完整藏文原文 · 德格版页 当前仅加载第 56 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་བརྟག་པར་བྱའོ། །ཆོས་དེ་དག་ལ་དེ་ལྟར་བརྟགས་ནས་ཆོས་རྣམས་ཞི་བ་ཞེས་བརྟག་པར་མི་བྱའོ། །ཆོས་རྣམས་མ་ཞི་བ་ཞེས་ཀྱང་བརྟག་པར་མི་བྱའོ། །བཟང་སྐྱོང་དེ་ཅིའི་ཕྱིར་ཞེ་ན། འདི་ལྟར་གང་ལ་ལ་ཞིག་ཅི་ཡང་མེད་ཅིང་མ་སྐྱེས་ཏེ། ཡོངས་སུ་མ་གྲུབ་པའི་ཆོས་ཐམས་
D133.056.0026b01.01ཅད་ལ་ཆོས་ཐམས་ཅད་ཞི་བའོ་ཞེས་རྟོག་ན་འདི་ནི་མཐའ་གཅིག་གོ། །ཆོས་ཐམས་ཅད་མ་ཞི་བའོ་ཞེས་རྟོག་ན་འདི་ནི་མཐའ་གཉིས་པའོ། །བཟང་སྐྱོང་གང་ཞི་བ་དང་མ་ཞི་བའི་མཐའ་འདི་གཉིས་མི་དམིགས་པ་དང་། མི་རྟོག་པ་དང་། རྣམ་པར་མི་སྒྲུབ་པ་དང་། ཡིད་ལ་མི་བྱེད་པ་དང་། ཀུན་ཏུ་
D133.056.0026b02.01མི་སྤྱོད་པ་འདི་ནི་བགྲང་བའི་ཚུལ་དུ་འཇིག་རྟེན་གྱི་ཀུན་རྫོབ་ཀྱི་བསྟན་པས་དབུ་མའི་ལམ་ཞེས་བྱ་སྟེ། དོན་དམ་པར་ནི་འདི་ལ་མཐའ་དང་དབུང་དམིགས་སུ་མེད་དོ། །བཟང་སྐྱོང་དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་ནི་ནམ་མཁའ་དང་འདྲ་བ་མྱ་ངན་ལས་འདས་པ་དང་མཉམ་པ་སྟེ། དེ་
D133.056.0026b03.01དག་ནི་ཆད་པ་མེད་པ། མ་ཞིག་པ། མི་རྟག་པ། ཐེར་ཟུག་ཏུ་གནས་པ་མ་ཡིན་པ། ཡུལ་ན་མི་གནས་པ། ཕྱོགས་ན་མི་གནས་པ། མཚན་མ་མེད་པ། གྲངས་མེད་པ་སྟེ། མཁས་པ་རྣམས་ཀྱིས་ཀྱང་དེ་ལ་གྲངས་ཀྱིས་ཉེ་བར་མི་འགྲོ་ཞིང་མི་དམིགས་པས་ན་ཆོས་ཐམས་ཅད་ནི་གྲངས་མེད་
D133.056.0026b04.01པ་ཞེས་བྱའོ། །བཟང་སྐྱོང་དེ་ལྟར་བྱང་ཆུབ་སེམས་དཔས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཐོང་ནས་མངོན་པར་ཞེན་པར་མི་བྱའོ། །དེ་ཅིའི་ཕྱིར་ཞེ་ན། བཟང་སྐྱོང་ཆོས་ཐམས་ཅད་ནི་མངོན་པར་ཞེན་པར་བྱ་བ་མ་ཡིན་ཞིང་། དེ་དག་ལ་ནི་
D133.056.0026b05.01མངོན་པར་ཞེན་པ་མེད་པ་སྟེ། རྩ་བ་ཆད་པ། རྩ་བ་དང་བྲལ་བ། རྟེན་པ་མེད་པ་ཞེས་བྱའོ། །བཟང་སྐྱོང་བྱང་ཆུབ་སེམས་དཔའ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་འདི་ཅི་ནས་ཀྱང་སངས་རྒྱས་བཅོམ་ལྡན་འདས་དེ་དག་མཐོང་ན་མཆོག་ཏུ་
D133.056.0026b06.01འཛིན་པ་མེད་ཅིང་མི་དམིགས་པ་དང་། ལོག་པར་འཛིན་པ་མེད་པ་དེ་ལྟར་བསྒོམ་པར་བྱའོ། །དེ་ཅིའི་ཕྱིར་ཞེ་ན། བཟང་སྐྱོང་ཆོས་ཐམས་ཅད་ནི་གཟུང་བ་མེད་པ་སྟེ། ཤིན་ཏུ་ཞི་བ་ནམ་མཁའ་དང་འདྲ་བ་མྱ་ངན་ལས་འདས་པ་དང་མཉམ་པའོ་ཞེས་དེ་བཞིན་གཤེགས་པས་བཀའ་སྩལ་བའི་
D133.056.0026b07.01