完整藏文原文 · 德格版页 当前仅加载第 56 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཉིད་སྟོན་པར་འགྱུར། །རྒྱས་གདབ་དེ་ནི་རྒྱ་མེད་དེ། །དགོངས་པའི་ཚིག་ཏུ་གསུངས་པ་ཡིན། །གང་གིས་དེ་ལྟར་ཤེས་གྱུར་པ། །དེ་དག་ཆོས་ཉིད་འདི་འཛིན་འགྱུར། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་ཉི་ཤུ་རྩ་ལྔ་པའོ།། །།བཟང་སྐྱོང་དེ་ལྟ་བས་
D133.056.0069b01.01ན་རིགས་ཀྱི་བུའམ། རིགས་ཀྱི་བུ་མོ་དག་གིས་བག་ཡོད་པ་ལྷུར་བླངས་ཏེ། ཆོས་འདི་དག་ཡང་དག་པར་བསྡུ་བར་བྱའོ། །འདིའི་ཕན་ཡོན་ལ་ཡང་སྦྱར་བར་བྱའོ། །ཚུལ་བཞིན་དང་ཡང་ལྡན་པར་བྱའོ། །ཚུལ་བཞིན་མ་ཡིན་པ་ཡང་ཡོངས་སུ་སྤང་བར་བྱ་སྟེ། དེ་ལྟར་ན་ཆོས་ཟབ་
D133.056.0069b02.01མོ་བལྟ་བར་དཀའ་བ། རྟོགས་པར་དཀའ་བ། གང་སངས་རྒྱས་ཀྱི་ཆོས་ཐམས་ཅད་སྐྱེད་པར་བྱེད་པ། རང་བྱུང་རྣམས་ཀྱི་ཡེ་ཤེས་དང་། ཐོགས་པ་མེད་པའི་ཡེ་ཤེས་ཐོབ་པར་བྱེད་པ་འདི་རྙེད་མི་དཀའ་བར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་དང་།
D133.056.0069b03.01ཚེ་དང་ལྡན་པ་འོད་སྲུང་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། ལིད་ཙ་བཱི་གཞོན་ནུ་རིན་ཆེན་འབྱུང་གནས་དང་། ཁྱིམ་བདག་དེད་དཔོན་ཆེ་བཟང་དང་། ཚོང་དཔོན་གྱི་བུ་ཕུག་སྦས་དང་། བྲམ་ཟེ་འདམ་བུས་བྱིན་དང་། བྱང་ཆུབ་སེམས་དཔའ་དབང་
D133.056.0069b04.01པོས་བྱིན་དང་། ཁྱིམ་བདག་ཆུ་ལྷ་དང་། བྱང་ཆུབ་སེམས་དཔའ་ལྔ་བརྒྱ་ཙམ་པོ་དེ་དག་དང་། འཁོར་བཞི་པོ་ལས་ཇི་སྙེད་ཅིག་འདུས་པ་དེ་དག་ཐམས་ཅད་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་རྣམས་ལ་བཀའ་སྩལ་པ། རིགས་ཀྱི་བུ་རྣམས་ངས་བསྐལ་
D133.056.0069b05.01པ་བྱེ་བ་ཁྲག་ཁྲིག་ཕྲག་བརྒྱ་སྟོང་དུ་ཡང་དག་པར་བསྒྲུབས་པ་བླ་ན་མེད་པའི་ཆོས་རིན་པོ་ཆེ་འདིའི་མཛོད་དང་། འཇིག་རྟེན་ཐམས་ཅད་ཡིད་ཆེས་པར་མི་འགྱུར་བ་ཟབ་མོ། །དོན་ཟབ་པ། རྣམ་པར་ཐར་པ་སྒོ་གསུམ་གྱི་ཚུལ་བཤད་པ། ཟབ་མོ་བྱང་བ། མཐོང་བར་དཀའ་བ། རྟོགས་པར་དཀའ་
D133.056.0069b06.01བ། མཁས་ཤིང་ཤེས་པས་རིག་པ། རྒྱ་ཆེ་བ། གྱ་ནོམ་པ། དོན་ཕུན་སུམ་ཚོགས་པའི་མདོ་སྡེ་འདི་ལྟ་བུ་འདི་ཡང་ཁྱེད་ལ་གཏད་དོ། །རྗེས་སུ་གཏད་དོ། །གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྟེན་དུ་གྱུར་པ་དེ་དག་ཀྱང་། ཁྱེད་ལ་ཉིས་གྱུར་ཏུ་རྗེས་སུ་
D133.056.0069b07.01