完整藏文原文 · 德格版页 当前仅加载第 56 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཏིང་ངེ་འཛིན་འདི་ལ་ཇི་ལྟར་རྗེས་སུ་ཡི་རང་བ་དེ་བཞིན་དུ་བདག་ཀྱང་། ད་ལྟར་གྱི་ཏིང་ངེ་འཛིན་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་མང་དུ་ཐོས་པ་ཡོངས་སུ་རྫོགས་པར་བྱ་བའི་ཕྱིར་རྗེས་སུ་ཡི་རང་ངོ་། །ཞེས་བརྗོད་པར་བྱ་སྟེ། བཟང་
D133.056.0060a01.01སྐྱོང་འདི་ནི་བྱང་ཆུབ་སེམས་དཔའི་རྗེས་སུ་ཡི་རང་བ་གསུམ་པའོ། །བཟང་སྐྱོང་གཞན་ཡང་བྱང་ཆུབ་སེམས་དཔས་འདི་སྐད་དུ་བདག་གིས་རྗེས་སུ་ཡི་རང་བ་དང་ལྡན་པའི་བསོད་ནམས་འདི་ཐམས་ཅད་སེམས་ཅན་ཐམས་ཅད་དང་ལྷན་ཅིག་ཏུ་ཐུན་མོང་དུ་བྱས་ཏེ། བླ་ན་མེད་པ་ཡང་དག་པར་རྫོགས་
D133.056.0060a02.01པའི་བྱང་ཆུབ་ཏུ་གྱུར་ཅིག །ཏིང་ངེ་འཛིན་འདི་ཡང་ཐོབ་པར་གྱུར་ཅིག །མང་དུ་ཐོས་པ་ཡོངས་སུ་རྫོགས་པར་གྱུར་ཅིག་ཅེས་བརྗོད་པར་བྱ་སྟེ། བཟང་སྐྱོང་འདི་ནི་བྱང་ཆུབ་སེམས་དཔའི་རྗེས་སུ་ཡི་རང་བ་དང་ལྡན་པའི་བསོད་ནམས་བཞི་པའོ། །བཟང་སྐྱོང་རྗེས་སུ་ཡི་རང་བ་དང་ལྡན་པའི་བསོད་
D133.056.0060a03.01ནམས་འདི་དང་། ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་དག་ནི་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །བཟང་སྐྱོང་བྱང་ཆུབ་སེམས་དཔས་ཏིང་ངེ་འཛིན་འདི་ལ་རྗེས་སུ་ཡི་
D133.056.0060a04.01རང་བ་དེ་དག་གིས་རྗེས་སུ་ཡི་རང་ཞིང་བསྔོས་ན། བསོད་ནམས་ཀྱི་ཕུང་པོ་ཇི་སྙེད་ཅིག་འཛིན་པར་འགྱུར་བའི་དཔེ་ཙམ་ཞིག་བསྟན་ཏོ། །བཟང་སྐྱོང་འདི་ལྟ་སྟེ་དཔེར་ན། སྐྱེས་བུ་ལ་ལ་ཞིག་ཚེ་ལོ་བརྒྱ་ཕྲག་དུ་མ་ཐུབ་པ། ལོ་བརྒྱ་ཕྲག་དུ་མར་འཚོ་བ། མགྱོགས་པའི་མཐུ་རླུང་དང་འདྲ་བ་ཞིག་
D133.056.0060a05.01ཡོད་ལ་དེ་མི་འདུག་པར་ལོ་བརྒྱ་ཚང་བར་ཤར་ཕྱོགས་སུ་ཡང་སོང་། དེ་བཞིན་དུ་ལྷོ་དང་། ནུབ་དང་། བྱང་དང་། འོག་དང་། སྟེང་གི་ཕྱོགས་སུ་ཡང་སོང་ན། བཟང་སྐྱོང་དེ་ཅི་སྙམ་དུ་སེམས། ཚེ་ལོ་བརྒྱ་ཐུབ་ཅིང་ལོ་བརྒྱར་འཚོ་བ། མགྱོགས་པའི་མཐུ་རླུང་དང་འདྲ་བའི་སྐྱེས་བུ་དེས་
D133.056.0060a06.01མི་འདུག་པར་ཕྱོགས་དྲུག་ཏུ་ཕྱོགས་གཅིག་ཅིང་ཡང་ལོ་བརྒྱ་བརྒྱར་སོང་བའི་སྐྱེས་བུ་དེས་དཔག་ཚད་དུ་ཞིག་ཏུ་སོང་བར་གྱུར་པ་བགྲང་བའམ། གཞལ་བའམ། བསམ་པའམ། དཔག་པར་སྐྱེས་བུ་ལ་ལ་སྤྲོའམ། བྱང་ཆུབ་སེམས་དཔའ་བཟང་སྐྱོང་གིས་གསོལ་པ། བཙུན་པ་
D133.056.0060a07.01