ཅད་ལ་མཁས་པ་རྣམས་སུ་འགྱུར་བ་དང་། གཏོང་བ་ཐམས་ཅད་ལ་ནན་ཏན་བགྱིད་པས་མི་གནས་ཤིང་ལེན་པ་མ་མཆིས་པ་རྣམས་སུ་འགྱུར་བ་དང་། འགྱོད་པ་
D133.056.0008a02.01མེད་པའི་སྦྱིན་བདག་ཆེན་པོར་གྱུར་པས་གཏོང་བ་ལ་མཁས་པ་རྣམས་སུ་འགྱུར་བ་དང་། སྲིད་པའི་འགྲོ་བ་ཐམས་ཅད་ཀྱི་སྐྱེ་བའི་གནས་རྣམས་དོན་དུ་མི་གཉེར་བ་རྣམས་སུ་འགྱུར་བ་དང་། འཇིག་རྟེན་གྱི་ཁམས་གཞན་ན་བཞུགས་པའི་སངས་རྒྱས་བཅོམ་ལྡན་འདས་རྣམས་ཀྱི་སངས་
D133.056.0008a03.01རྒྱས་ཀྱི་ཞིང་དག་མཐོང་ཞིང་ཆོས་ཀྱང་ཉན་ལ་དེ་ཡང་འཛིན་ཅིང་མི་བསྐྱུད་ལ། ལྔ་མངོན་པར་ཤེས་པ་ཡང་མ་ལགས། དྲུག་མངོན་པར་ཤེས་པ་ཡང་མ་ལགས་ཤིང་། བྱང་ཆུབ་སེམས་དཔའ་དེ་རྣམས་འཇིག་རྟེན་གྱི་ཁམས་འདི་ནས་ཤི་འཕོས་ཏེ། སངས་རྒྱས་ཀྱི་ཞིང་དེ་
D133.056.0008a04.01དག་ན་གནས་པ་ཡང་མ་ལགས་ལ། བྱང་ཆུབ་སེམས་དཔའ་དེ་རྣམས་འཇིག་རྟེན་གྱི་ཁམས་འདི་ཉིད་ན་གནས་བཞིན་དུ་སངས་རྒྱས་རྣམས་ཀྱང་མཐོང་ལ་ཆོས་ཀྱང་ཉན་ཅིང་། དེ་ཐམས་ཅད་ཀྱང་ཀུན་ཏུ་ཤེས་ཏེ། ཇི་ལྟར་བདག་ད་ལྟར་བཅོམ་ལྡན་འདས་ཀྱི་སྤྱན་སྔ་ན་མཆིས་
D133.056.0008a05.01བཞིན་དུ་ཐེ་ཙོམ་དང་ནེམ་ནུར་མ་མཆིས་པ་དེ་བཞིན་དུ། བྱང་ཆུབ་སེམས་དཔའ་དེ་རྣམས་ཀྱང་ཐ་ན་རྨི་ལམ་ན་ཡང་སངས་རྒྱས་མཐོང་ཞིང་། ཆོས་ཉན་པ་དང་མི་འབྲལ་བ་རྣམས་སུ་འགྱུར་བའི་ཏིང་ངེ་འཛིན་གང་ལགས། བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་དང་
D133.056.0008a06.01པོའོ།། །།དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ལེགས་སོ་ལེགས་སོ། །ཡང་བཟང་སྐྱོང་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་
D133.056.0008a07.01