完整藏文原文 · 德格版页 当前仅加载第 56 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱིས་མ་གསུངས་པ། རང་གིས་བྱས་ཤིང་རང་བཟོ་བྱས་པ། ཚིག་དང་ཡི་གེ་སྣ་ཚོགས་པ། གཏམ་ཙམ་དུ་བཤད་པ་ལ་མདོ་སྡེའི་མིང་གིས་འཆད་པ་ངོ་མཚར་ཏོ་ཞེས་ཟེར་ཞིང་། མདོ་སྡེ་འདི་དག་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་དེ་དག་སྐྱེ་བོ་རྣམས་ལ་ཡང་དེ་ལྟར་
D133.056.0020b01.01ཤེས་པར་བྱེད་དོ། །དེ་ལྟར་སྐྱེས་བུ་བླུན་པོ་བསོད་ནམས་ཆུང་བ་དགེ་བའི་རྩ་བ་རྣམས་མ་བསྐྱེད་པ། སྔོན་གྱི་རྒྱལ་བ་ལ་བྱ་བ་མ་བྱས་པ། བླ་ན་མེད་པའི་ཆོས་རིན་པོ་ཆེ་ཡོངས་སུ་སྤངས་པ་ཆོས་རིན་པོ་ཆེ་ལས་ཕྱི་རོལ་ཏུ་གྱུར་པ་དེ་དག་བསོད་ནམས་ཆུང་བ་ཉིད་ལ་སྟེན་པར་འགྱུར། སྒོམ་པར་
D133.056.0020b02.01འགྱུར། མང་དུ་བྱེད་པར་འགྱུར་རོ། །བཟང་སྐྱོང་དེ་ན་ཡང་སེམས་ཅན་གཞན་ཁ་ཅིག་སྔོན་གྱི་རྒྱལ་བ་ལ་བྱ་བ་བྱས་པ། དགེ་བའི་རྩ་བ་བསྐྱེད་པ་དེ་དག་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་འདི་ཐོས་ནས། འདི་ལྟ་སྟེ་རྒྱས་པར་བྱ་བའི་ཕྱིར་འཛིན་པར་འགྱུར།
D133.056.0020b03.01ཀུན་ཆུབ་པར་བྱེད་པར་འགྱུར། ཡི་གེར་འདྲི་བར་འགྱུར། ཡི་གེར་འདྲིར་འཇུག་པར་འགྱུར། འཆད་པར་འགྱུར། ཀློག་པར་འགྱུར། གཞན་དག་ལ་ཡང་རྒྱ་ཆེར་ཡང་དག་པར་འཆད་པར་འགྱུར། ལྷག་པར་དད་པར་འགྱུར། རྟོག་པ་མང་བར་འགྱུར། མོས་པ་མང་བར་འགྱུར། སྤྱོད་
D133.056.0020b04.01ལམ་དང་བར་འགྱུར། ངོ་ཚ་ཤེས་པ་དང་འགྱོད་པ་དང་ལྡན་པར་འགྱུར། བསླབ་པ་འདོད་པར་འགྱུར། ཟབ་མོ་ལ་མོས་པར་འགྱུར། ཤེས་རབ་དང་ལྡན་པར་འགྱུར། མང་དུ་ཐོས་པར་འགྱུར། བྱམས་པ་ལ་གནས་པ་དང་སྙིང་རྗེ་ཐོབ་པར་འགྱུར། དེ་དག་ཏིང་ངེ་འཛིན་འདི་མཉན་པའི་ཕྱིར་
D133.056.0020b05.01གང་ལ་ལར་སོང་བ་དེར་སྟོན་པར་འགྱུར། ཡང་དག་པར་སྟོན་པར་འགྱུར་རོ། །དེ་འདི་སྙམ་དུ་བྱང་ཆུབ་སེམས་དཔའི་ཏིང་ངེ་འཛིན་སངས་རྒྱས་ཀྱིས་གསུངས་པ། འདི་འདྲ་བ་འདི་ཅི་ནས་ཀྱང་ཡུན་རིང་དུ་གནས་པར་གྱུར་ཅིག །རྒྱས་པར་གྱུར་ཅིག །སྙམ་དུ་སེམས་སྐྱེད་པར་འགྱུར་རོ། །བཟང་
D133.056.0020b06.01སྐྱོང་ལྷ་དང་མི་དང་ལྷ་མ་ཡིན་དུ་བཅས་པའི་འཁོར་འདི་རྣམས་ཀྱི་མདུན་དུ་ཁྱོད་མོས་པར་བྱའོ། །ཁྱོད་ཀྱིས་ཁོང་དུ་ཆུད་པར་བྱའོ། །རིགས་ཀྱི་བུ་འམ་རིགས་ཀྱི་བུ་མོ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ། དེ་བཞིན་གཤེགས་
D133.056.0020b07.01