完整藏文原文 · 德格版页 当前仅加载第 56 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ངེས་པའི་དོན་རིན་པོ་ཆེ་མི་ལེན་པ། དམ་པའི་ཆོས་ངེས་པའི་དོན་རིན་པོ་ཆེ་ཡོངས་སུ་སྤོང་བར་བྱེད་པ། ཤེས་རབ་འཆལ་པ། རབ་ལས་ཡོངས་སུ་ཉམས་པ། བསམ་གཏན་རྙེད་པས་ལྷག་པའི་ང་རྒྱལ་ཅན་གང་ཟག་ལ་རྟེན་པ། གང་ཟག་ཏུ་ལྟ་བ། གང་ཟག་ཏུ་གནས་པ།
D133.056.0019b01.01ཆོས་སུ་དམིགས་པ་ལ་མངོན་པར་ཞེན་པ། སྟོང་པ་ཉིད་བཤད་པས་སྐྲག་པ་དེ་དག་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་འདི་བཤད་པ་ཐོས་ན། རྣ་བླགས་ཏེ་ཉན་པར་མི་བྱེད། མངོན་པར་དད་པར་མི་བྱེད། འཛིན་པར་མི་བྱེད། ཀུན་ཆུབ་པར་མི་བྱེད། འཆང་བར་
D133.056.0019b02.01མི་བྱེད། ཀློག་པར་ཡང་མི་བྱེད་ན། གཞན་དག་ལ་རྒྱ་ཆེར་འཆད་པ་ལྟ་ཅི་སྨོས། དེ་དག་དེའི་ཕྱིར་བྱམས་པ་དང་དགའ་བ་རྒྱ་ཆེན་པོ་ཡང་མི་འཐོབ་ན། དེ་བཞིན་ཉིད་དུ་སྒྲུབ་པ་ལྟ་ཅི་སྨོས་པའི་སྟེང་དུ་ཐོས་ནས་ཀྱང་སྤོང་བར་བྱེད་དོ། །མངོན་པར་མ་དད་དོ། །མི་ལེན་ཏོ། །མོས་པར་མི་
D133.056.0019b03.01བྱེད་དོ། །དཔྱ་བའི་བསམ་པ་དང་། བསྟིང་བའི་བསམ་པ་དང་། སྨད་པའི་བསམ་པས་ཚིག་ཀྱང་འདི་སྐད་དུ་གསུང་རབ་འདི་དག་འབར་དང་། འདི་ལྟར་དགེ་སློང་ཀུན་དགའ་བོ་འདྲ་བ་འཇིག་རྟེན་དུ་འབྱུང་བ་དང་། འདི་ལྟ་བུའི་མདོ་སྡེ་འབྱུང་བ་ནི་ངོ་མཚར་ཏོ་ཞེས་ཟེར་ཞིང་། ལྐོག་ཏུ་དོང་ནས་
D133.056.0019b04.01ཀྱང་ཕན་ཚུན་དུ་མདོ་སྡེ་འདི་ལྟ་བུ་དག་ནི་རང་གིས་བྱས་པ་རང་བཟོ་བྱས་པ་སྟེ། འདི་ནི་སངས་རྒྱས་ཀྱིས་གསུངས་པ་མ་ཡིན། སངས་རྒྱས་ཀྱིས་གནང་བ་མ་ཡིན་ནོ་ཞེས་དེ་སྐད་ཀྱང་རྗོད་ཅིང་སྨོད་པར་བྱེད་དེ། སྐྱེས་བུ་བླུན་པོ་དེ་ལྟ་བུ་དག་ནི་དམ་པའི་ཆོས་རིན་པོ་ཆེ་ལས་ཡོངས་སུ་ཉམས་པ་དང་།
D133.056.0019b05.01དམ་པའི་ཆོས་རིན་པོ་ཆེ་ཡོངས་སུ་སྤངས་པར་རིག་པར་བྱའོ། །བཟང་སྐྱོང་འདི་ལྟ་སྟེ་དཔེར་ན། སྐྱེས་བུ་བྱིས་པའི་རང་བཞིན་ཅན་དེ་ཙན་དན་དམར་པོ་དེ་མཐོང་ནས་མི་བསྣོམ་པའི་ཕྱིར་སྣ་ཡང་འགོག་པ་དང་། མི་མཐོང་བར་བྱ་བའི་ཕྱིར་མིག་ཀྱང་འཛུམས་པ་དེ་བཞིན་དུ། བཟང་སྐྱོང་སྐྱེས་བུ་བླུན་
D133.056.0019b06.01པོ་དེ་དག་ཀྱང་ཏིང་ངེ་འཛིན་རིན་པོ་ཆེ་འདི་ལྟ་བུ་འདི་ཐོས་ནས། ཕྱི་ཕྱིར་ཞིང་མཉན་པར་མི་སེམས། གཟུང་བ་དང་། ཀུན་ཆུབ་པར་བྱ་བ་དང་། བཅང་བར་བྱ་བ་དང་། བཀླག་པར་བྱ་བར་མི་སེམས་པའི་སྟེང་དུ་ཐོས་ནས་ཀྱང་འདི་ལྟ་སྟེ། ཉན་མི་འདོད་པའི་ཕྱིར་གནས་དེ་ནས་འགྲོ་བར་
D133.056.0019b07.01