完整藏文原文 · 德格版页 当前仅加载第 56 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཤ་དང་། ཁྲག་དང་། རུས་པ་དང་། ཆུ་བ་དང་། རྐང་རྣམས་སྐམས་ཤིང་ཡོངས་སུ་སྐམས་ཀྱང་བླའི། འདི་ལྟར་བདག་ཅག་ལེ་ལོ་ཅན་དུ་གྱུར་ཏེ་འཆི་བའི་དུས་བྱེད་པར་ནི་མི་བྱའོ། །བདག་ཅག་གིས་ཆོས་རྒྱ་ཆེ་ཞིང་བཟང་བ་འདི་ལྟ་བུ་འདི་དག་ཀུན་ཆུབ་པ་དང་། བཤད་པ་དང་།
D133.056.0031b01.01བསྒོམ་པ་མ་བྱས་པར་བརྩོན་འགྲུས་གཏང་བར་ནི་མི་བྱའོ་སྙམ་སྟེ། དེ་ལྟར་བརྩོན་འགྲུས་རྩོམ་པར་འགྱུར་རོ། །སྐྱེས་བུ་དམ་པ་བརྩོན་འགྲུས་རྟག་ཏུ་བརྩམས་པ་དེ་ལྟ་བུ་དེ་དག་དེ་བཞིན་གཤེགས་པས་གསུངས་པའི་མདོ་སྡེ་འདི་ལྟ་བུ་འདི་ཐོས་ནས་ཐོས་མ་ཐག་ཏུ་དགའ་བ་དང་། མགུ་བ་དང་།
D133.056.0031b02.01དང་བ་ཤིན་ཏུ་རྒྱ་ཆེ་བའང་འཐོབ་བོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ལེགས་སོ་ལེགས་སོ། །ཡང་བཟང་སྐྱོང་ཁྱོད་ཀྱིས་རྗེས་སུ་འཐུན་པའི་ཆོས་བཤད་པ་ནི་ཕྱིན་ཅི་མ་
D133.056.0031b03.01ལོག་ཅིང་དེ་ལྟར་དེ་བཞིན་ཡིན་ཏེ། ལེགས་སོ། །ང་ཡང་དེ་ལ་རྗེས་སུ་ཡི་རང་སྟེ། ངས་གང་ལ་རྗེས་སུ་ཡི་རང་བ་དེ་ལ་འདས་པ་དང་། མ་འོངས་པ་དང་། ད་ལྟར་གྱི་སངས་རྒྱས་བཅོམ་ལྡན་འདས་རྣམས་ཀྱང་རྗེས་སུ་ཡི་རང་བར་མཛད་དོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་
D133.056.0031b04.01བཅད་པ་འདི་དག་གསུངས་སོ། །སོ་སོར་ཐར་པར་བསླབ་པ་ངས་བཤད་གང་། །དེ་ཀུན་སློབ་པར་བྱེད་ཅིང་དགོན་པར་སྟེན། །སྦྱངས་པའི་ཡོན་ཏན་དག་ལ་རྟག་སྤྱོད་ན། །ཏིང་འཛིན་འདི་ནི་རྙེད་པར་དཀའ་མི་འགྱུར། །མགྲོན་དུ་གཉེར་བ་ཐམས་ཅད་སྤང་བྱས་ཤིང་། །རོ་ལ་ཆགས་པའང་
D133.056.0031b05.01ཡོངས་སུ་སྤང་བྱས་ཏེ། །གང་ལས་མཉན་ལ་སྟོན་པར་འདུ་ཤེས་ཤིང་། །མཉམ་ཞིང་མཚུངས་པའི་འདུ་ཤེས་ཉེ་བར་གཞོག །ཕྲག་དོག་འདོད་པ་ང་རྒྱལ་སྤང་བྱས་ལ། །འདོད་ཆགས་ཞེ་སྡང་གཏི་མུག་སྤང་བྱས་ཏེ། །བསམ་གཏན་སྦྱོར་སེམས་ཡང་དག་བསྐྱེད་བྱས་ཏེ། །ཏིང་ངེ་
D133.056.0031b06.01འཛིན་འདི་ལ་ནི་འཇུག་པར་བྱ། །ཕྲག་དོག་མེད་ཅིང་འདོད་ཆགས་སྤང་བྱས་ལ། །རབ་ཏུ་བསྡམས་ཤིང་ཁྲོ་བ་སྤང་བྱས་ཏེ། །རྒྱལ་བའི་སྐུ་ལ་དམིགས་པ་དག་བྱས་ནས། །ཏིང་ངེ་འཛིན་འདི་ལ་ནི་འཇུག་པར་བྱ། །བརྩོན་འགྲུས་མི་གཏོང་གཉིད་ཀྱིས་མི་ནོན་ཅིང་། །གཉེན་དང་མཛའ་དང་ལྷན་
D133.056.0031b07.01