完整藏文原文 · 德格版页 当前仅加载第 56 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི། །གྱ་ནོམ་མདོ་སྡེ་དག་ནི་འཆང་བྱེད་ཅིང་། །གང་དག་ཆོས་ཀྱི་སྦྱིན་བདག་གྱུར་པ་ནི། །དེ་འདྲ་དེས་ནི་ཏིང་འཛིན་འདི་རྙེད་འགྱུར། །ཆོས་ལ་རྟག་ཏུ་གནས་པར་གྱུར་བྱས་ནས། །བཟོད་དང་དེས་ལ་གནས་ཤིང་ཕྲག་དོག་མེད། །གཞན་དག་འཁྲོས་ན་ཁྲོ་བར་མི་བྱེད་པ། །དེ་འདྲ་དེས་ནི་
D133.056.0049b01.01ཏིང་འཛིན་འདི་རྙེད་འགྱུར། །གང་དག་ལ་ལ་ཏིང་འཛིན་འདི་འདོད་ཅིང་། །ཆོས་འདི་རིང་དུ་གནས་པར་བྱ་བའི་ཕྱིར། །གཞན་ལའང་སྟོན་ཅིང་བྲིས་ནས་འཇོག་བྱེད་པ། །དེ་འདྲ་དེས་ནི་ཏིང་འཛིན་འདི་རྙེད་འགྱུར། །ནམས་ཀྱང་ཆོས་ལ་འཇུངས་པར་མི་འགྱུར་ཞིང་། །བདེ་གཤེགས་
D133.056.0049b02.01སྲས་འགྱུར་ཕྱིར་ནི་མ་གཏོགས་པར། །རྙེད་དང་བཀུར་སྟིའི་ཕྱིར་ནི་མི་འཆད་པ། །དེ་འདྲ་དེས་ནི་ཆོས་འདི་རྙེད་པར་འགྱུར། །ཕྲག་དོག་མེད་ཅིང་སྒྲིབ་པ་རྣམ་པར་སྤངས། །གཉིད་དང་བྲལ་ལ་ཀུན་ཏུ་གདུང་བ་མེད། །བདག་ལ་མི་སྟོད་གཞན་ལ་མི་སྨོད་པ། །དེས་ནི་བདག་མེད་འདུ་
D133.056.0049b03.01ཤེས་རྙེད་མི་དཀའ། །དད་དང་ལྡན་ལ་སྒྱུ་མེད་གཡོ་མེད་ཅིང་། །སངས་རྒྱས་ཆོས་དང་དགེ་འདུན་རྣམས་ལ་དད། །དེས་ནི་བྱས་པ་ཤེས་ཤིང་བྱས་པ་སྲུང་། །དེས་ནི་ཅུང་ཟད་ཙམ་ཡང་རྙེད་མི་དཀའ། །རྟག་ཏུ་བདེན་པའི་ཚིག་ནི་སྨྲ་བྱེད་ཅིང་། །ཆུང་ངམ་ཉུང་ངམ་མང་ངམ་བཟང་ཡང་
D133.056.0049b04.01རུང་། །ནམས་ཀྱང་ལེགས་སྤྱད་ཆུད་མི་གསོན་པ་ཡི། །ཆོས་འདོད་དེ་ནི་རྙེད་པར་དཀའ་མི་འགྱུར། །ཚུལ་ཁྲིམས་རྣམ་དག་བྱས་པ་བསྲུང་བ་ཡི། །མི་གང་ལ་ལ་ཆོས་འདི་འཆང་བྱེད་པ། །དེས་ནི་བྱང་ཆུབ་རྙེད་པར་མི་དཀའ་ན། །ཏིང་འཛིན་ཞི་བ་འདི་ལྟ་སྨོས་ཅི་དགོས། །བཟང་
D133.056.0049b05.01སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བཅུ་དྲུག་པའོ།། །།བཟང་སྐྱོང་ངས་མངོན་པར་ཤེས་ཏེ་འདས་པའི་དུས་ན་དེ་བཞིན་གཤེགས་པ་མར་མར་མེ་མཛད་མཐོང་མ་ཐག་ཏུ། དེ་ལས་ངས་ཏིང་ངེ་འཛིན་འདི་འཐོབ་པོ། །ངས་ཏིང་ངེ་འཛིན་འདི་ཐོབ་མ་ཐག་ཏུ། དེའི་མོད་ལ་ངས་
D133.056.0049b06.01ཚད་མེད་གྲངས་མེད་པའི་སངས་རྒྱས་བཅོམ་ལྡན་འདས། ངའི་མིག་ལམ་དུ་སྣང་བར་གྱུར། དམ་པའི་ཆོས་འཆད་པ་ཡང་ཐོས་ཤིང་དེ་ཐམས་ཅད་ཀྱང་ཇི་སྐད་དུ་ཐོས་པ་བཞིན་དུ་འཛིན་པར་གྱུར་ཏོ། །སངས་རྒྱས་བཅོམ་ལྡན་འདས་དེ་དག་ཀྱང་ང་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན།
D133.056.0049b07.01