完整藏文原文 · 德格版页 当前仅加载第 56 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་གྱི་བུ་བཟང་སྦྱིན་དེས་ཏིང་ངེ་འཛིན་འདི་ཐོས་ནས་འཛིན་པར་བྱེད་དོ། །བཟུང་ནས་སྒོམ་པར་བྱེད་དོ། །བསྒོམས་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེ་ལས་སྐྲ་དང་ཁ་སྤུ་བྲེགས་ཏེ་གོས་ཚོན་
D133.056.0042a01.01ཅན་གྱོན་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། ཚངས་པར་སྤྱད་དོ། །ལོ་བརྒྱད་ཁྲིར་ཏིང་ངེ་འཛིན་འདི་བསྒོམ་ཞིང་གནས་པར་གྱུར་ཏོ། །དེས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེ་ལས་ཐོས་པ་ཐམས་ཅད་
D133.056.0042a02.01བཟུང་ཞིང་། འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལས་ཀྱང་ཐོས་པ་ཐམས་ཅད་བཟུང་སྟེ། དེ་མང་དུ་ཐོས་པ་བསམ་གྱིས་མི་ཁྱབ་པ་དང་ལྡན་པར་གྱུར་ཏོ། །དེ་དུས་གཞན་ཞིག་ན་ཚེ་བརྗེས་ནས་ལུས་ཞིག་སྟེ་ཤི་བ་དང་། བདེ་འགྲོ་
D133.056.0042a03.01མཐོ་རིས་ཀྱི་འཇིག་རྟེན་དུ་སུམ་ཅུ་རྩ་གསུམ་པའི་ལྷ་རྣམས་དང་སྐལ་བ་མཉམ་པར་སྐྱེས་སོ། །སྐྱེས་ནས་ཀྱང་དེས་འཇིག་རྟེན་གྱིས་ཁམས་དེ་ཉིད་དུ་དེ་བཞིན་གཤེགས་པ་གཉིས་པ་གློག་གི་ལྷ་ཞེས་བྱ་བ་མཉེས་པར་བྱས་སོ། །བསྐལ་པ་དེ་ཉིད་ལ་རྒྱལ་རིགས་ཤིང་སཱ་ལ་ཆེན་པོ་ལྟ་
D133.056.0042a04.01བུར་སྐྱེས་ཏེ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་དེ་ལས་མངོན་པར་བྱུང་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གློག་གི་ལྷ་དེ་ལས་རབ་ཏུ་བྱུང་སྟེ། ལོ་བརྒྱད་ཁྲིར་ཏིང་ངེ་འཛིན་འདི་སྒོམ་ཞིང་ཚངས་པར་སྤྱོད་པ་སྤྱད་དོ། །དེས་དེ་བཞིན་གཤེགས་
D133.056.0042a05.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསུམ་པ་འོད་ཟེར་གྱི་རྒྱལ་པོ་ཞེས་བྱ་བ་མཉེས་པར་བྱས་སོ། །བསྐལ་པ་དེ་ཉིད་ལ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུར་སྐྱེས་ཏེ། བྲམ་ཟེའི་རིགས་སཱ་ལ་ཆེན་པོ་ལྟ་བུ་དེ་ལས་མངོན་པར་བྱུང་ནས། དེ་བཞིན་གཤེགས་པ་
D133.056.0042a06.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་གྱི་རྒྱལ་པོ་དེ་ལས་རབ་ཏུ་བྱུང་སྟེ། ལོ་བརྒྱད་ཁྲི་བཞི་སྟོང་དུ་ཏིང་ངེ་འཛིན་འདི་བསྒོམ་ཞིང་ཚངས་པར་སྤྱོད་པ་སྤྱད་དོ། །ཚོང་དཔོན་གྱི་བུ་བཟང་སྦྱིན་དེ་ཡང་དེ་ནས་ཕྱིས་བསྐལ་པ་བརྒྱད་ཀྱིས་བླ་ན་མེད་པ་ཡང་དག་པར་རྫོགས་
D133.056.0042a07.01