完整藏文原文 · 德格版页 当前仅加载第 56 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །བཟུང་ནས་ཀྱང་འདི་ལྟར་བསླབ་པར་བྱ་སྟེ། ཨ་ལ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཛེས་པ་ནི་ངོ་མཚར་ཏེ། བདག་ཀྱང་མ་འོངས་པའི་དུས་ན་ལུས་ཡོངས་སུ་གྲུབ་པ་འདི་ལྟ་བུ་དང་ལྡན་པར་འགྱུར་རོ། །མཚན་འདི་ལྟ་བུ་དག་
D133.056.0024b01.01ཡོངས་སུ་རྫོགས་པར་འགྱུར་རོ། །བདག་ཀྱང་ཚུལ་ཁྲིམས་འདི་ལྟ་བུ་དང་ལྡན་པར་འགྱུར་རོ། །དེ་བཞིན་དུ་ཏིང་ངེ་འཛིན་དང་། དེ་བཞིན་དུ་ཤེས་རབ་དང་། དེ་བཞིན་དུ་རྣམ་པར་གྲོལ་བ་དང་། དེ་བཞིན་དུ་རྣམ་པར་གྲོལ་བའི་ཡེ་ཤེས་མཐོང་བ་དང་ལྡན་པར་འགྱུར་རོ། །བདག་ཀྱང་དེ་བཞིན་དུ་བླ་ན་
D133.056.0024b02.01མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །མངོན་པར་རྫོགས་པར་སངས་རྒྱས་ནས་ཀྱང་འཁོར་བཞི་དང་ལྷ་དང་བཅས་པའི་འཇིག་རྟེན་ལ་ཆོས་འཆད་པར་འགྱུར་རོ་སྙམ་དུ་བསླབ་པར་བྱའོ། །དེས་དེ་ལྟར་རྣམ་པ་ཐམས་ཅད་ཀྱི་མཆོག་དང་ལྡན་པར་ཡིད་ལ་
D133.056.0024b03.01བྱས་ནས་ཡང་འདི་ལྟར་བསླབ་པར་བྱ་སྟེ། ང་ཞེས་བྱ་བའི་ཆོས་དེ་ནི་གང་ཡིན་ངའི་ཞེས་བྱ་བའི་ཆོས་དེ་ཡང་གང་ཡིན། བྱང་ཆུབ་དེ་ཡང་གང་ཡིན། བྱང་ཆུབ་མངོན་པར་རྫོགས་པར་འཚང་རྒྱ་བ་དེ་ཡང་སུ་ཡིན། ཅི་ལུས་ཀྱིས་བྱང་ཆུབ་མངོན་པར་རྫོགས་པར་འཚང་རྒྱའམ། འོན་ཏེ་སེམས་ཀྱིས་བྱང་ཆུབ་
D133.056.0024b04.01མངོན་པར་རྫོགས་པར་འཚང་རྒྱ། གལ་ཏེ་ལུས་ཀྱིས་བྱང་ཆུབ་མངོན་པར་རྫོགས་པར་འཚང་རྒྱ་ཞེས་བྱར་ནི་ལུས་ནི་བེམས་པོ་གཡོ་བ་མེད་པ། བྱེད་པ་མེད་པ། སེམས་པ་མེད་པ། རྩྭ་དང་། ཤིང་དང་། རྡོ་དང་། རྩིག་པ་དང་། མིག་ཡོར་དང་འདྲ་བ་ཡིན་ལ། བྱང་ཆུབ་ནི་གཟུགས་མེད་པ། བསྟན་དུ་མེད་
D133.056.0024b05.01པ། མི་སྣང་བ། རྣམ་པར་རིག་པར་བྱེད་པ་མ་ཡིན་ན། བེམས་པོ་གཡོ་བ་མེད་པ། བྱེད་པ་མེད་པ། སེམས་པ་མེད་པའི་ལུས་ཀྱིས་གཟུགས་མེད་པ། བསྟན་དུ་མེད་པ། མི་སྣང་བ། རྣམ་པར་རིག་པར་མི་བྱེད་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཇི་ལྟར་འགྱུར། ཅི་སྟེ་སེམས་
D133.056.0024b06.01ཀྱིས་བྱང་ཆུབ་མངོན་པར་རྫོགས་པར་འཚང་རྒྱ་ཞེས་བྱར་ནི་སེམས་ནི་གཟུགས་མེད་པ། བསྟན་དུ་མེད་པ། མི་སྣང་བ། རྣམ་པར་རིག་པར་བྱེད་པ་མ་ཡིན་པ། སྒྱུ་མ་ལྟ་བུ་ཡིན་ལ། བྱང་ཆུབ་ནི་གཟུགས་མེད་པ། བསྟན་དུ་མེད་པ། མི་སྣང་བ། རྣམ་པར་རིག་པར་བྱེད་པ་མ་ཡིན་ན། གཟུགས་
D133.056.0024b07.01