完整藏文原文 · 德格版页 当前仅加载第 56 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་གྱི་འབྲས་བུ་མེད་པ། འཕགས་པ་ཐམས་ཅད་ཀྱིས་མ་དཀྲུགས་པ། བྱིས་པ་ཐམས་ཅད་ཀྱིས་སྤངས་པ། མི་ཤེས་པ་རྣམས་ཀྱིས་བོར་བ། མཁས་པ་རྣམས་ཀྱིས་ཡོངས་སུ་བཟུང་བ་སྟེ། བཟང་སྐྱོང་འདི་ནི་དེ་བཞིན་གཤེགས་པ་རྣམས་ཀྱིས་ཕྱག་རྒྱ་གང་གིས་དེ་བཞིན་གཤེགས་པས་གསུངས་
D133.056.0065b01.01པ་རྣམས་ལ་བཏབ་པའི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའོ། །བཟང་སྐྱོང་དེ་བས་ན་བྱང་ཆུབ་དོན་དུ་གཉེར་བའི་རིགས་ཀྱི་བུའམ། རིགས་ཀྱི་བུ་མོས་ཕྱི་མའི་ཚེ་ཕྱི་མའི་དུས་དེར་ཏིང་ངེ་འཛིན་འདི་ལུང་མནོད་པར་འདོད་པས། ལུང་མནོས་ཤིང་ཁ་ཏོན་དུ་བྱས་ནས་གཞན་དག་ལ་ཡང་རྒྱ་
D133.056.0065b02.01ཆེར་ཡང་དག་པར་བསྒྲག་པར་བྱའོ། །བཟང་སྐྱོང་དེ་ལ་ཆོས་བཞི་དང་ལྡན་ན་བྱང་ཆུབ་སེམས་དཔའ་ཐ་ན་ཏིང་ངེ་འཛིན་འདི་མཉན་པའི་ཕྱིར་ཡང་བརྩོན་པར་འགྱུར་ན་ལུང་མནོད་པ་དང་། ཁ་ཏོན་བྱ་བའི་ཕྱིར་ལྟ་སྨོས་ཀྱང་ཅི་དགོས། བཞི་གང་ཞེ་ན། སྔོན་ལྷག་པའི་བསམ་པ་ཡོངས་སུ་སྦྱངས་
D133.056.0065b03.01པ་དང་། སྔོན་སྨོན་ལམ་བཏབ་པ་དང་། ཐམས་ཅད་མཁྱེན་པའི་ཡེ་ཤེས་ལ་མོས་པ་དང་། ཇི་ལྟར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་ཡང་དག་པར་བསྒྲུབས་པའི་ཆོས་དཀོན་མཆོག་གི་
D133.056.0065b04.01མཛོད་འདི་འཆང་བར་འགྱུར། སྟོན་པར་འགྱུར་སྙམ་ནས་ཆོས་ཀྱི་ཚུལ་ཐམས་ཅད་ལེན་པ་སྟེ། བཟང་སྐྱོང་ཆོས་བཞི་པོ་འདི་དག་དང་ལྡན་ན་བྱང་ཆུབ་སེམས་དཔའི་ཏིང་ངེ་འཛིན་འདི་མཉན་པ་དང་། གཟུང་བ་དང་། བཅང་བའི་ཕྱིར་བརྩོན་པར་འགྱུར་རོ། །བཟང་སྐྱོང་གཞན་ཡང་ཆོས་བཞི་
D133.056.0065b05.01དང་ལྡན་ན་བྱང་ཆུབ་སེམས་དཔའ་ཏིང་ངེ་འཛིན་འདི་བཙལ་བ་ལ་ཐ་ན་ཡི་གེར་བྲི་བ་ཙམ་གྱི་ཕྱིར་ཡང་བརྩོན་པར་འགྱུར་རོ། །བཞི་གང་ཞེ་ན་འདི་ལྟ་སྟེ། སངས་རྒྱས་ཡིད་ལ་བྱེད་པ་དང་། ཕྱི་ཕྱིར་ཞིང་ཆོས་རྗེས་སུ་དྲན་པ་ལ་མཁས་པ་དང་། ཆོས་ཐམས་ཅད་དམིགས་པ་ཡོངས་སུ་གཅོད་པ་ཡིད་ལ་
D133.056.0065b06.01བྱེད་པ་དང་། མཚན་མ་ཐམས་ཅད་རྣམ་པར་འཇིག་པ་ལ་མཁས་པ་སྟེ། བཟང་སྐྱོང་ཆོས་དེ་བཞི་དང་ལྡན་ན་བྱང་ཆུབ་སེམས་དཔའ་ཏིང་ངེ་འཛིན་འདི་བཙལ་བ་ལ་ཐ་ན་བྲི་བ་ཙམ་གྱི་ཕྱིར་ཡང་བརྩོན་པར་འགྱུར་རོ། །བཟང་སྐྱོང་དེ་ལ་ཆོས་བཞི་དང་ལྡན་ན། བྱང་ཆུབ་སེམས་དཔའ་ཏིང་ངེ་འཛིན་འདི་བཙལ་
D133.056.0065b07.01