完整藏文原文 · 德格版页 当前仅加载第 56 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
དམས་པའི་དུས་ལ་བབ་པ། དམ་པ་མ་ཡིན་པའི་ཕྱོགས་ཀྱི་ཆོས་འཕེལ་བའི་དུས་ལ་བབ་པ། ཟད་པའི་དུས་ལ་བབ་པ་ན། སེམས་ཅན་གང་མདོ་སྡེ་འདི་ལྟ་བུ་ཐོབ་པར་འགྱུར་བའི་ཕྱིར་དགེ་བའི་རྩ་བ་འབར་བ། སྔོན་གྱི་རྒྱལ་བ་ལ་བྱ་བ་བྱས་པ། དགེ་བའི་རྩ་བ་
D133.056.0035a01.01སྐྱེད་པ། དགེ་བའི་རྩ་བ་སྨིན་པ། ས་བོན་བཏབ་པའི་སེམས་ཅན་རྣམས་ནི་ཉུང་ཟད་ཅིག་འབྱུང་སྟེ། སེམས་ཅན་དེ་ལྟ་བུ་དེ་དག་གི་དོན་དུ་འདི་ལྟ་སྟེ་སངས་རྒྱས་ཀྱི་མཐུས་ཏིང་ངེ་འཛིན་འདི་འཛམ་བུའི་གླིང་དུ་སྤྱོད་པར་འགྱུར་རོ། །རྒྱས་པར་བྱེད་པར་འགྱུར་རོ། །དེ་དག་གིས་ཀྱང་ཏིང་ངེ་
D133.056.0035a02.01འཛིན་འདི་ཐོས་ནས་དགའ་བ་དང་། མགུ་བ་དང་། དང་བ་རྒྱ་ཆེན་པོ་འཐོབ་བོ། །ཐོས་ནས་ཀྱང་འཛིན་པར་འགྱུར། འཆང་བར་འགྱུར། ཀློག་པར་འགྱུར། ཀུན་ཆུབ་པར་བྱེད་པར་འགྱུར། ཡི་གེར་འདྲི་བར་འགྱུར། འཆད་པར་འགྱུར། རྒྱས་པར་བྱེད་པར་འགྱུར། བསྒོམ་
D133.056.0035a03.01པའི་སྦྱོར་བ་ལ་བརྩོན་པར་འགྱུར། ཐ་ན་གླེགས་བམ་དུ་བྲིས་ཤིང་འཆང་བར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་དང་། ལིད་ཙ་བཱི་གཞོན་ནུས་བཅོམ་ལྡན་འདས་ལ་
D133.056.0035a04.01ཕྱི་མའི་དུས་ན་དམ་པའི་ཆོས་འདི་འགྱུར་བ་དང་། རྣམ་པར་འཇིག་པ་ཐོས་ནས་ཆོས་ཀྱི་ཤུགས་ཀྱིས་ངུ་ཞིང་མཆི་མ་ཀློག་པར་བྱེད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་དང་།
D133.056.0035a05.01ལིད་ཙ་བཱི་གཞོན་ནུ་མཆི་མ་ཕྱིས་ཏེ། སྟན་ལས་ལངས་ནས་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་
D133.056.0035a06.01བཅོམ་ལྡན་འདས་བདག་ཅག་གིས་དེ་བཞིན་གཤེགས་པ་མྱ་ངན་ལས་འདས་ནས་ལོ་བརྒྱ་བའི་ཐ་མར་གྱུར་པ། ཕྱི་མའི་དུས་ཕྱི་མའི་ཚེ་ལྔ་བརྒྱ་བ་ཐ་མར་གྱུར་པ། དམ་པའི་ཆོས་སྤོང་བར་གྱུར་པ་ན་ཡང་། མདོ་སྡེ་འདི་ལྟ་བུ་འདི་དག་གཟུང་བར་བགྱིའོ། །ཀུན་ཆུབ་པར་བགྱིའོ། །
D133.056.0035a07.01