完整藏文原文 · 德格版页 当前仅加载第 56 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྐྱེ་དགུ་བརྒྱད་སྟོང་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །དེ་དག་ཐམས་ཅད་ཀྱང་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་ལ་སེམས་རྣམ་པར་གྲོལ་བར་གྱུར་ནས། གང་བླ་ན་མེད་པའི་བྱང་ཆུབ་ཏུ་སེམས་དང་པོ་བསྐྱེད་པ་དེ་དག་མིང་ཐ་དད་ཀྱིས་
D133.056.0044b01.01ཀྱང་ཚེའི་ཚད་གཅིག་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ན། བཟང་སྐྱོང་ཡང་གང་གིས་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ང་ལ་མཉེས་པར་བྱས་པ་ལྟ་ཅི་སྨོས། གང་གིས་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་གྲོགས་
D133.056.0044b02.01པོར་གྱུར་པ་ལྟ་སྨོས་ཀྱང་ཅི་དགོས་ཏེ། དེ་དག་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བཟང་སྐྱོང་ཆོས་འདི་བཤད་པའི་ཚེ་སེམས་ཅན་ཚད་མེད་པ་རྣམས་ཀྱང་ཡེ་ཤེས་མཐོང་བ་སྐྱེས་སོ། །དགེ་སློང་བརྒྱད་བརྒྱ་ཡང་ལེན་པ་མེད་
D133.056.0044b03.01པར་ཟག་པ་ལས་སེམས་རྣམ་པར་གྲོལ་ལོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །གང་དག་ཏིང་འཛིན་འདི་ནི་འཛིན་གྱུར་པ། །དེ་དག་ཤེས་རབ་ཚད་ནི་{ཆུང་ཟད་,ཅུང་ཟད་}མེད། །ཚུལ་ཁྲིམས་ཚད་དང་རྡུལ་དང་དྲི་མ་མེད། །ཚུལ་ཁྲིམས་རྣམ་དག་སེམས་
D133.056.0044b04.01ཀྱང་ཡོངས་སུ་དག །གང་དག་ཏིང་འཛིན་འདི་ནི་འཛིན་གྱུར་པ། །དེ་དག་ཤེས་རབ་ནམས་ཀྱང་ཉམས་པ་མེད། །ཏིང་འཛིན་ཐོས་ནས་ནམས་ཀྱང་ཉམས་པ་མེད། །ཟླ་བ་བཞིན་དུ་ཡོན་ཏན་ཐམས་ཅད་སྟོན། །གང་དག་ཏིང་འཛིན་འདི་ནི་འཛིན་གྱུར་པ། །དེས་ནི་སངས་རྒྱས་བསམ་མི་ཁྱབ་པ་བསྟོད། །
D133.056.0044b05.01དེས་ནི་ཆོས་ཀྱང་བསམ་མི་ཁྱབ་པ་མཐོང་། །དེ་ལ་བསམ་མི་ཁྱབ་པའི་ལྷ་རྣམས་བསྲུང་། །སྔོན་གྱི་སངས་རྒྱས་བསམ་གྱིས་མི་ཁྱབ་བྱུང་། །དེས་ནི་བསམ་གྱིས་མི་ཁྱབ་ཆོས་བཤད་པ། །གང་ཞིག་ཏིང་འཛིན་འདི་ནི་འཛིན་གྱུར་པ། །དེས་ནི་ཐམས་ཅད་མཐོང་ཞིང་བསྙེན་བཀུར་བྱས། །གང་ཞིག་ཏིང་
D133.056.0044b06.01འཛིན་འདི་ནི་འཛིན་གྱུར་པ། །རྒྱལ་བ་གང་དག་སྡུག་བསྔལ་ཀུན་སྒྲོལ་བ། །འཇིག་རྟེན་དོན་དུ་བྱུང་སྟེ་བཞུགས་པ་ཡི། །རྒྱལ་བ་དེ་དག་དེ་ཡིས་གུས་བྱས་འགྱུར། །མ་བྱོན་སངས་རྒྱས་མང་པོ་བསམ་མི་ཁྱབ། །དང་བའི་སེམས་ཀྱིས་བསྙེན་བཀུར་བྱ་བའི་ཕྱིར། །བྱང་ཆུབ་སེམས་དཔའ་གང་
D133.056.0044b07.01