完整藏文原文 · 德格版页 当前仅加载第 56 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་མི་འགྲོགས་ལ། །འཆག་དང་ལྡན་ཞིང་མང་དང་གྲོགས་སྤོངས་ཏེ། །ཏིང་འཛིན་རྡུལ་མེད་དེ་ནི་བསྒོམ་པར་བྱོས། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་དགུ་པའོ།། །།བམ་པོ་བཞི་པ། དེ་སྐད་ཅེས་བཀའ་སྩལ་པ་དང་། བྱང་ཆུབ་
D133.056.0032a01.01སེམས་དཔའ་སེམས་དཔའ་ཆེན་པོ་བཟང་སྐྱོང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཐེག་པ་ཆེན་པོ་ལ་ཡང་དག་པར་ཞུགས་པའི་དགེ་སློང་མ་གང་ལ་ལ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་འདི་ཐོས་ནས་ལུང་མནོད་པའམ།
D133.056.0032a02.01བསྒོམ་པར་འཚལ་ན། བཙུན་པ་བཅོམ་ལྡན་འདས་དེས་ཆོས་གང་ལ་གནས་ཏེ། ཏིང་ངེ་འཛིན་འདི་ལུང་མནོད་པར་བགྱི། བསྒོམ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །
D133.056.0032a03.01བཟང་སྐྱོང་ཐེག་པ་ཆེན་པོ་ལ་ཡང་དག་པར་ཞུགས་པའི་དགེ་སློང་མ་གང་ལ་ལས་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འདོད་པ་དེས་རྟག་ཏུ་གུས་པ་དང་བཅས་པར་བྱའོ། །རྟག་ཏུ་ཕྲག་དོག་མེད་པ་དང་མི་ཁྲོ་བར་བྱའོ། །ང་རྒྱལ་བཅོམ་པ་དང་། ཁེངས་པ་མེད་པ་དང་།
D133.056.0032a04.01བརྩོན་འགྲུས་བརྩམ་པར་བྱའོ། །ལེ་ལོ་མེད་པ་དང་རྨུགས་པ་དང་གཉིད་སྤང་བར་བྱའོ། །མི་ཉལ་བར་སྦྱོར་བ་ལ་བརྩོན་པ་དང་། རྙེད་པ་དང་། བཀུར་སྟི་དང་། ཚིགས་སུ་བཅད་པ་དང་། ཆོས་གོས་དང་། ཟས་དང་། མལ་སྟན་དང་། ན་བའི་གསོས་སྨན་དང་། ཡོ་བྱད་བཙལ་བ་
D133.056.0032a05.01ཐམས་ཅད་སྤང་བར་བྱའོ། །འཚོ་བ་ཡོངས་སུ་དག་པ་དང་། ལུས་དང་སྲོག་ལའང་མི་རྟེན་པར་བྱའོ། །རྟག་ཏུ་ཆོས་འདོད་པ་དང་། མང་དུ་ཐོས་པ་ཚོལ་བ་ལ་བརྩོན་པར་བྱའོ། །མ་ཆགས་པ་དང་ཞེ་མི་སྡང་བ་དང་། རྨུགས་པ་མེད་པའི་སེམས་སུ་བྱའོ། །བདུད་ཀྱི་ཕྱོགས་སྤང་བར་བྱའོ། །
D133.056.0032a06.01མཉེ་བ་དང་། བརྒྱན་པ་དང་། ལུས་ལ་ཀླུབས་པ་རྣམས་སྤང་བར་བྱའོ། །ལྷུང་བཟེད་དང་ཆོས་གོས་ལ་མ་ཆགས་པར་བྱའོ། །གྲགས་པ་ལ་མི་ཆགས་པ་དང་། ཕྲ་མ་མེད་པ་དང་། ངོ་མི་རྟག་པ་རྣམས་སྤང་བར་བྱའོ། །བཟང་སྐྱོང་དེ་བས་ན་ཐེག་པ་ཆེན་པོ་ལ་ཡང་དག་པར་ཞུགས་
D133.056.0032a07.01