完整藏文原文 · 德格版页 当前仅加载第 56 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པའི་བྱང་ཆུབ་སེམས་དཔའ་དེ་ནི་ཏིང་ངེ་འཛིན་འདི་འཐོབ་བོ། །དེ་ཅིའི་ཕྱིར་ཞེ་ན། བཟང་སྐྱོང་དེ་ནི་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ལུས་དང་ལྡན་པའི་རྣམ་པར་རྟོག་པ་ནི་རྣམ་པར་མི་རྟོག །ཚོར་བ་དང་། སེམས་
D133.056.0051a01.01དང་། ཆོས་ལ་ཆོས་ཀྱི་རྗེས་སུ་ལྟ་ཞིང་གནས་ཏེ། ཆོས་དང་ལྡན་པའི་རྣམ་པར་རྟོག་པ་ནི་རྣམ་པར་མི་རྟོག་ན། ཆོས་ཐམས་ཅད་མི་དམིགས་པར་འགྱུར་རོ། །ཆོས་ཐམས་ཅད་མི་དམིགས་པས་དེ་མི་རྟོག་རྣམ་པར་མི་རྟོག་གོ །བཟང་སྐྱོང་གང་མི་རྟོག་རྣམ་པར་མི་རྟོག་པ་དེ་ནི། ཆོས་གང་
D133.056.0051a02.01ཡང་མི་མཐོང་ངོ་། །བཟང་སྐྱོང་གང་ལ་ཆོས་གང་ཡང་མི་མཐོང་བ་དེ་ནི་སྒྲིབ་པ་མེད་པའི་ཡེ་ཤེས་ཤེས་བྱའོ། །བཟང་སྐྱོང་གང་སྒྲིབ་པ་མེད་པའི་ཡེ་ཤེས་དེ་ནི་བཟང་སྐྱོང་ཏིང་ངེ་འཛིན་ཅེས་བྱའོ། །བཟང་སྐྱོང་བྱང་ཆུབ་སེམས་དཔའ་གང་ཏིང་ངེ་འཛིན་འདི་དང་ལྡན་པ་དེ་ནི། སངས་རྒྱས་ཚད་
D133.056.0051a03.01མེད་གྲངས་མེད་པ་རྣམས་མཐོང་ངོ་། །དམ་པའི་ཆོས་ཀྱང་ཐོས་སོ། །ཐོས་ནས་ཀྱང་ཀུན་ཆུབ་པར་བྱེད་དོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་གང་སྒྲིབ་པ་མེད་པའི་རྣམ་པར་གྲོལ་བའི་ཡེ་ཤེས་མཐོང་བ་དང་། ཐོགས་པ་མེད་པའི་ཡེ་ཤེས་
D133.056.0051a04.01ཀྱང་འཐོབ་བོ། །བཟང་སྐྱོང་གཞན་ཡང་བྱང་ཆུབ་སེམས་དཔའ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། གནས་ནས་ཀྱང་ཆོས་གང་ཡང་མི་མཐོང་ངོ་། །མ་མཐོང་ནས་ཀྱང་མི་རྟོག་རྣམ་པར་མི་རྟོག་ཅིང་། དམུས་ལོང་ཡང་མ་ཡིན། འོན་པ་ཡང་མ་ཡིན་ནོ། །དེ་བཞིན་དུ་ཚོར་བ་དང་།
D133.056.0051a05.01སེམས་དང་། ཆོས་ལ་ཆོས་ཀྱི་རྗེས་སུ་ལྟ་ཞིང་གནས་ཏེ་གནས་ནས་ཀྱང་། ཆོས་གང་ཡང་མི་མཐོང་ངོ་། །མ་མཐོང་ནས་ཀྱང་མི་རྟེན་པར་འགྱུར། མི་རྟེན་ནས་ཀྱང་ལམ་སྒོམ་པར་བྱེད། ལམ་རྣམ་པར་བསྒོམས་པའི་ཕྱིར། དེ་ཆོས་རྣམས་ལ་ཐེ་ཙོམ་དུ་མི་འགྱུར། ཐེ་ཙོམ་མེད་པས་སངས་
D133.056.0051a06.01རྒྱས་མཐོང་བར་འགྱུར་རོ། །སངས་རྒྱས་མཐོང་ནས་ཀྱང་ཆོས་ཐམས་ཅད་འབྱུང་བ་མེད་པའི་ཕྱིར་རྣམ་པར་གྲོལ་བ་འབྱུང་ངོ་། །དེ་ཅིའི་ཕྱིར་ཞེ་ན། བཟང་སྐྱོང་གལ་ཏེ་བྱང་ཆུབ་སེམས་དཔའ་ཆོས་ཀྱི་འདུ་ཤེས་འཇུག་ན། དེ་ཉིད་དེའི་དམིགས་པར་ལྟ་བར་འགྱུར་རོ། །དེ་ཉིད་ཡོད་པར་ལྟ་བ་
D133.056.0051a07.01