完整藏文原文 · 德格版页 当前仅加载第 56 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་གེར་བྲི་བར་བགྱིའོ། །བཅང་བར་བགྱིའོ། །བཀླག་པར་བགྱིའོ། །རྒྱས་པར་བགྱིའོ། །བསྒོམ་པའི་སྦྱོར་བ་ལ་བརྩོན་པར་བགྱིའོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་བདག་ཅག་ནི་དེ་བཞིན་གཤེགས་པས་གསུངས་པའི་མདོ་སྡེ་ཟབ་མོ་འདི་ལྟ་བུ་འདི་
D133.056.0035b01.01ཉན་པ་དང་། འདྲི་བ་དང་། འཛིན་པ་དང་། ཀུན་ཆུབ་པར་བགྱིད་པ་དང་། འཆང་བ་དང་། ཀློག་པ་དང་། འཆད་པ་དང་། རྒྱས་པར་བགྱིད་པ་དང་། བསྒོམ་པས་ཆོག་མ་འཚལ་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་བདག་དེད་དཔོན་ཆེ་བཟང་དང་། བྱང་
D133.056.0035b02.01ཆུབ་སེམས་དཔའ་སེམས་དཔའ་ཆེན་པོ་ཚོང་དཔོན་གྱི་བུ་ཕུག་སྦས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཁྱེའུ་འདམ་བུས་བྱིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཚམས་{བཟངས་,བཟང་}དང་། བྱང་ཆུབ་སེམས་དཔའ་སེམས་དཔའ་ཆེན་པོ་དབང་པོས་བྱིན་དང་།
D133.056.0035b03.01བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་ལྷ་རྣམས་བཅོམ་ལྡན་འདས་ལས་ལོ་ལྔ་བརྒྱ་པ་ཐ་མར་གྱུར་པ་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་དམ་པའི་ཆོས་འདི་འགྱུར་བ་དང་། རྣམ་པར་འཇིག་པ་ཐོས་ནས་ཆོས་ཀྱི་ཤུགས་ཀྱིས་ངུ་ཞིང་མཆི་མ་ཀློག་པར་བྱེད་དོ། །དེ་ནས་བྱང་
D133.056.0035b04.01ཆུབ་སེམས་དཔའ་སེམས་དཔའ་ཆེན་པོ་ཁྱིམ་བདག་དེད་དཔོན་ཆེ་བཟང་དང་། ཚོང་དཔོན་གྱི་བུ་ཕུག་སྦས་དང་། ཁྱེའུ་འདམ་བུས་བྱིན་དང་། རིགས་ཀྱི་བུ་མཚམས་{བཟངས་,བཟང་}དང་། དབང་པོས་བྱིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་ལྷ་རྣམས་མཆི་མ་ཕྱིས་ནས་སྟན་
D133.056.0035b05.01ལས་ལངས་ཏེ། གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་ཀྱང་མ་འོངས་
D133.056.0035b06.01པའི་དུས་ན། དེ་བཞིན་གཤེགས་པ་མྱ་ངན་ལས་འདས་ནས་ལོ་ལྔ་བརྒྱ་པ་ཐ་མར་གྱུར་པ་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མར་གྱུར་པ། དམ་པའི་ཆོས་སྤོང་བར་གྱུར་པ་ན་ཡང་། མདོ་སྡེ་འདི་ལྟ་བུ་འདི་དག་གཟུང་བར་བགྱིའོ། །ཀུན་ཆུབ་པར་བགྱིའོ། །ཡི་གེར་བྲི་བར་བགྱིའོ། །
D133.056.0035b07.01