完整藏文原文 · 德格版页 当前仅加载第 56 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཆོས་རྣམས་ལ་གཞོག་པས་ཆོས་ཐམས་ཅད་ལ་མོས་པ་རྣམས་སུ་འགྱུར་བ་དང་། སངས་རྒྱས་ཐམས་ཅད་ལ་ཕར་འདུ་ཤེས་པ་རྣམས་སུ་འགྱུར་བ་དང་། ཆོས་ཐམས་ཅད་ལ་སྣང་བ་སྐྱེས་པས་སངས་རྒྱས་ཐམས་ཅད་ཀྱི་བྱིན་གྱིས་བརླབས་པ་རྣམས་སུ་འགྱུར་བ་དང་།
D133.056.0006b01.01སངས་རྒྱས་ཀྱི་ཆོས་ཐམས་ཅད་མངོན་དུ་གྱུར་པས་ཤེས་པ་སྒྲིབ་པ་མེད་པ་རྣམས་སུ་འགྱུར་བ་དང་། ཆོས་ཐམས་ཅད་ལ་རློམ་སེམས་མེད་པས་སྒྱུ་མའི་སྐྱེས་བུ་ལྟ་བུ་རྣམས་སུ་འགྱུར་བ་དང་། མ་སྐྱེས་མ་འོངས་ཤིང་འགྲོ་བ་མེད་པའི་ཆོས་དང་ལྡན་པས་སྤྲུལ་པ་ལྟ་བུ་རྣམས་སུ་འགྱུར་བ་དང་།
D133.056.0006b02.01དུས་གསུམ་ལ་རྟོག་པས་རྨི་ལམ་ལྟ་བུ་རྣམས་སུ་འགྱུར་བ་དང་། འཇིག་རྟེན་གྱི་ཁམས་ཐམས་ཅད་དུ་རང་གི་ལུས་ཡང་དག་པར་སྟོན་པས་གཟུགས་བརྙན་ལྟ་བུ་རྣམས་སུ་འགྱུར་བ་དང་། འཕོ་བ་མེད་ཅིང་མི་གནས་ལ་རྟེན་པ་མེད་པའི་ཆོས་ཅན་པས་བྲག་ཅ་ལྟ་བུ་རྣམས་སུ་འགྱུར་བ་
D133.056.0006b03.01དང་། འཆི་འཕོ་དང་། སྐྱེ་བ་ཐམས་ཅད་ལ་གྲིབ་མ་ལྟ་བུ་རྣམས་སུ་འགྱུར་བ་དང་། དངོས་པོའི་འདུ་ཤེས་སྤངས་པས་དངོས་པོ་མེད་པར་ཤེས་པ་ལ་གནས་པ་རྣམས་སུ་འགྱུར་བ་དང་། གཉིས་ལ་ཀུན་ཏུ་སྤྱོད་པ་མེད་པས་མཚན་ཉིད་མེད་པའི་ཆོས་ལ་གཞོལ་བ་རྣམས་སུ་འགྱུར་བ་དང་། བྱང་
D133.056.0006b04.01ཆུབ་ཀྱི་སེམས་ཚད་མེད་པས། ཆོས་ཀྱི་དབྱིངས་ཀྱི་མཐས་གཏུགས་པ་རྣམས་སུ་འགྱུར་བ་དང་། སེམས་ཀྱི་རྒྱུད་མི་གཡོ་བས་འཇིག་རྟེན་གྱི་ཁམས་ཐམས་ཅད་དུ་མི་གཡོ་བ་རྣམས་སུ་འགྱུར་བ་དང་། སངས་རྒྱས་ཀྱི་ཞིང་ཐམས་ཅད་ལ་མི་ཆགས་པའི་སྤྱོད་ཡུལ་དང་ལྡན་པ་
D133.056.0006b05.01རྣམས་སུ་འགྱུར་བ་དང་། ཆོས་ཐམས་ཅད་ཀྱི་ཚིག་རབ་ཏུ་དབྱེ་བ་ལ་མཁས་པས་གཟུངས་ཀྱི་སྒོར་ཞུགས་པ་རྣམས་སུ་འགྱུར་བ་དང་། སངས་རྒྱས་ཀྱི་ཆོས་ཐམས་ཅད་ཀྱི་སྣོད་དུ་གྱུར་པས་ཆོས་ཀྱི་སྣོད་རྣམས་སུ་འགྱུར་བ་དང་། སངས་རྒྱས་ཀྱི་གཟི་བརྗིད་ཀྱིས་བརྟན་པས་དེ་
D133.056.0006b06.01བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་རྣམས་སུ་འགྱུར་བ་དང་། ཁྱུ་མཆོག་དང་སེང་གེའི་སྒྲ་སྒྲོགས་པས་བག་ཚ་བ་མེད་པ་རྣམས་སུ་འགྱུར་བ་དང་། འཇིག་རྟེན་པ་ཐམས་ཅད་ཡང་དག་པར་དགའ་བར་བྱེད་པས་འཇིགས་པ་མེད་པ་རྣམས་སུ་འགྱུར་བ་དང་། སངས་
D133.056.0006b07.01