完整藏文原文 · 德格版页 当前仅加载第 56 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། གནས་བརྟན་ཤ་ར་དྭ་ཏིའི་བུ་དང་། ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་མ་གཏོགས་པར་དེ་ནི་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་བུད་
D133.056.0060b01.01མེད་དམ་སྐྱེས་པ་གང་ལ་ལ་ཞིག་གིས། སྐྱེས་བུ་ལོ་བརྒྱར་གནས་པ་རླུང་གི་མགྱོགས་པ་བཞིན་དུ་མགྱོགས་པར་འགྲོ་བ་དེའི་སྤྱོད་ཡུལ་རྣམས་གསེར་དང་དངུལ་གྱིས་གང་བར་བྱས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་ཕུལ་ལ་ཏིང་ངེ་
D133.056.0060b02.01འཛིན་འདི་མི་ཉན་པ་དང་། བྱང་ཆུབ་སེམས་དཔའ་གང་ཡང་ཏིང་ངེ་འཛིན་འདི་ཐོས་ནས་རྗེས་སུ་ཡི་རང་བ་བཞི་པོ་དེ་དག་གིས་རྗེས་སུ་ཡི་རང་ཞིང་རྗེས་སུ་ཡི་རང་ནས་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་མང་དུ་ཐོས་པ་འདོད་པས་སྔོ་བར་ཡང་བྱེད་ན་བཟང་སྐྱོང་བསོད་
D133.056.0060b03.01ནམས་ཀྱི་ཕུང་པོ་འདི་ལ་བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོའོ། །སྟོང་དང་སྟོང་ཕྲག་བརྒྱ་དང་བྱེ་བ་ཕྲག་བརྒྱ་དང་། བྱེ་བ་ཁྲག་ཁྲིག་ཕྲག་བརྒྱ་སྟོང་དང་། གྲངས་དང་། ཆ་དང་། བགྲང་བ་དང་། དཔེ་དང་རྒྱུར་ཡང་ཉེ་བར་མི་འགྲོའོ།། །།བམ་པོ་བདུན་པ་སྟེ་ཐ་
D133.056.0060b04.01མ། བཟང་སྐྱོང་ཏིང་ངེ་འཛིན་འདི་ལ་རྗེས་སུ་ཡི་རང་བ་དང་ལྡན་པའི་བསོད་ནམས་ཀྱི་ཕུང་པོ་བྱང་ཆུབ་སེམས་དཔའ་རྣམས་ལ་ཇི་ཙམ་དུ་དོན་ཆེ་བ་ལ་ལྟོས། བཟང་སྐྱོང་དེ་བས་ན་རྣམ་གྲངས་འདིས་ཀྱང་། ཏིང་ངེ་འཛིན་འདི་ལ་རྗེས་སུ་ཡི་རང་བ་དང་ལྡན་པའི་བསོད་ནམས་ཀྱི་ཕུང་པོ་བྱང་ཆུབ་སེམས་
D133.056.0060b05.01དཔའ་རྣམས་ཀྱི་དོན་ཆེན་པོ་ཡིན་པར་རིག་པར་བྱའོ། །བཟང་སྐྱོང་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ་ཤིན་ཏུ་རྒྱས་པ། ཚད་མེད་པ། བསམ་གྱིས་མི་ཁྱབ་པ་བྱུང་བ་དེའི་ཚེ་དེའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D133.056.0060b06.01པའི་སངས་རྒྱས་སེང་གེའི་བློ་གྲོས་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་། །བཟང་སྐྱོང་དེའི་ཚེ་འཛམ་
D133.056.0060b07.01