完整藏文原文 · 德格版页 当前仅加载第 56 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་ས་དང་བཅས་པ་དང་། བྱས་པ་ཤེས་ཤིང་བྱས་པ་གཟོ་བ་དང་། འཇུངས་པ་མེད་ཅིང་འགྱོད་པ་དང་བྲལ་བ་དང་། དད་པ་དང་ལྡན་ཞིང་བརྟག་པ་མང་བ་དང་། བརྩོན་འགྲུས་བརྩམས་ཤིང་འཆག་པ་ལ་ཞུགས་པ་དང་། མགྲོན་དུ་གཉེར་བ་ལ་མི་ལྟོས་པར་བསོད་སྙོམས་
D133.056.0054a01.01བྱེད་པ་དང་། ཟབ་མོ་ལ་མོས་པས་ཏིང་ངེ་འཛིན་འདི་ལུང་མནོད་པར་བྱའོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལས་ཏིང་ངེ་འཛིན་འདི་ལུང་མནོད་པར་འདོད་པ་དེ་ལ་སྟོན་པའི་འདུ་ཤེས་ཉེ་བར་གཞག་སྟེ། ཏིང་ངེ་འཛིན་འདི་ལུང་མནོད་པར་བྱ། གདོན་པར་བྱ། བཅང་བར་བྱ་སྟེ།
D133.056.0054a02.01བཟང་སྐྱོང་ཆོས་བཅུ་པོ་དེ་དག་དང་ལྡན་ན་རིགས་ཀྱི་བུའམ་རིགས་ཀྱི་བུ་མོ་དེས་ཏིང་ངེ་འཛིན་འདི་མནོད་པར་བྱའོ། །དེ་ལྟར་ཞུགས་པ་དེ་ནི་ཆོས་བརྒྱད་འཛིན་ཏོ། །བརྒྱད་གང་ཞེ་ན་འདི་ལྟ་སྟེ། ཤིན་ཏུ་བྱང་ཕྱིར་ཚུལ་ཁྲིམས་རྣམ་པར་དག་པ་དང་། ཤེས་རབ་དང་ལྡན་པས་ལྟ་བ་རྣམ་པར་
D133.056.0054a03.01དག་པ་དང་། ཡང་འབྱུང་བ་མེད་པས། ཤེས་རབ་རྣམ་པར་དག་པ་དང་། འཁོར་ཐམས་ཅད་ལ་དོན་དུ་མི་གཉེར་བས་གཏོང་བ་ཡོངས་སུ་དག་པ་དང་། ཤིན་ཏུ་བརྗེད་པ་མེད་པས་ཐོས་པ་རྣམ་པར་དག་པ་དང་། བྱང་ཆུབ་འཐོབ་པས་བརྩོན་འགྲུས་རྣམ་པར་དག་པ་དང་། རྟེན་མེད་པས་
D133.056.0054a04.01བཀུར་སྟི་ཐོབ་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཅན་ཐམས་ཅད་ཀྱིས་མི་བསྐྱོད་པ་སྟེ། བཟང་སྐྱོང་བྱང་ཆུབ་སེམས་དཔའ་ནི་ཆོས་བརྒྱད་པོ་འདི་དག་རབ་ཏུ་འཛིན་ཏོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །
D133.056.0054a05.01མཁས་པས་མཚན་མའི་འདུ་ཤེས་མི་བསྐྱེད་ཅིང་། །ང་རྒྱལ་ངའོ་སྙམ་པའི་ང་རྒྱལ་སྤང་། །བཟོད་པ་རྡུལ་བྲལ་འདུས་མ་བྱས་བསྐྱེད་ནས། །དེས་ནི་ཏིང་འཛིན་འདི་ཡང་ལུང་མནོད་བྱ། །མཁས་པས་སྟོང་པ་ཉིད་དང་མཚན་མེད་དང་། །ཞི་བ་མྱ་ངན་འདས་ལ་བརྩད་མི་བྱ། །མི་བསྐྱོད་ཆོས་
D133.056.0054a06.01ཅན་སྟོན་པ་དང་ཡང་འཐུན། །དེ་འདྲ་དེས་ནི་ཏིང་འཛིན་འདི་ལུང་མནོས། །མཁས་པ་ང་རྒྱལ་ཕྲག་དོག་མི་བྱེད་ཅིང་། །བྱས་གཟོ་སངས་རྒྱས་ཆོས་དང་དགེ་འདུན་ལ། །དང་བ་སྐྱེས་པར་གྱུར་ཅིང་མི་བསྐྱོད་པ། །དེས་ནི་ཏིང་འཛིན་འདི་ཡང་མྱུར་ལུང་ནོས། །འཇུངས་པ་མེད་ཅིང་མུན་བྲལ་
D133.056.0054a07.01