完整藏文原文 · 德格版页 当前仅加载第 56 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
རྡུལ་མེད་དག་པའི་ཏིང་འཛིན་བསྒོམ་པར་བྱ། །གང་ཞིག་སེམས་ཅན་དག་ལ་ཕན་ཕྱིར་ཞུགས། །ཐོས་མང་རྒྱ་ཆེ་བསམ་གྱིས་མི་ཁྱབ་ཚོལ། །དེས་ནི་རིངས་ཤིང་རིངས་པར་མྱུར་ཚོལ་དུ། །རྡུལ་མེད་དག་པའི་ཏིང་འཛིན་བསྒོམ་པར་བྱ། །འདི་ལ་འདོད་ཆགས་མེད་ཅིང་ཞེ་སྡང་མེད། །འདི་ལ་གཏི་
D133.056.0028b01.01མུག་མེད་ཅིང་ཕྲག་དོག་མེད། །འདི་ལ་ཤེས་དང་མི་ཤེས་པ་ཡང་མེད། །དེ་བས་ཏིང་འཛིན་ཞི་བ་འདི་ཤེས་བྱོས། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བརྒྱད་པའོ།། །།དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་
D133.056.0028b02.01གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ལྟར་ཏིང་ངེ་འཛིན་ཟབ་མོ་འདི་བཅོམ་ལྡན་འདས་ཀྱིས་བཤད་པ་ངོ་མཚར་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་གྱི་གནས་ནས་མངོན་པར་བྱུང་བ་རྣམས་ཏིང་ངེ་
D133.056.0028b03.01འཛིན་འདི་ཐོས་ནས་ལུང་ནོད་པ་འམ་བསྒོམ་པར་འཚལ་ན། བཅོམ་ལྡན་འདས་བྱང་ཆུབ་སེམས་དཔའ་དེས་ཆོས་གང་དག་ལ་གནས་ཏེ། ཏིང་ངེ་འཛིན་འདི་ལུང་མནོད་པར་བགྱི། བསྒོམ་པར་བགྱི། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་
D133.056.0028b04.01བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་བྱང་ཆུབ་སེམས་དཔའ་ཁྱིམ་གྱི་གནས་ནས་མངོན་པར་བྱུང་བ་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འདོད་པ་དེས་ཚུལ་ཁྲིམས་ཡོངས་སུ་དག་པར་བྱའོ། །ཚུལ་ཁྲིམས་ལ་སྐྱོན་མེད་པར་བྱའོ། །བྱང་ཆུབ་སེམས་
D133.056.0028b05.01དཔའ་བཟང་སྐྱོང་གིས་གསོལ་པ། བཙུན་པ་བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ཁྱིམ་གྱི་གནས་ནས་མངོན་པར་བྱུང་བ་ཚུལ་ཁྲིམས་ཡོངས་སུ་དག་པ་དང་། ཚུལ་ཁྲིམས་ལ་སྐྱོན་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་བྱང་ཆུབ་སེམས་
D133.056.0028b06.01དཔའ་ཁྱིམ་གྱི་གནས་ནས་མངོན་པར་བྱུང་བ་གང་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འདོད་པའི་བྱང་ཆུབ་སེམས་དཔའ་དེས་སོ་སོར་ཐར་པའི་སྡོམ་པས་བསྡམ་པར་བྱའོ། །ཆོ་ག་དང་སྤྱོད་ཡུལ་ཕུན་སུམ་ཚོགས་པ་དང་། ཁ་ན་མ་ཐོ་བ་ཆུང་རབ་ལ་ཡང་འཇིགས་པར་
D133.056.0028b07.01