完整藏文原文 · 德格版页 当前仅加载第 56 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལྟ་བུ་དེ་མཐོང་བར་འགྱུར་རོ། །བཟང་སྐྱོང་འདི་ལྟ་སྟེ་དཔེར་ན་སྐྱེས་བུ་ལ་ལ་ཞིག་རང་སྐྱེས་པའི་ཡུལ་ནས་ལྗོངས་ཀྱི་ཕྱོགས་གཞན་ཞིག་ཏུ་སོང་སྟེ་ཕྱིན་པ་དང་། རང་སྐྱེས་པའི་ཡུལ་དེ་རྗེས་
D133.056.0014a01.01སུ་དྲན་ནས་ཇི་ལྟར་མཐོང་བ་དང་། ཐོས་པ་དང་། ཤེས་པ་དང་། རྟོགས་པའི་ཆོས་རྣམས་ཡིད་ལ་བྱེད་པ་ལས་རྨུགས་པ་དང་གཉིད་ཀྱིས་ནོན་ཏེ། དེ་ཉལ་བ་དང་རྨི་ལམ་ན་རང་སྐྱེས་པའི་ཡུལ་དུ་སོང་ནས་དེ་ན་བདག་ཉིད་འདུག་པ་སྙམ་དུ་ཤེས་ཤིང་། ཇི་ལྟར་སྔོན་མཐོང་བ་དང་། ཐོས་པ་དང་
D133.056.0014a02.01བྱེ་བྲག་ཕྱེད་པ་དང་། རྣམ་པར་ཤེས་པ་དེ་དག་ཀྱང་མཐོང་ངོ་། །དེ་ན་འགྲོ་ཞིང་ལྡོག་པ་དག་ཀྱང་བྱེད་དོ། །དེ་སད་པ་དང་གཉེན་འདབ་དང་། མཛའ་བཤེས་དང་། ཉེ་དུ་དང་། སྣག་གི་གཉེན་མཚམས་རྣམས་ཀྱི་ནང་དུ་ང་ནི་འདི་ལྟར་སོང་སོང་ངོ་། །ངས་ནི་འདི་དག་མཐོང་ངོ་། །
D133.056.0014a03.01དེར་ངས་ནི་འདི་དག་མྱོང་ངོ་ཞེས་དོན་དེ་དག་ཀྱང་རྗོད་དོ། །བཟང་སྐྱོང་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་པའམ་རབ་ཏུ་བྱུང་བ་ཡང་རུང་། ཕྱོགས་གང་དང་གང་ན་དེ་བཞིན་གཤེགས་པ་བཞུགས་པར་ཐོས་པའི་ཕྱོགས་དེ་དང་དེ་ལོགས་སུ་དྲན་པ་
D133.056.0014a04.01དང་ལྡན་ཞིང་། སེམས་གཡེང་བ་མེད་པས་སངས་རྒྱས་མཐོང་བ་ཐོབ་པར་བྱ་བའི་ཕྱིར་དེ་བཞིན་གཤེགས་པ་དེ་ཡིད་ལ་བྱའོ། །དེ་ལྟར་ན་བྱང་ཆུབ་སེམས་དཔའ་དེས་དེ་བཞིན་གཤེགས་པ་བཻདཱུརྱའི་སྐུ་གཟུགས་བཟང་པོར་གནས་པར་མཐོང་བར་འགྱུར་རོ། །བཟང་སྐྱོང་འདི་ལྟ་སྟེ་
D133.056.0014a05.01དཔེར་ན་དགེ་སློང་མི་སྡུག་པ་སྒོམ་པ་ཞིག་གིས་མདུན་ན་རྣམ་པར་བམ་པའི་གཟུགས་རྣམས་མཐོང་ཞིང་རྣམ་པར་སྔོས་པ་དང་། རྣམ་པར་རྣགས་པ་དང་། རྣམ་པར་དམར་བ་དང་། རྣམ་པར་ཟོས་པ་དང་། ཤ་རྣམས་འཕགས་པའམ། ཤ་དང་ཁྲག་མེད་པའམ། དཀར་པོ་
D133.056.0014a06.01འམ། ཁ་དོག་དུང་དང་འདྲ་བའམ། ཀེང་རུས་ཤིག་མདུན་དུ་མཐོང་ན་རྣམ་པར་སྔོས་པ་ནས། ཀེང་རུས་ཀྱི་བར་དུ་དེ་དག་གང་ནས་ཀྱང་མ་འོངས། གང་དུ་ཡང་མ་སོང་ངོ་། །དེ་དག་སུས་ཀྱང་མ་བྱས། སུས་ཀྱང་མ་བགགས་ཏེ། བཟང་སྐྱོང་འོན་ཀྱང་དགེ་སློང་དེའི་སེམས་རྩེ་
D133.056.0014a07.01