完整藏文原文 · 德格版页 当前仅加载第 56 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །དེ་ལ་བདེ་བའི་ཡོ་བྱད་ཐམས་ཅད་དབུལ་བར་བྱའོ། །བྱས་པ་ཤེས་པ་དང་། བྱས་པ་གཟོ་བ་དང་། གུས་པ་དང་བཅས་པས་གནས་པར་བྱ་སྟེ། བཟང་སྐྱོང་དེ་ལྟར་བྱང་ཆུབ་སེམས་དཔའ་ཁྱིམ་པར་གྱུར་པ་ཁྱིམ་ན་གནས་པས་ཏིང་ངེ་འཛིན་འདི་ལ་སྦྱོར་བར་བྱའོ། །ཆོས་དག་ལ་ཡང་གནས་
D133.056.0033b01.01ཏེ་ཏིང་ངེ་འཛིན་འདི་བསྒོམ་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །བྱང་ཆུབ་སེམས་དཔའ་ཁྱིམ་ན་གནས་པ་གང་། །ཏིང་འཛིན་འདི་ནི་གཟུང་བར་འདོད་གྱུར་པས། །རྟག་ཏུ་ཚུལ་ཁྲིམས་ཡོངས་སུ་དག་གྱུར་ཅིང་། །མངོན་འབྱུང་
D133.056.0033b02.01སེམས་བརྟན་ཡང་དག་བསྐྱེད་བྱས་ཏེ། །བསླབ་གཞི་ལྔ་ནི་ཡོངས་སུ་གཟུང་བྱས་ལ། །ཡན་ལག་བརྒྱད་པའི་གསོ་སྦྱོང་བསྙེན་བྱས་ཤིང་། །ཁྱིམ་མ་སྤངས་པར་གཙུག་ལག་ཁང་གནས་ཏེ། །ཏིང་ངེ་འཛིན་འདི་ལ་ནི་འཇུག་པར་བྱ། །སུ་ལའང་ཆང་ནི་བླུད་པར་མི་བྱ་ཞིང་། །སངས་
D133.056.0033b03.01རྒྱས་མ་བསྔགས་བཏུང་བ་རྣམས་སྤངས་ལ། །བསླབ་པ་འདི་དག་ལ་ནི་གནས་བྱས་ཏེ། །ཏིང་ངེ་འཛིན་འདི་ལུང་ནི་མནོད་པར་བྱ། །བུ་ལ་མི་སྲེད་བུ་མོ་མི་སྲེད་ལ། །ཆུང་མ་མི་སྲེད་ཁྱིམ་ལའང་མི་སྲེད་ཅིང་། །དགེ་བསྙེན་ངོ་ཚ་ཤེས་དང་ལྡན་བྱས་ཏེ། །དེས་ནི་ཏིང་འཛིན་འདི་ལ་འཇུག་
D133.056.0033b04.01པར་བྱ། །ནད་མེད་བྱ་ཞིང་སུ་དག་ལ་ཡང་ནི། །མི་བསྙེན་མི་བརྗོད་མང་པོ་ཐམས་ཅད་སྤང་། །སྐྱོན་མེད་བཟོད་པ་དག་ལ་གནས་ནས་སུ། །ཏིང་ངེ་འཛིན་འདི་ལ་ནི་འཇུག་པར་བྱ། །ཏིང་འཛིན་འཕགས་པ་འདི་ལ་འཇུག་པ་ན། སངས་རྒྱས་ཆོས་ལ་རྟག་ཏུ་གུས་བཅས་ཤིང་། །སེམས་ནི་
D133.056.0033b05.01དང་ལ་གཡོ་མེད་ཕྲག་དོག་མེད། །དགེ་འདུན་བསྙེན་བཀུར་བྱ་བར་སྤྲོ་བར་བྱོས། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བཅུ་གཅིག་པའོ།། །།དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་བཅོམ་ལྡན་
D133.056.0033b06.01འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཐེག་པ་ཆེན་པོ་ལ་ཡང་དག་པར་ཞུགས་པའི་དགེ་བསྙེན་མ་གང་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འཚལ་ན། བཙུན་པ་བཅོམ་ལྡན་འདས་དེས་ཆོས་གང་ལ་གནས་ཏེ། ཏིང་ངེ་འཛིན་འདི་ལུང་
D133.056.0033b07.01